احمەت بايتۇرسىنوۆتىڭ پۋبليسيستيكالىق قىرى
احمەت بايتۇرسىنوۆ 20 عاسىردىڭ باسىنداعى ۇلت – ازاتتىق قوزعالىسى جەتەكشىلەرىنىڭ ءبىرى، قازاق حالىقىنىڭ ءتىل ءبىلىمى مەن ادەبيەت عىلىمدارىنىڭ نەگىزىن سالۋشىسى، الاش-وردا ۇكىمەتىنىڭ مۇشەسى، پۋبليسيست، قازاقتىڭ ۇلت زيالىسى. قازاق حالقىنىڭ وتارشىلدىق ساياساتىنان قۇتقارىپ، قاراڭعى حالىقتىڭ ساۋاتىن اشىپ، تاۋەلسىز ەل بولۋعا ۇمتىلدىرعان وسى احمەت بايتۇرسىنوۆ بولاتىن. ول ءوزىنىڭ جازعان ولەڭدەرىندە پاتشالىق رەسەيدىڭ قاناۋشىلىق – وتارشىلدىق ساياساتىن، بايلاردىڭ الدىندا قۇرداي جورعالاعان شەنەۋنىكتەردىڭ وپاسىزدىعىن سىنعا الىپ وتىردى.
اراب گرافيكاسىنا نەگىزدەلگەن قازاق ءالىپبيىن احمەت بايتۇرسىنوۆ قولعا الىپ، جەتىلدىرگەن بولاتىن. احمەت بايتۇرسىنوۆتى پۋبليسيستيكالىق جاعىنان قارايتىن بولساق، ءار ءتۇرلى جانردا سىر شەرتكەن. ونىڭ گازەت بەتتەرىنە سىني ماقالالارى، حاتتارى جانە قوعامدىق ماسەلەلەردى كوتەرگەن پروبلەمالىق ماقالالارى جاريالانىپ وتىرعان. ەندىگى كەزەكتە ونىڭ پۋبليسيستيكالىق ەرەكشەلىكتەرى تۋرالى ايتىپ وتەيىك. بىرىنشىدەن، وزىندىك اۆتورلىق ۇستانىمى بار. ەكىنشىدەن، ويدى ۇدەتپەلى تۇردە بەرىپ، ءبىر باعىتتا جىلجىتا وتىرىپ، يندۋكسيا تاسىلىمەن وي تولعايدى. ۇشىنشىدەن، فرازەولوگيزمدەردىڭ مول قولدانىسى. گازەت ماتەريالدارىندا حالىقتىڭ قوعامدىق - الەۋمەتتىك ماسەلەلەرىن كوتەرىپ، ولاردىڭ شەشۋ جولدارىن ۇسىنادى. دامۋدىڭ نەگىزگى باعىتتارىن انىقتاپ، ونى حالىققا تۇسىنىكتى تىلمەن جەتكىزىپ وتىردى. جانە ەڭ سوڭعىسى گازەت حالىق تىلىنە جاقىن بولۋىن تالاپ ەتتى. حالىقتىڭ قامى ءۇشىن جازىلعان نارسە حالىققا جاقىن بولۋى كەرەك دەپ تۇسىنگەن. احمەت بايتۇرسىنوۆ - قازاق حالقىنىڭ جاعدايىنا قاتتى الاڭدادى. شىن نيەتپەن قازاق حالقىنىڭ ۇلت بولىپ ساقتالۋىنا ءارى بولاشاعىنىڭ جارقىن بولۋىنا كومەك كورسەتتى. احمەت بايتۇرسىنوۆ پەن ءمىرجاقىپ دۋلات ۇلى رەداكتور بولعان "قازاق" گازەتىنىڭ دە الاتىن ورنى ەرەكشە. قازاقتىڭ قامىن ويلاپ، "دەموكراتيا" ۇعىمىن بيىككە كوتەرگەن باسىلىمداردىڭ ءبىرى بولدى. احمەت بايتۇرسىنوۆ تۋرالى جانە ونىڭ پۋبليسيستيكالىق قىرىن ارنايى زەرتتەگەن ماقالالار، ەڭبەكتەر بار (سىزدىقوۆا ر، ماجيتايەۆا ش.، ەرنازاروۆا گ.، ت.ب.).
احمەت بايتۇرسىنوۆ - قازاق مەملەكەتىنىڭ قالىپتاسۋىندا ەلەۋلى ورىن الاتىن ۇلى تۇلعا.
You Might Also Like
-
باۋىرجان مومىش ۇلى 1910 جىلى 24-جەلتوقساندا جامبىل وبلىسى، جۋالى اۋدانى، مىڭبۇلاق اۋىلىندا قاراپايىم، مال باعاتىن شارۋا وتباسىندا دۇنيەگە كەلدى. بالالىق شاعىنىڭ ون ءۇش جىلىن كىندىك قانى تامعان اۋىلىن...
