InfoHub Logo

ءازىلباي اۋىرىپ ەمحاناعا بارسا كورشى ۇيدە تۇراتىن ءبىر تانىسى دا اۋرۋ كورسەتكەلى سوندا ءجۇرىپتى. دارىگەر ءبىر، اۋرۋلار كوپ بولعان سەبەپتى ءازىلبايدىڭ دا كەزەك كۇتۋىنە تۋرا كەلىپتى.

ءازىلباي تانىسىنىڭ جايىن سۇراسا، ۇيقىسى قاشىپ جۇرگەنىن ايتىپتى. ءسويتىپ وتىرعاندا الگى تانىسىنىڭ كەزەگى كەلىپتى دە دارىگەردىڭ جانىنا بارىپ ءبىر ۋىس تازا ماقتا سۇراپ الىپتى. دارىگەرگە كورىنىپ ءدارى الماي، ماقتا سۇراپ العانىن كورگەن ءازىلباي:

— مۇنى قايتەسىڭ؟ — دەپ سۇراپتى.

— جاقىندا بىرەۋ ماعان: «ۇيقى ءدارىسىن كوپ ىشپە، اسقازانىڭا زيان، ونان دا ءبىراز ماقتا تاۋىپ ۇيىقتاردا ەكى قۇلاعىڭ- نىڭ تەسىگىن مىقتاپ بەكىتىپ الساڭ، ۇيقىڭ جاقسى بولادى» دەگەن ەدى، سوعان الدىم، — دەپتى.

— مىناۋىڭ، ارينە، جاقسى ەم ەكەن، — دەپتى ءازىلباي، — ءبىراق مۇنى باسقالارعا الباتى ايتۋشى بولما.

— نەگە؟ — دەپتى الگى تانىسى تاڭ قالىپ. سوندا ءازىلباي اۋزىن ونىڭ قۇلاعىنا جاقىنداتىپ:

— تۇندە ۇيىڭە ۇرى كىرۋى عاجاپ ەمەس قوي، — دەگەن ەكەن سىبىرلاپ.

 

---