InfoHub Logo

بىرىككەن اراب امىرلىكتەرى (ءباا) يراننىڭ شابۋىلدارىنا بايلانىستى سوعىس جاعدايىندا، ءبىراق بۇل جاعدايدان بۇرىنعىدان دا كۇشتى شىعاتىنى ايتىلدى. بۇل تۋرالى ەل پرەزيدەنتى مۇحاممەد بەن زايد ءال ناحاييان تاياۋ شىعىستاعى قاقتىعىس باستالعالى بەرى العاشقى رەت كوپشىلىك الدىندا سويلەگەن سوزىندە مالىمدەدى.

بۇل تۋرالى Infohub.kz اقپارات اگەنتتىگى حابارلايدى.

شەيح ەل قارۋلى كۇشتەرىنە «وسى سوعىس كەزىندەگى» ءرولى ءۇشىن العىس ايتىپ، كۇش قۇرىلىمدارىن «ەلگە قىزمەت ەتكەنى ءۇشىن» ماقتادى. سونداي-اق، باا-دەگى شەتەلدىك تۇرعىنداردىڭ ۇلەسىن جوعارى باعالادى.

«ءبىز سوعىس جاعدايىندامىز جانە مەن ولارعا ءوز مىندەتىمىزدى ورىندايتىنىمىزدى ۋادە ەتەمىن. بۇل جاعداي بىزگە تاڭىلدى جانە ءبىز ءوزىمىزدى، وتباسىمىزدى جانە ەلىمىزدى قورعاۋ ءۇشىن ارەكەت ەتەمىز»، - دەپ اتاپ ءوتتى مۇحاممەد بەن زايد ءال ناحاييان.

ساياساتكەر تەگەراننىڭ شابۋىلدارى سالدارىنان زارداپ شەككەن بەس ادامدى، سونىڭ ىشىندە ەكى ءباا ازاماتىن، بىر-بىردەن ءۇندىستان، سۋدان جانە يران ازاماتتارىن ارالاپ، جارالانعانداردىڭ «ءبىزدىڭ جاۋاپكەرشىلىگىمىز» ەكەنىنە سەنىم ءبىلدىردى.

«ءباا – تارتىمدى، ادەمى جانە ۇلگىلى ەل، ءبىراق الدانىپ قالماڭىزدار. ءباا-نىڭ تەرىسى قالىڭ جانە ەتى اششى – ءبىزدى جۇتا المايدى. ءبىز وڭاي ولجا ەمەسپىز»، - دەپ اتاپ ءوتتى پرەزيدەنت.

اقش پەن يزرايل 28 اقپاندا يرانعا قارسى اسكەري وپەراسيا باستادى. ءوز اۋماعىنا جاسالعان سوققىلارعا تەگەران ۆاشينگتوننىڭ تاياۋ شىعىستاعى وداقتاس ەلدەرىندەگى امەريكاندىق نىساندارعا شابۋىل جاساۋ ارقىلى جاۋاپ بەردى.

شابۋىلدارعا ۇشىراعان ەلدەردىڭ قاتارىندا ءباا دە بولدى. سوققىلار اسكەري ينفراقۇرىلىمعا باعىتتالعانىمەن، ازاماتتىق نىساندار دا زارداپ شەككەن. ماسەلەن، دۋبايداعى «ءبۋردج-ال-اراب» قونالۇيىنە سوققىلار تۋرالى حابارلانىپ، «بۋردج-حاليفا» ءزاۋلىم عيماراتىنا يراندىق دروندار ۇشىپ كەلىپ، پالم-دجۋمەيرا اۋدانىنا قۇلاعان.

7 ناۋرىز كۇنى تاڭعى ۋاقىتتا يران اسكەري-تەڭىز كۇشتەرى ءباا مەن كۋۆەيتتەگى امەريكاندىق نىساندارعا دروندارمەن جاپپاي شابۋىل جاسادى. بۇل ابۋ-دابيدەگى ءال-مينحاد بازاسى مەن كۋۆەيتتەگى ءال-اديري لاگەرىنە قاتىستى. دۋبايدا اۋەجاي دا شابۋىلعا ۇشىرادى.