«بالالار الەمى» مەملەكەتتىك پورتالى اشىلادى ء-تىل كوميتەتى
تىلدەردى دامىتۋ جانە قوعامدىق-ساياسي جۇمىس كوميتەتى «بالالار الەمى» مەملەكەتتىك پورتالدى اشۋعا دايىندالىپ جاتىر.
«بۇگىندە بالالار كورەتىن مۋلتفيلدەرگە، ولار وقىپ جۇرگەن ادەبيەتتەرگە قاتىستى ءبىراز ماسەلەلەر كوتەرىلىپ جاتىر. ءبىزدىڭ مينيسترلىككە ءتيىستى تاپسىرما دا بەرىلدى. اتالعان باعىتتاردا جۇمىستار باستالىپ كەتتى. ماسەلەن، ءقازىر «بالالار الەمى» اتتى ەلىمىزدەگى العاش مەملەكەتتىك ۇلكەن پورتالدى اشۋ ءۇشىن جۇمىستار جاساپ جاتىرمىز»، - دەدى ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ بۇگىن ق ر جوعارعى سوتتا وتكەن دوڭگەلەك ۇستەل وتىرىسىندا.
ورتالىق باسشىنىڭ پىكىرىنشە، رۋحاني جاڭعىرۋ اياسىنداعى «قازاق تىلىندەگى 100 وقۋلىق» جوباسىنىڭ بىرنەشە ەڭبەگىن الدىمەن ادىستەمەگە ارناۋ قاجەت. ونسىز وقۋلىق جازۋ قيىنعا تۇسەدى. سوسىن اقش پەن ەۋروپاعا كوپ اۋەستەنبەي، شىعىستىڭ باي مادەني مۇراسىن دا ۇمىتپاۋ قاجەت.
«ءبىز باتىستى دا، شىعىستى دا بىردەي ۇستاۋىمىز ورىندى. ول قوس قاناتىمىز بولۋى ءتيىس. ماسەلەن، امەريكادان ەكونوميكا جاعىنان ءبىراز نارسەنى الساق، ەتيكا مەن ەستەتيكانى شىعىس بەرە الادى. وسىنداي ساراپتاۋ جۇمىستارىن جۇرگىزگەن ءجون»، - دەپ اتاپ كورسەتتى ە. تىلەشوۆ.
ايتا كەتەيىك، بۇگىن ق ر جوعارعى سوتىندا «رۋحاني جاڭعىرۋ - ماڭگىلىك ەل بولۋدىڭ كەپىلى» تاقىرىبىندا دوڭگەلەك ۇستەل وتىرىسى ءوتتى. القالى جيىنعا تاريحشىلار، ءتىل ماماندارى، ادەبيەتشىلەر مەن سۋديالار قاتىسىپ، «بولاشاققا باعدار: رۋحاني جاڭعىرۋ» ماقالاسىنا، سونداي-اق «تۋعان جەر»، «قازاق تىلىندەگى 100 وقۋلىق»، «قازاقستاننىڭ كيەلى جەرلەر گەوگرافياسى» سياقتى جوبالارعا قاتىستى ءوز ويلارىن ورتاعا سالدى.
You Might Also Like
-
ق ر ءبىلىم جانە عىلىم مينيسترلىگى ءبىلىم بەرۋ ساپاسىن ارتتىرۋ بويىنشا جوعارى وقۋ ورىندارىن ىنتالاندىرۋدىڭ جاڭا ادىستەرىن ازىرلەپ جاتىر. وسى ورايدا ۇسىنىستاردىڭ ءبىرى وقۋ ورىندارىنا جەكە ءبىلىم بەرۋ باعد...
