Photo: Pixabay (https://www.pexels.com/@pixabay) / Pexels
وليگارحتىڭ وتباسىمەن بايلانىستى زاۋىت جۇمىسشىلاردىڭ جالاقىسىن تولەمەدى
اقمولا وبلىسىنداعى «كوكشە-سەمەنت» ج ش س جانە «ستەپنوگورسك-سۋ» مكك جۇمىسشىلارىنا ءبىر اي بويى جالاقى تولەنبەگەنى انىقتالدى. بۇل تۋرالى Infohub.kz اقپارات اگەنتتىگى حابارلايدى.
بيرجان سال اۋداندىق پروكۋراتۋراسى 350 جۇمىسشىعا تيەسىلى جالاقىنىڭ جەلتوقسان ايىنان بەرى تولەنبەي كەلگەنىن انىقتادى. پروكۋراتۋرانىڭ ارالاسۋىنان كەيىن 60 ميلليون تەڭگەدەن استام قارىز وتەلدى. كاسىپورىن باسشىلارى جاۋاپقا تارتىلىپ، سالىق جانە ءوسىماقى رەتىندە 2 ميلليون تەڭگە تولەدى.
كاسىپورىننىڭ يەسى كىم؟
اشىق دەرەككوزدەرگە سۇيەنسەك، «كوكشە-سەمەنت» ءجشس-نىڭ قۇرىلتايشىسى – قازاقستاننىڭ ەڭ باي بيزنەسمەندەرىنىڭ ءبىرى راشيت سارسەنوۆتىڭ قىزى بولىپ شىقتى. 50 جاستاعى كارينا سارسەنوۆا 2023 جىلدىڭ جەلتوقسانىندا 8 كومپانيا مەن ءبىر جك-نىڭ قۇرىلتايشىسى بولعان. ول سونىمەن قاتار رەسەي جازۋشىلار وداعىنىڭ مۇشەسى.
بۇعان دەيىنگى جاعدايلار
بۇل – سارسەنوۆتەر وتباسىمەن بايلانىستى كاسىپورىندارداعى العاشقى داۋ ەمەس. بۇعان دەيىن پاۆلودار وبلىسىنداعى زاۋىت جۇمىسشىلارىنىڭ جالاقىسى از تولەنىپ، مىندەتتى الەۋمەتتىك مەديسينالىق ساقتاندىرۋ جارنالارىن وزدەرى تولەۋگە ءماجبۇر بولعانى انىقتالعان. ودان بۇرىن اتالعان كومپانيا ەكولوگيالىق نورمالاردى بۇزعانى ءۇشىن 100 ميلليون تەڭگەگە جۋىق ايىپپۇلعا تارتىلعان بولاتىن.
-
اتىراۋ وبلىسى اكىمىنىڭ بۇرىنعى ورىنباسارى باكىتگۇل حامەنوۆاعا قاتىستى سوت ۇكىمى وزگەرتىلدى. ول ەندى باس بوستاندىعىنان ايىرىلمايدى.
-
Hundreds of workers at a cement plant linked to a prominent Kazakh family were left unpaid for a month، prompting a significant intervention and fines.
