InfoHub Logo

وزگە وقىعان زامانداستارى ءوز باستارىنىڭ پايداسىن عانا ىزدەپ، ار ءھام يماندارىن ساتىپ جۇرگەندە، احمەت حالىقتىڭ ارىن ىزدەپ، ءوزىنىڭ ويعا العان ءىسى ءۇشىن ءبىر باسىن بايگەگە تىككەن. احمەت بايتۇرسىن ۇلى ۇلتىن شىن سۇيەتىن شىن ۇلتشىل.

ساكەن سەيفۋللين

بىسسىمىللامەن باستالار ءسوزدىڭ باسى دەپ جىرلاعان ەكەن ءبىر اقىن. مەن اقىن ەمەسپىن. قاراپايىم ستۋدەنتپىن. مەن دە ءوز ءسوزىمدى بىسسىمىللامەن باستاپ، ارى قاراي احمەت بايتۇرسىن ۇلىنىڭ «قازاق وكپەسى» ماقالاسىنىڭ ايشىقتى ءمانى تۋرالى جالعاعىم كەلەدى.

“قازاق وكپەسى” ماقالاسىندا تاريحي ماسەلەلەرگە وبەكتيۆتى، عىلىمي تۇرعىدان قارايتىندىعى كورىنەدى، قازاق حاندىعى نەلىكتەن قۇلادى، ءوز الدىنا دەربەس مەملەكەت بولىپ تۇرا الماۋدىڭ سەبەبى، رەسەيگە قوسىلۋدىڭ نەگىزگى جاعدايلارى دەگەن پروبلەمالاردىڭ جاۋابى ايتىلادى. “ولجالى جەردە ۇلەستەن قاعىلعانىمىز، وردالى جەردە ورىننان قاعىلعانىمىز، جورالى جەردە جولدان قاعىلعانىمىز – ءبارى ناداندىق كەساپاتى» - دەي كەلىپ، ەل مەن ەلدى، ۇلت پەن ۇلتتى تەڭگەرەتىن عىلىم، ونەر ەكەنىن ايتىپ، وقۋعا، اعارتۋشىلىققا دەن قويادى.

ماقالانىڭ باس جاعىندا «تومەندە قازاق وكپەلەۋىنىڭ ءجونى بار ما، جوق پا - سونى جازباقپىن» - دەيدى. جەر قازىنالىق بولدى دەپ وكپەلەۋ بىلمەستىكتەن دەيدى. ەگەردە جەر قازىنالىق بولماسا قازاقتا ەستەكتىڭ كەبىن كيەتىن ەدى. «قازاقتىڭ ەستەكتەن ناداندىعى دا، جالقاۋلىعى دا كەم ەمەس» - دەيدى. دۇشپان كۇلدىرىپ ايتادى، دوس جىلاتىپ ايتادى دەگەندەي. قاتتى ايتسادا شىندىقتى ايتقان. جەرىڭە كەلىپ مۇجىق قونىستانسادا، باسقا بولسادا وزىڭنەن كور. اركىمگە كىنا تاقپاڭدار، امالداردى تۇزەڭدەر دەگەن. عىلىم مەن ونەردىڭ ەڭ ماڭىزدى ەكەنىن جەتكىزگىسى كەلگەن. وسى ماقالا ارقىلى كوپ قازاقتىڭ كوزى اشىلىپ، ساناسى ويانعانى ءشۇباسىز. ماقالانىڭ ماقساتى دا، ءمانى دە وسى دەپ ويلايمىن.

جاقىپبەكوۆ ولجاس ايدىن ۇلى

---