InfoHub Logo

اتىراۋ وبلىسى اكىمىنىڭ بۇرىنعى ورىنباسارى، سىبايلاس جەمقورلىق ءۇشىن سوتتالعان باكىتگۇل حامەنوۆا بوستاندىقتا قالادى. بۇل شەشىمدى اتىراۋ قالاسى №2 سوتى قابىلدادى.

بۇل تۋرالى Infohub.kz اقپارات اگەنتتىگى حابارلايدى.

حامەنوۆانىڭ ءۇش جىلدىق مەرزىمگە بەرىلگەن جازانى وتەۋ مەرزىمىنىڭ كەيىنگە قالدىرىلۋى 10 ناۋرىزدا اياقتالدى. ول بۇل ۋاقىتتا كىشكەنتاي بالاسىنىڭ تاربيەسىمەن اينالىسقان بولاتىن. 16 ناۋرىزدا اتىراۋ قالاسىنىڭ №2 سوتىندا پروباسيا قىزمەتىنىڭ وتەلمەگەن جازانى باس بوستاندىعىن شەكتەۋ تۇرىنە اۋىستىرۋ تۋرالى ۇسىنىسى قارالدى.

سوت شەشىمى

سوت وتىرىسىندا حامەنوۆانىڭ جازانى كەيىنگە قالدىرۋ كەزىندە قوعامدىق ءتارتىپتى بۇزباعانى، اكىمشىلىك جاۋاپكەرشىلىككە تارتىلماعانى جانە بالا تاربيەسىندەگى مىندەتتەرىن ورىنداعانى ايتىلدى. وسى جاعدايلاردى ەسكەرە الا وتىرىپ، سوت ۇسىنىستى قاناعاتتاندىردى. وتەلمەگەن جازانىڭ قالعان بولىگى 7 جىلعا باس بوستاندىعىن شەكتەۋمەن جانە سول مەرزىمگە پروباسيالىق باقىلاۋمەن اۋىستىرىلدى.

ءىستىڭ ءمان-جايى

2022 جىلدىڭ 15 قاراشاسىندا اتىراۋداعى سوت ەكس-اكىم ورىنباسارى باكىتگۇل حامەنوۆاعا قاتىستى ۇكىم شىعارعان بولاتىن. ول پارا العانى ءۇشىن كىنالى دەپ تانىلىپ، جەتى جىلعا باس بوستاندىعىنان ايىرىلدى. الايدا، سوت ونىڭ كىشكەنتاي بالاسىنىڭ بولۋىنا بايلانىستى جازانى وتەۋدى كەيىنگە قالدىرعان ەدى. سول كەزدە حامەنوۆا سوت زالىنان بوساتىلعان بولاتىن.

2023 جىلعى اقپاندا سوت اپەللياسيالىق شاعىمدى قاناعاتتاندىرماي، بۇرىنعى ۇكىمدى وزگەرىسسىز قالدىردى. وتكەن جىلدىڭ كۇزىندە حامەنوۆانىڭ تويدا جۇرگەن ۆيدەوسى جەلىدە پايدا بولعان ەدى. قىلمىستىق-اتقارۋ جۇيەسى كوميتەتى بۇل جاعدايعا قاتىستى ەكس-شەنەۋنىككە مادەني-بۇقارالىق شارالارعا قاتىسۋعا تىيىم سالىنباعانىن حابارلادى.