ءازىلباي مان قۇرداسى
ءازىلباي كوشەدە ءبىر قۇرداسىمەن ۇشىراسا قالىپتى.
— قال قالاي؟
— جاقسى.
— دەنساۋلىعىڭ شە؟
— جامان ەمەس.
— پەنسياعا شىقتىڭ با؟
— جوق، ءالى بەس جىل بار. ءازىلباي قۇرداسىنىڭ وسى ءسوزدى ايتىپ رەنىش بىلدىرۋىنە وراي، كۇيىنىش ءبىلدىرىپ تومسارىپ تۇرعانىندا، مەكەمەنىڭ ءبىر تانىس باستىعى بۇلاردىڭ جاندارىنان سالقىن امانداسىپ وتە شىعىپتى. ءازىلباي وتكەن سايلامدا ورنىنان قالىپ قالماۋ ءۇشىن مۇنىڭ بەس جاسىن كەمەيتىپ مالىمدەگەنىن ەستىگەن ەكەن. سول ەسىنە تۇسە كەتىپ، جالما-جان ءتىل قاتىپ:
— بەرى كەلىپ كەتىڭىزشى، — دەپ ونىڭ ارتىنان اعايلاپتى. ارتىنا بۇرىلعان الگى باستىق ءازىلبايدىڭ جانىنا كەلىپ سۇراۋلى كوزبەن تەسىلە قالىپتى. الدىمەن ءىلتيپات ءبىلدىرىپ ءيىلىپ العان ءازىلباي:
— باستىق، ءسىزدى جولىڭىزدان قالدىرعانىما عاپۋ ەتىڭىز، بار بولعان بۇيىمتايىم سىزدە «زاپاس بەس جاس بار» دەپ ەستىپ ەدىم. سونى مىناعان بەرە تۇرىڭىز، — دەپتى جانىنداعى كىسىنى كورسەتىپ كۇلە ءتىل قاتىپ، — پەنسياعا شىعىپ السىن، كەلەر سايلامدا سىزگە دە پايدالى.
You Might Also Like
-
ەرتەرەكتە پىشەنگە تۇسكەن بىرەۋ ءشوبىن بىتىرگەن سوڭ، تارتپاسىنىڭ سابىن بەلىنە قىستىرىپ، اتتانىپ اي جارىعىمەن بوكتەردەگى ۇيىنە قايتىپتى. ءبىراز جۇرگەن سوڭ ارتىنا قاراسا، قولىندا سويىلى بار جورتۋىلشى سە...
-
ءازىلبايدىڭ قالادا تۇراتىن ءبىر تامىرى بولىپتى. بۇلاردىڭ تانىستىعى ونىڭ اۋىلىنا كەلۋىنەن باستالسا كەرەك. ءازىلباي اۋزى قانداي اشىق بولسا، قولى دا سونداي اشىق جان بولعاندىقتان، ونىڭ ۇستىنە «جا...
