InfoHub Logo

ساباقتىڭ تاقىرىبى: ب دىبىسى جانە ءارپى
ساباقتىڭ ماقساتى: 1) ب دىبىسى مەن ءارپىن مەڭگەرتۋ ب دىبىسىن ءسوز ىشىنەن ءبولىپ الىپ، دۇرىس دىبىستاتۋ.
2) ب دىبىسىنا قاتىستى سوزدەردى وقىتىپ، دىبىستىق، بۋىندىق تالداۋ جاساتۋ.
كوركەم جازۋعا داعدىلاندىرۋ.
3) وقۋشىلاردى دوستىققا، ۇيىمشىلدىققا، تاتۋلىققا تاربيەلەۋ.
ساباقتىڭ كورنەكىلىگى: مازمۇندى سۋرەتتەر، وقۋلىق، كارتوچكالار.
ساباقتىڭ ءتۇرى: جاڭا ساباق
ساباقتىڭ ءادىسى: سۇراق - جاۋاپ، كورنەكىلىك، اڭگىمەلەۋ، ويىندار.

ساباقتىڭ بارىسى:
ءى. ۇيىمداستىرۋ.
- سالەمەتسىزدەر مە، بالالار! كوڭىل - كۇيلەرىڭ قالاي؟
- بالالار، ءقازىر بىزدە قاي ساباق باستالدى؟
- الىپپە ساباعىندا نە ۇيرەنەمىز؟
- ءقازىر جىلدىڭ قاي مەزگىلى؟
- بۇگىنگى اۋا - رايى قانداي؟
- بۇگىن نەشەسى؟
- اپتانىڭ نەشىنشى كۇنى؟

ءىى. ءۇي تاپسىرماسىن سۇراۋ.
- وتكەن ساباقتا قانداي دىبىسپەن تانىستىق؟
- م دىبىسى.
- م – قانداي دىبىس؟
- م – داۋىسسىز دىبىس.
ويىن: «الما تەرۋ» ويىنى.
جوعالعان ءارىپ: تا... اق،... اقتا، ارم... ن، مات...،... ال، قارم... ق، قالا...، قايما...، وي... اق.
شاشىلعان ارىپتەردەن ءسوز قۇراستىرۋ
1) م، ا، ت، ق، ا (ماقتا)
2) م، ل، ا (مال)
3) م، ل، و (مول)
- وقۋلىقتان «تاماق» ءماتىنىن كەزەك - كەزەك وقىتۋ.

ءىىى. جاڭا ساباق.
قىزىعۋشىلىعىن وياتۋ
ءسوزدىڭ سىرى – كوپ جۇمباق،
شەشۋىن كىم تابادى؟
كىمدەر شەشسە تەز ويلاپ،
سول جەڭىمپاز بولادى.

جۇمباق شەشۋ.
1. ءبىر كوزىم: كىدىر! دەيدى
ءبىر كوزىم: جۇگىر! دەيدى
ءبىر كوزىم: ابايلا! دەيدى
قاراپ ال، ماڭايعا! دەيدى (باعدارشام)
2. جازۋ جازىپ جالىقپاعان،
جازا - جازا ارىقتاعان. (بور)
3. قاناتى جوق ۇشپايدى،
سۋ استىندا قىستايدى (بالىق)

وسى جۇمباقتاردى شەشۋلەرىنە نازار اۋدارايىقشى؟ باعدارشام، بور، بالىق.
بىزگە تانىس ەمەس دىبىس ەستىلىپ تۇر ما؟ ول قانداي دىبىس؟ (ب، ب)
- ەندەشە بۇگىن ءبىز “ب” دىبىسىمەن تانىسامىز.
- قانە بارلىعىمىز بىرگە ب - ب - ب
- “ب” قانداي دىبىس دەپ ويلايسىڭدار؟ ول قانداي تۇسپەن بويالىپ تۇر؟
- “ب” دىبىسى نەگە داۋىسسىز؟ سەبەبى ول اۋىز قۋىسىنان كەدەرگىگە ۇشىراپ بارىپ شىعادى.
- ب ءارپىنىڭ باسپا، جازبا باس جانە كىشى ارىپتەرىن تاقتادا جازىپ كورسەتۋ.

- اۋادا جازۋ.
ب دىبىسى تەك ءسوزدىڭ باسى مەن ورتاسىندا كەزدەسەدى. سۋرەتتەردى كورسەتە وتىرىپ مىسالدار ايتۋ: باقا، بور، دوربا، بارابان، باقباق، بالىق، قاربىز، بورسىق، باۋىرساق، بۇلت. وسى سوزدەردى مىنا تاقتادا تۇرعان 2 ساندىقشالارعا سالۋىمىز كەرەك.

سەرگىتۋ ءساتى
ۇزىن قۇلاق، سۇر قويان
ەستىپ قالىپ سىبدىردى
ويلى - قىرلى جەرلەرمەن
ىتقىپ - ىتقىپ جۇگىردى
قاراپ ەدى ارتىنا
قيىعىن ساپ كوزىنىڭ
كەلە جاتقان تومپاڭداپ
كوجەگى ەكەن ءوزىنىڭ

ءىV. وقۋلىقپەن جۇمىس.
- الىپپە وقۋلىعىنان 61 بەتتى وقىتۋ.
با لا، بو تا، با با، با تا، بال
بور، بو لات
- سويلەم وقىتۋ: - بولات، با - لا - پان - دار - عا قارا.

V. داپتەرمەن جۇمىس.
ءوز بەتتەرىنشە داپتەرمەن جۇمىس

- تاقتادا بۋىنداردان ءسوز قۇراستىرۋ.
با - لا / با - لا - قان / با - لا - پان / بو - تا/ با - لىق/ ءبو - رىك/

“كىم جىلدام؟” ويىنى
ۇلەستىرمە قاعازدار: سوزدەردەگى ب ءارپىنىڭ استىن قالاممەن سىزىپ شىعۋى كەرەك جانە سول تۋرالى نە بىلەتىنىن ايتۋ.

مىنا سوزدەرگە دىبىستىق تالداۋ جاساتۋ: بالاپان، بالا، بارابان، بالىق.

Vءى. ساباقتى قورىتىندىلاۋ.
“نەگە اينالادى؟” ويىنى ارقىلى ساباقتى قورىتۋ.
- جۇمىرتقا نەگە اينالادى؟ بالاپانعا
- ءدان نەگە اينالادى؟ بيداي، ارپاعا
- گۇلدەر نەگە اينالادى؟ جەمىسكە
- كوجەك نەگە اينالادى؟ قويانعا
- ۋىلدىرىق نەگە اينالادى؟ بالىققا

دۇرىس جازىلعان “ب” ءارپىن كورسەت. (سۋرەتتەر كورسەتۋ)

ب ءارپى قاي كيىز ءۇيدىڭ تۇراقتى تۇرعىنى بولا الادى ويلان.
- بۇگىن قانداي ارىپپەن تانىستىق؟
- ول قانداي دىبىس؟
- داۋىسسىز دىبىس قانداي تۇسپەن بويالادى؟
- ب ءارپى نەگە داۋىسسىز دىبىس دەپ ويلايسىڭدار؟
- بۇگىنگى ساباق سەندەرگە ۇنادى ما؟ قانداي تاپسىرما قيىن بولدى؟

Vءىى. ۇيگە تاپسىرما.
- ب دىبىسىن وقىپ كەلۋ، داپتەرمەن جۇمىس.
Vءىىى. ماداقتاۋ.
جۇلدىزشالار تاراتۋ.