InfoHub Logo

ادام بالاسىنىڭ ارمانى مەن ماقساتىنا جەتۋ جولىندا كەزدەسەتىن قيىندىقتار ەشقاشان تاۋسىلمايدى. ءبىراق سول قيىندىقتاردى جەڭىپ، بيىك بەلەستەردى باعىندىرعان ادامدار بار. ولار – ءوز ىسىنە سەنگەن، تىنىمسىز ەڭبەك ەتكەن جانە ەشقاشان ءۇمىت ۇزبەگەن جاندار. «سەنىڭ دە قولىڭنان كەلەدى» دەگەن سەنىم – وسى تۇلعالاردىڭ ومىرىنەن الىنعان ناقتى دالەل. بۇل ماقالادا ءبىز الەمگە ايگىلى تۇلعالاردىڭ ءومىر جولىنا ۇڭىلە وتىرىپ، اركىمگە جىگەر بەرەتىن مىسالداردى ۇسىنباقپىز.

1. وپرا ۋينفري: جەتىمدەر ۇيىنەن مەديا يمپەرياعا دەيىن

وپرا ۋينفري – قازىرگى زاماننىڭ ەڭ ىقپالدى ايەلدەرىنىڭ ءبىرى. ول اۋىر بالالىق شاقتى باستان وتكەرگەن، كەدەيلىكتە وسكەن، جىنىستىق زورلىق-زومبىلىقتىڭ قۇربانى بولعان. ءبىراق سونىڭ بارىنە قاراماستان، ول ەشقاشان ءوز ارمانىنان باس تارتقان جوق. راديو مەن تەلەديدار سالاسىندا ەڭبەك ەتە ءجۇرىپ، ءوز شوۋىن اشتى. ۋاقىت وتە كەلە ونىڭ اتى برەندكە اينالدى. بۇگىندە وپرا – مەديا بيزنەسىنىڭ ميللياردەرى، قايىرىمدىلىق قورى ارقىلى مىڭداعان ادامعا كومەكتەسىپ كەلەدى.

قانداي جاعداي بولماسىن، سەنىم مەن تاباندىلىق ادامدى بيىككە كوتەرەدى. وپرانىڭ ءومىرى – كەز كەلگەن قيىندىقتى جەڭۋگە بولاتىنىنىڭ دالەلى.

2. دجەك ما: 30 رەت جۇمىسقا تۇرا الماي، 1 ميللياردتىق كومپانيا قۇرعان

Alibaba Group كومپانياسىنىڭ نەگىزىن قالاۋشى دجەك ما – قىتايداعى ەڭ باي ادامداردىڭ ءبىرى. ول مەكتەپتە ۇلگەرىمى ناشار بولدى، ۋنيۆەرسيتەتكە بىرنەشە رەت تۇسە المادى، ال جۇمىسقا ورنالاسۋ ءۇشىن 30 رەت ءوتىنىش بەرگەنىمەن، بارىنەن باس تارتۋ العان. ءتىپتى KFC-دە دە جۇمىسقا الىنباعان. ءبىراق ول ءوز يدەياسىن جۇزەگە اسىرۋ ءۇشىن توقتامادى. ناتيجەسىندە ول 1999 جىلى Alibaba كومپانياسىن قۇرىپ، بۇگىندە ونى الەمدىك دەڭگەيدەگى ەلەكتروندى كوممەرسيا الپاۋىتىنا اينالدىردى.

ساتسىزدىك – تەك ۋاقىتشا قۇبىلىس. ەڭ باستىسى – ماقساتتان اينىماۋ جانە ۇزدىكسىز ارەكەت ەتۋ.

3. جاننا دارك: جاستىعىنا قاراماستان، ەلىنىڭ باتىر قىزى

جاننا دارك – فرانسيانىڭ ۇلتتىق كەيىپكەرى. ول نەبارى 17 جاسىندا فرانسۋز اسكەرىن باستاپ، ەلىن جاۋ قولىنان قورعاۋعا اتسالىسقان. ونىڭ ەرلىگى مەن قايسارلىعى تاريحتا التىن ارىپتەرمەن جازىلدى. جاننا جەڭىلىستى بىلمەگەن رۋحىمەن تانىلدى.

 جاس تا بولساڭ، ۇلكەن ىستەر اتقارۋعا بولادى. قورىقپاۋ، سەنۋ جانە باتىل ارەكەت جاساۋ – ۇلكەن وزگەرىستەردىڭ باستاۋى.

4. ءىلياس جانسۇگىروۆ: قيىن زاماندا قازاق رۋحىن ساقتاپ قالعان

قازاق ادەبيەتىنىڭ كورنەكتى وكىلى ءىلياس جانسۇگىروۆ ءوز زامانىنىڭ قاتال سەنزۋراسىنا قاراماستان، ۇلتىنا ادال قىزمەت ەتتى. ول ولەڭدەرى مەن پوەمالارى ارقىلى قازاق حالقىنىڭ رۋحاني مۇراسىن جاڭعىرتتى. تالانتى مەن تاباندىلىعى ارقاسىندا قازاق ءسوز ونەرىنە وشپەس ءىز قالدىردى.

قيىندىق پەن قىسىم بولعان شاقتا دا ۇلتتىق مۇرات پەن جەكە سەنىم ءۇشىن كۇرەسۋ – ناعىز ەرلىك.

كورىپ وتىرعانىمىزداي، تابىسقا جەتكەن ءار تۇلعانىڭ ارتىندا – ۇلكەن ەڭبەك، تەر توگىلگەن ۋاقىت پەن تەمىردەي ءتارتىپ جاتىر. ولار ەرەكشە تۋعان جوق، ولار دا سەن سياقتى ادام. ءبىراق ولاردىڭ ەڭ باستى ەرەكشەلىگى – ەشقاشان توقتامادى. سەن دە وزىڭە سەنسەڭ، ارمانىڭا ادال بولساڭ، ارەكەتتەن جالىقپاساڭ – قولىڭنان ءبارى كەلەدى.

بۇگىن باستا. كەش ەمەس. سەنىڭ دە قولىڭنان كەلەدى!

اۆتور: وراز بەردالى عابيت ۇلى