Petr Karandashev
بايبەكتىڭ اكەسى قوسپايەۆتىڭ قىلمىستىق سحەمالارىنا قاتىسى بار دەگەن مالىمەت جاريالاندى
الماتىنىڭ بۇرىنعى اكىمى باۋىرجان بايبەكتىڭ وتباسى ەلدوس قوسپايەۆ باسقارعان ۇيىمداسقان قىلمىستىق توپتىڭ (ۇقت) ارەكەتتەرىنە ارالاسقان بولۋى مۇمكىن. بۇل تۋرالى "ادىرنا" ۇلتتىق پورتالى قازتاگ اگەنتتىگىنە سىلتەمە جاساپ حابارلادى.
قىلمىستىق ىستە كەلتىرىلگەن مالىمەتكە سايكەس، قوسپايەۆ پەن ونىڭ توبى 2019 جىلدىڭ 8 ساۋىرىنەن 2020 جىلدىڭ 23 جەلتوقسانىنا دەيىن «AV-Construction» ءجشس-نىڭ مۇلكىن زاڭسىز يەمدەنىپ، سەنىپ تاپسىرىلعان جىلجىمايتىن مۇلىك نىساندارىن وزىندىك قۇنىنان تومەن باعامەن ءۇشىنشى تۇلعالارعا ساتقان.
سوت ۇكىمىندە كورسەتىلگەندەي، بۇل ءىس بويىنشا ابيجانوۆ د.، تاناشيەۆ ت. جانە بابايەۆ ر. قىلمىستىق توپ جەتەكشىسى قوسپايەۆپەن بىرلەسىپ، پايدالانۋعا بەرىلگەن جانە سالىنىپ جاتقان نىسانداردى سول كەزدەگى قالا اكىمى باۋىرجان بايبەكتىڭ اكەسى بايبەك ق.-عا نارىقتان الدەقايدا تومەن باعامەن وتكىزۋ تۋرالى شەشىم قابىلداعان.
وسىنىڭ سالدارىنان كاسىپورىن مەن ونىڭ زاڭدى يەلەرى ەلەۋلى قارجىلىق شىعىنعا ۇشىراعان. اتالعان ىستە تەرگەۋ جانە سوت پروسەستەرى جالعاسىپ جاتىر.
You Might Also Like
-
ەۋروپانىڭ ءبىرقاتار ەلدەرىندە ءىرى كولەمدەگى ەلەكتر ەنەرگياسىنىڭ ءوشۋى تىركەلدى. اتاپ ايتقاندا، يسپانيا، پورتۋگاليا، بەلگيا، فرانسيا جانە اندوررا مەملەكەتتەرىندە جارىقسىز قالعان اۋداندار كوپ بولدى. و...
-
سەناتتىڭ قارجى جانە بيۋدجەت كوميتەتىنىڭ دەپۋتاتتارى ۇلتتىق قور قاراجاتىن باسقارۋ تيىمدىلىگى تاقىرىبىندا مەملەكەتتىك ورگاندار وكىلدەرىمەن كەزدەسۋ وتكىزدى.
