InfoHub Logo

بالالاردى قورعاۋ كۇنىنە ارنالعان مۋزىكالىق ءىس - شارا
«ايالى الاقان» ورتالىعىنىڭ ءتىل دامىتۋ مامانى
تاقىرىبى: « ولكەنىڭ گۇل جايناعان بالعىندارى»

ماقساتى: بالالاردىڭ جەكە قاسيەتتەرىن دامىتۋ، تاقپاق، ولەڭ، اندەردى ناقىشىنا كەلتىرە ايتۋدى ۇيرەتۋ. ءبىر - ءبىرىن سىيلاۋعا، ادامگەرشىلىك قاسيەتتەرىن جوعالتپاي ۇستاۋعا جەتەلەۋ.
كورنەكىلىگى: ناقىل سوزدەر، ءتۇرلى - ءتۇستى شارلار، سلايد «بالا دەگەن ءبىر باقىت»
ءوتىلۋ بارىسى: ادەبي – مۋزىكالىق مونتاج
جۇرگىزۋشى: ارمىسىڭدار بالالار، بارمىسىڭدار،
جاز دا كەلدى، جايناعان گۇلدى شىڭدار
الدىمەنەن الايىق امانداسىپ،
ارمىسىڭدار ءبارىڭ دە، ارمىسىڭدار!

جۇرگىزۋشى: سالەمەتسىزدەر مە، مەرەكەگە جينالعان قوناقتار،
اتا - انالار، بالالار!
بارشامىزدى بالا تىلمەن باۋرايتىن،
بالا دەگەن ءبىر باقىت قوي سامعايتىن
اتا - انانىڭ ارمانى مەن تىلەگىن،
بالا ەمەس پە بال بۇلاقتان جالعايتىن
سۇيكىمدى پەرىشتەلەر سەندەرسىڭ
قانداي بەينە وزدەرىڭە تەڭ كەلسىن!
دانىشپان دا، عارىشكەر دە، عالىم دا،
ەڭ الدىمەن بالالىقتى مەڭگەرسىن.

1 - ماۋسىم 1950 جىلدان باستاپ حالىقارالىق بالالاردى قورعاۋ كۇنى بولىپ كەلەدى. بۇگىن ءبىز وسى مەرەكەنى اتاپ وتپەكشىمىز. اتالعان مەرەكەمەن ءبىزدى قۇتتىقتاي كەلگەن قوناقتارىمىزبەن تانىستىرىپ وتەيىن.
جەزقازعان قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باستىعى مىرزاحانوۆ باعلان مىرزاحانوۆيچ.
قۇتتىقتاۋ ءسوز كەزەگى
ءان « ەرتەگىلەر الەمىندە» ورىندايتىن ايگۇل.
سايقىمازاقتاردىڭ كەلۋى
بۇل نە مەرەكە؟ نەنى تويلاپ جاتىرسىڭدار؟ بىزگە نەگە ايتپادىڭدار، ا؟ ءبىزسىز ەشقانداي مەرەكە بولمايدى؟
جۇرگىزۋشى: توقتا، توقتا، سەندەر كىمسىڭدەر ءوزى ءبىزدىڭ مەرەكەنى بۇزاتىن؟ بۇگىن ۇلكەن مەرەكە، ءبىز ونى تويلايمىز، ەشكىم كەدەرگى بولا المايدى! بىزبەن بىرگە تويلايمىز دەسەڭدەر، وندا ءتارتىپ ساقتاڭدار.
بالالار، سايقىمازاقتاردى قالدىرامىز با؟ قالدىرامىز.

جۇرگىزۋشى: اقىلدى بالاپان بۇگىنگى،
كوركەيتەر كۇنىڭدى ەرتەڭگى،
ۇيرەنگەن ونەرىن كورسەتسىن
ءبۇلدىرشىن بالالار بەلسەندى.
ەندىگى كەزەكتى ورتالىقتىڭ بۇلدىرشىندەرىنە بەرەيىك.

تاقپاقتار:
اقسۇلتان بالا، بالا، بالامىز
باقشامىزعا بارامىز
كۇنى – بويى قىزىققا
باتامىز دا قالامىز.
ديلناز: مەن گۇلدەردى جۇلمايمىن
تورعايلاردى قۋمايمىن
ايتقان ءسوزدى تىڭدايمىن
اپاشىمدى سىيلايمىن
كاۋسار: كوجەگىم تۇرشى
بەتىڭدى جۋشى،
ايناعا قاراشى،
شاشىڭدى تاراشى.
فاريزا: الما سىيلاپ بوبەككە
الما اعاشتار سارعايعان
توگىلگەن تەر شەلەكتەپ
كورىنەدى ماڭدايدان.

جۇرگىزۋشى: ءيا، راس، بالا بولعان ءبارى دە،
سالعان ولار بالالىقتىڭ ءانىن دە.
بالا كەزىن ەسكە الىپ وتىرساق،
سول ەمەس پە تىرشىلىكتىڭ ءمانى دە! - دەي كەلە قۇرمەتتى اتا – انالار بالالىق شاعىمىزدى ەسكە الا وتىرىپ، سايقىمازاقتاردىڭ بىزگە الا كەلگەن ويىنىن وينايىق.

ويىن: «تيىن تاستاماق»
مۇندا بەرىلگەن ساۋالدارعا جاۋاپ بەرە وتىرىپ، بالالارىڭىزدى تانىستىرىپ بەرەسىزدەر.
دۇرىس، اتا - انالار ءبىر ءسات بولسا دا بالا بولىپ، وتكەنگە كوز جۇگىرتىپ بالالىقتى مەڭگەردىك دەسەك تە بولادى.
بي «ايگولەك»

جۇرگىزۋشى: كوك جيەكتەن كۇلىمدەپ،
ماۋسىمنىڭ تاڭى اتتى
تۇرا قويشى كۇنىم – دەپ،
اناڭ سەنى وياتتى –
دانالاردىڭ تىلەگى،
بالالاردىڭ تىلەگى
اۋىرماسىن ەشقاشان
انالاردىڭ جۇرەگى.
ءان «بالا تىلەگى» ورىندايتىن ايگۇل
جۇرگىزۋشى: وسىمەن «ولكەنىڭ گۇل جايناعان بالعىندارى» اتتى مەرەكەلىك ءىس - شارامىز اياقتالدى.

قاراعاندى وبلىسى، جەزقازعان قالاسى
"№21 جالپى ءبىلىم بەرەتىن ورتا مەكتەبى" كمم
باستاۋىش سىنىپ ءمۇعالىمى
ساۋىتبايەۆا گۇلميرا سەرىكباي قىزى