ازاتتىق
ازاتتىق
ازاتتىق جايلى سەن دە ۇقتىڭ،
الەمگە ول داڭقىن جايادى.
كەشەگى ول وتكەن ەرلىكتىڭ
بۇگىنگى نۇكتە، بايانى.
وتكەننەن العان تاعىلىم
ازاتتىق دەگەن - بۇگىنىڭ.
سابيگە بەرەر ءتالىمىڭ،
سابيگە بەرەر ءبىلىمىڭ.
كوتەرەر ەرتەڭ جەلكەنىن
بۇگىنگى ءسابي، بالا شاق.
ازاتتىق دەگەن - ەرتەڭىڭ،
ازاتتىق دەگەن - بولاشاق!
تاعىلىمدى سوزىمەن ۇرپاعىنا ۇلاعات بەرە بىلگەن، ۇلىلىقتىڭ اۋىلىنا دا اق ورداسىن قوندىرا العان حالىقتىڭ ءوز ازاتتىعىن، ءوز تاۋەلسىزدىگىن، ەركىندىگى مەن ەگەمەندىگىن اڭساعان كۇندەرى تاريحتىڭ ەنشىسىندە قالدى. الەم اياسىندا ءوزىن دەربەس ەل رەتىندە ايقىنداپ، مويىنداتىپ، تاۋەلسىز ەل رەتىندە ءومىر ءسۇرىپ كەلە جاتقانىنا دا - 25 جىل.
وسى جىلداردىڭ ىشىندە بارى مەن جوعىن تۇگەندەگەن حالىقتىڭ تامىرى تەرەڭگە كەتكەن ۇلى شەجىرەسىنىڭ قاينارىنان سۋسىنداعان تاريحي ساناسى دا قايتا جاڭعىرىقتى. ويانعان سانانىڭ كوزىمەن قارادى: ازاتتىق دەيتىن قاسيەتتى ۇعىمنىڭ تاعدىرى تالاي مارتە سىنعا ءتۇسىپتى، قىلىش جۇزىندە تۇرىپتى، نىساناعا ىلىنگەن، كوكىرەككە شەر بوپ بايلانعان، كوز جاسى بوپ توگىلگەن. ءبىراق باعزى بابالاردان باستاۋ العان ازات رۋحتىڭ تۋى ءبىرجولا قۇلاماعان. جالعاسقان: ۇجداندى ۇلدىڭ ەرلىگىمەن، نايزا ۇستاعان بىلەكتىڭ قۋاتىمەن، قاستەرلى حالىقتىڭ كيەلى باتاسىمەن، ءورشىل ونەرىمەن. سىنباعان. بىرىنە-بىرى ىشتەي ۇندەسىپ جاتاتىن قاسيەتتى كۇرەستەر - سونىڭ كۋاسى.
ازاتتىق ءۇشىن بولعان ۇلكەندى-كىشىلى ۇلى كۇرەستەردىڭ كيەسىز سانالار ءبىرى جوق. قان توگىلگەن. جانىن قۇربان ەتكەن. سونىڭ بارىنە دە ۇلى دالا كۋا.
ءبۇتىن ءبىر ۇلت ءۇشىن باعزىدان ارمان بولعان، ۇلى كۇرەستەردە ۇلدارى ءشايىت بولعان حالىقتىڭ ۇلى مۇراتى ازاتتىق بولىپ كەلدى. ازاتتىق انانىڭ كوزىنەن قۋانىش جاسى بولىپ توگىلدى، قارا كوز قىزدىڭ جانارىندا قايسارلىقتىڭ رۋحى بولىپ وينادى، بوبەكتىڭ كوكىرەگىنە بولاشاقتىڭ گ ۇلى بولىپ ەگىلدى.
جاڭا عاسىرداعى كەلەشەكتىڭ جولى سالىندى: كيەلى ازاتتىقتى تۇعىرلى ەتۋ ماقساتىندا، تاعىلىمدى كۇرەستەردىڭ يەسى - حالىقتى الەمگە تانىتپاق ءۇشىن، وركەندى ەل بولماققا.
ۇلى ماقسات جولىنا اپارا جاتقان ۇلى جولداعى حالىقتىڭ تىلەگى - ازاتتىقتىڭ باياندىلىعى مەن تىنىشتىعى. الەمگە تانىلعان وركەندى ەلدەردىڭ تاجىريبەسىنەن ۇيرەنبەك ءۇشىن، سونى ءبىلىمنىڭ سوقپاعىنا ۇل-قىزىن جەتەلەپ اپارماق ءۇشىن، قالاسىن دا، دالاسىن دا قۇت مەكەنگە اينالدىرماق ءۇشىن بەيبىت كۇننىڭ جارىق ساۋلەسىن تىلەك ەتەدى.
ازاتتىق - 25 جىل. شيرەك عاسىردا اتقارىلعان ىستەردىڭ تاعى دا ءبىر ساراپقا سالىنار تۇسى، كەشە مەن بۇگىننىڭ، بۇگىن مەن بولاشاقتىڭ ازاتتىق دەيتىن قاسيەتتى ىرگەتاستىڭ ۇستىنە قالانعان قابىرعاسىنىڭ قايتا ءبىر تولىعار تۇسى. ۇلى شايقاستاردا جانىن بەرگەن بوزداقتار مەن ارىستاردىڭ ارۋاقتارىنا مىڭ تاعزىم!
ازاتتىق ورناعان 25 جىلدىڭ ىشىندە بوستان حالىقتىڭ رۋحى كۇمبىرلى كۇي بولىپ شالقىدى، جىر بولىپ توگىلدى، ساۋلەتتى تۇرمىس بولىپ ورنىقتى، بالدىرعان جۇرەكتەرگە ءان بولىپ ۇيالادى. سانداعان كوڭىلدەن لەبىز بولىپ توگىلدى.
بولاشاقتىڭ ۇرانى بەلگىلى: ءتىلى مەن يمانىن جوعالتپاعان ۇلى حالىقتى، ءىلىمنىڭ قۇندىلىعىن ساناسىنا ۇيالاتقان ءىرى حالىقتى ماڭگىلىكتىڭ كوشىنە جەتكىزۋ.
بىرىككەن ۇلتتار ۇيىمىنىڭ شتاب-پاتەرىندە سانداعان مەملەكەتتەردىڭ تۋىنىڭ اراسىندا قازاق ەلىنىڭ كوك تۋى دا جەلبىرەپ تۇر دەسەدى.
كونبەستەن بوداندىقتىڭ تۇساۋىنا،
اينالعان ازاتتىقتىڭ نىشانىنا.
تانىتقان ورلىگىڭ مەن ەلدىگىڭدى،
سىيعىزىپ تىنىشتىقتى قۇشاعىڭا.
كۇللى الەم سودان بىلەر سەنى تانىپ،
بالانعان ەركىندىكتىڭ مىسالىنا.
جيھانعا ەڭسە تىكتەپ كوز سالعىزعان
بۇل - ءبىزدىڭ كوك تۋىمىز جەلبىرەگەن!
كەلىسىم ءار كەز جانجال باستاتپاعان،
اسكەرى قۇرمەت ەتىپ قاس قاقپاعان.
بارعاندا ءوز ەل باسشىڭ شەت ساپارعا
سول ەلدىڭ اسپانىندا اسقاقتاعان.
سەنى ەركىن مەملەكەت دەپ مويىنداتقان،
ءجۇزىڭدى تومەندەتىپ، جاسقانتپاعان.
ءبۇتىن ءبىر ەل اتىنان سويلەپ تۇرعان
بۇل - ءبىزدىڭ كوك تۋىمىز جەلبىرەگەن!
كوك تۋىڭدى جەلبىرەتىپ، ءانۇرانىڭدى ساناڭا اڭىز ەتىپ سىڭىرگەن، كەشەگىڭنەن بۇگىنىڭە، بۇگىنىڭنەن ەرتەڭىڭە اپارار جولدى جۇمىر جەردىڭ بەتىن مەكەندەگەن وزگە دە حالىقتاردىڭ كوز الدىندا ايشىقتاتقان قاسيەتتى ازاتتىقتى ءقادىر تۇتۋ - ۇرپاقتىڭ ەنشىسىندە.
ازاتتىق قىمبات - سونى ۇقتىڭ،
ورتاق ول جاسقا، كارىگە.
الەمدە ءاربىر حالىقتىڭ
ازاتتىق قىمبات بارىنە.
اۆتورى:
عابيدەن قوجاحمەت،
قىزىلوردا قالاسى
ازاتتىق جايلى سەن دە ۇقتىڭ،
الەمگە ول داڭقىن جايادى.
كەشەگى ول وتكەن ەرلىكتىڭ
بۇگىنگى نۇكتە، بايانى.
وتكەننەن العان تاعىلىم
ازاتتىق دەگەن - بۇگىنىڭ.
سابيگە بەرەر ءتالىمىڭ،
سابيگە بەرەر ءبىلىمىڭ.
كوتەرەر ەرتەڭ جەلكەنىن
بۇگىنگى ءسابي، بالا شاق.
ازاتتىق دەگەن - ەرتەڭىڭ،
ازاتتىق دەگەن - بولاشاق!
تاعىلىمدى سوزىمەن ۇرپاعىنا ۇلاعات بەرە بىلگەن، ۇلىلىقتىڭ اۋىلىنا دا اق ورداسىن قوندىرا العان حالىقتىڭ ءوز ازاتتىعىن، ءوز تاۋەلسىزدىگىن، ەركىندىگى مەن ەگەمەندىگىن اڭساعان كۇندەرى تاريحتىڭ ەنشىسىندە قالدى. الەم اياسىندا ءوزىن دەربەس ەل رەتىندە ايقىنداپ، مويىنداتىپ، تاۋەلسىز ەل رەتىندە ءومىر ءسۇرىپ كەلە جاتقانىنا دا - 25 جىل.
وسى جىلداردىڭ ىشىندە بارى مەن جوعىن تۇگەندەگەن حالىقتىڭ تامىرى تەرەڭگە كەتكەن ۇلى شەجىرەسىنىڭ قاينارىنان سۋسىنداعان تاريحي ساناسى دا قايتا جاڭعىرىقتى. ويانعان سانانىڭ كوزىمەن قارادى: ازاتتىق دەيتىن قاسيەتتى ۇعىمنىڭ تاعدىرى تالاي مارتە سىنعا ءتۇسىپتى، قىلىش جۇزىندە تۇرىپتى، نىساناعا ىلىنگەن، كوكىرەككە شەر بوپ بايلانعان، كوز جاسى بوپ توگىلگەن. ءبىراق باعزى بابالاردان باستاۋ العان ازات رۋحتىڭ تۋى ءبىرجولا قۇلاماعان. جالعاسقان: ۇجداندى ۇلدىڭ ەرلىگىمەن، نايزا ۇستاعان بىلەكتىڭ قۋاتىمەن، قاستەرلى حالىقتىڭ كيەلى باتاسىمەن، ءورشىل ونەرىمەن. سىنباعان. بىرىنە-بىرى ىشتەي ۇندەسىپ جاتاتىن قاسيەتتى كۇرەستەر - سونىڭ كۋاسى.
ازاتتىق ءۇشىن بولعان ۇلكەندى-كىشىلى ۇلى كۇرەستەردىڭ كيەسىز سانالار ءبىرى جوق. قان توگىلگەن. جانىن قۇربان ەتكەن. سونىڭ بارىنە دە ۇلى دالا كۋا.
ءبۇتىن ءبىر ۇلت ءۇشىن باعزىدان ارمان بولعان، ۇلى كۇرەستەردە ۇلدارى ءشايىت بولعان حالىقتىڭ ۇلى مۇراتى ازاتتىق بولىپ كەلدى. ازاتتىق انانىڭ كوزىنەن قۋانىش جاسى بولىپ توگىلدى، قارا كوز قىزدىڭ جانارىندا قايسارلىقتىڭ رۋحى بولىپ وينادى، بوبەكتىڭ كوكىرەگىنە بولاشاقتىڭ گ ۇلى بولىپ ەگىلدى.
جاڭا عاسىرداعى كەلەشەكتىڭ جولى سالىندى: كيەلى ازاتتىقتى تۇعىرلى ەتۋ ماقساتىندا، تاعىلىمدى كۇرەستەردىڭ يەسى - حالىقتى الەمگە تانىتپاق ءۇشىن، وركەندى ەل بولماققا.
ۇلى ماقسات جولىنا اپارا جاتقان ۇلى جولداعى حالىقتىڭ تىلەگى - ازاتتىقتىڭ باياندىلىعى مەن تىنىشتىعى. الەمگە تانىلعان وركەندى ەلدەردىڭ تاجىريبەسىنەن ۇيرەنبەك ءۇشىن، سونى ءبىلىمنىڭ سوقپاعىنا ۇل-قىزىن جەتەلەپ اپارماق ءۇشىن، قالاسىن دا، دالاسىن دا قۇت مەكەنگە اينالدىرماق ءۇشىن بەيبىت كۇننىڭ جارىق ساۋلەسىن تىلەك ەتەدى.
ازاتتىق - 25 جىل. شيرەك عاسىردا اتقارىلعان ىستەردىڭ تاعى دا ءبىر ساراپقا سالىنار تۇسى، كەشە مەن بۇگىننىڭ، بۇگىن مەن بولاشاقتىڭ ازاتتىق دەيتىن قاسيەتتى ىرگەتاستىڭ ۇستىنە قالانعان قابىرعاسىنىڭ قايتا ءبىر تولىعار تۇسى. ۇلى شايقاستاردا جانىن بەرگەن بوزداقتار مەن ارىستاردىڭ ارۋاقتارىنا مىڭ تاعزىم!
ازاتتىق ورناعان 25 جىلدىڭ ىشىندە بوستان حالىقتىڭ رۋحى كۇمبىرلى كۇي بولىپ شالقىدى، جىر بولىپ توگىلدى، ساۋلەتتى تۇرمىس بولىپ ورنىقتى، بالدىرعان جۇرەكتەرگە ءان بولىپ ۇيالادى. سانداعان كوڭىلدەن لەبىز بولىپ توگىلدى.
بولاشاقتىڭ ۇرانى بەلگىلى: ءتىلى مەن يمانىن جوعالتپاعان ۇلى حالىقتى، ءىلىمنىڭ قۇندىلىعىن ساناسىنا ۇيالاتقان ءىرى حالىقتى ماڭگىلىكتىڭ كوشىنە جەتكىزۋ.
بىرىككەن ۇلتتار ۇيىمىنىڭ شتاب-پاتەرىندە سانداعان مەملەكەتتەردىڭ تۋىنىڭ اراسىندا قازاق ەلىنىڭ كوك تۋى دا جەلبىرەپ تۇر دەسەدى.
كونبەستەن بوداندىقتىڭ تۇساۋىنا،
اينالعان ازاتتىقتىڭ نىشانىنا.
تانىتقان ورلىگىڭ مەن ەلدىگىڭدى،
سىيعىزىپ تىنىشتىقتى قۇشاعىڭا.
كۇللى الەم سودان بىلەر سەنى تانىپ،
بالانعان ەركىندىكتىڭ مىسالىنا.
جيھانعا ەڭسە تىكتەپ كوز سالعىزعان
بۇل - ءبىزدىڭ كوك تۋىمىز جەلبىرەگەن!
كەلىسىم ءار كەز جانجال باستاتپاعان،
اسكەرى قۇرمەت ەتىپ قاس قاقپاعان.
بارعاندا ءوز ەل باسشىڭ شەت ساپارعا
سول ەلدىڭ اسپانىندا اسقاقتاعان.
سەنى ەركىن مەملەكەت دەپ مويىنداتقان،
ءجۇزىڭدى تومەندەتىپ، جاسقانتپاعان.
ءبۇتىن ءبىر ەل اتىنان سويلەپ تۇرعان
بۇل - ءبىزدىڭ كوك تۋىمىز جەلبىرەگەن!
كوك تۋىڭدى جەلبىرەتىپ، ءانۇرانىڭدى ساناڭا اڭىز ەتىپ سىڭىرگەن، كەشەگىڭنەن بۇگىنىڭە، بۇگىنىڭنەن ەرتەڭىڭە اپارار جولدى جۇمىر جەردىڭ بەتىن مەكەندەگەن وزگە دە حالىقتاردىڭ كوز الدىندا ايشىقتاتقان قاسيەتتى ازاتتىقتى ءقادىر تۇتۋ - ۇرپاقتىڭ ەنشىسىندە.
ازاتتىق قىمبات - سونى ۇقتىڭ،
ورتاق ول جاسقا، كارىگە.
الەمدە ءاربىر حالىقتىڭ
ازاتتىق قىمبات بارىنە.
اۆتورى:
عابيدەن قوجاحمەت،
قىزىلوردا قالاسى
You Might Also Like
