InfoHub Logo

ادامنىڭ ساناسىندا ماڭگىلىك وشپەستەي ەستەلىك قالدىراتىن، ەڭ كەرەمەت، ەڭ عاجاپ ۇمىتىلماستاي ساتتەر سىيلايتىن ول – بالالىق شاعىمىز. بالالىق شاق – ءبىر رەت عانا كەلەتىن، قايتا ورالمايتىن، ساعىنا ەسكە الاتىن عاجايىپ الەم ىسپەتتەس.

قازىرگى تاڭدا 17 جاستان استىم. وسى 17 جىل ىشىندە قۋانىشتا، قايعىدا، ماقتاۋلار مەن داتتاۋلار، وسەك پەن ماداقتاۋلار، جەڭىس پەن جەڭىلىس تە كوردىك. وسە كەلە قيىندىقتار مەن كەدەرگىلەردە كوبەيە بەرەتىنى انىق. كەيدە شارشاپ - شالدىعىپ، بارلىق نارسەدەن جالىعىپ، وڭاشا قالىپ ويلانىپ وتىرىپ، بالالىق شاعىمدى ەسكە الامىن. ءبىر قىزىعى قازىرگى كەزدە ورىن الىپ جاتىرعان جايتتاردىڭ بارلىعىن بالالىق شاعىممەن سالىستىرا قاراسام مۇلدەم بولەك. قازىرگى كەزدە دوس - دوسىنا شىنايى سويلەپ، شىنايى سەزىم ءبىلدىرىپ، شىنايى بەت - بەينەسىن كورسەتپەيدى. قىزعانشاقتىق، كورەالماۋشىلىق دەگەن ۇعىم وتە كوپ قالىپتاسقان. دوسىنا قول ۇشىن سوزىپ كومەك بەرمەيدى. تەك ۋاقىتشا عانا دوستاسادى. ايتا بەرسەڭ كەمشىلىك كوپ. ال بالالىق شاعىمىزدا شە؟ ول كەزدە جاساندىلىق دەگەن سەزىم بولمايتىن - مىس. تەك شىنايى سەزىم، شىنايى كۇلكى، شىنايى ماحاببات، شىنايى دوستىق بارلىق نارسە دە پەرىشتە جۇرەكپەن، شىنايى كوڭىلدەن جاسالىناتىن. سول ساتكە ءبىر ءسات توقتالىپ، ۋاقىتتى قيالىمىزبەن ارتقا اينالدىرىپ بالالىق شاعىمىزعا ءبىر ءسات ورالساق.

ەح، قايتا ورالماس بالالىق شاعىم - اي… ۇيقىڭ قانباسادا، قانشا جەردەن ۇيقىڭ كەلىپ تۇرسادا، سونى ويىنعا ايىرباستاپ تاڭ اتپاي تۇرىپ، اناڭ بەرگەن ءبىر كەسە ىستىق ءسۇتتى سىمىرە سالىپ، دالاعا شىعىپ دوستارىڭدى ىزدەپ ۇيىنە بارۋ. ويىندا ەشتەڭە جوق، ەشنارسەمەن شارۋاسى جوق، ەشنارسەگە باس اۋىرتپايتىن، ۋايىم - قايعىسىز بالالىق شاق. تاڭەرتەڭ ەرتە تۇرىپ ويىن قۋىپ ۇيدەن كەتىپ، كەش باتا ويىننان شارشاپ كەلىپ ەس بىلمەي ۇيىقتاۋ. كەلەسى كۇن تاعى دا سولاي اسىر سالىپ ەش قامسىز ويناۋ. بىرگە دوپ تەۋىپ، بالشىق قۇمنان ءۇي سالىپ، بىرگە قىرىلىپ، توبەلەسىپ، قايتادان تاتۋلاساتىن دوستارىم. بالىق اۋلاي الماساق تا قولىمىزعا قارماق الىپ وتىراتىن كەزدەرىم. كەش باتا جولداستارىممەن ءۇي قاسىندا وتىرىپ وتىرىك اڭگىمە ايتىپ، نە ايتىپ وتىرعانىمىزدى بىلمەسەكتە، شىنايى كۇلە ءبىلۋ. جاز شىقپاي - اق جينالىپ الىپ كانال جاعالاپ، جۇزە المايتىن بولساق تا، قانشا مارتە سۋعا باتىپ كەتىپ جاتساق تا، سۋعا شومىلىپ اسىر سالۋ. ايتا بەرسەڭ قىزىق كوپ.

كەيدە ءبىر ءسات مەيلى ءبىر مينۋتقا بولسىن سول قايتا كەلمەسكە كەتكەن بالالىق شاعىما ورالعىم كەلەدى. ءبىراق، اتتەڭ ول نارسە مۇمكىن ەمەس. كىشكەنتايىمىزدا تەزدەتىپ ەرەسەك جاسقا تولىپ، ۇلكەن ازامات بولىپ، مىنا بالالىق شاقتان قۇتىلساق، تەز ەرجەتسەك دەپ ارماندايتىنبىز. ءبىراق ءقازىر سول بالالاق شاعىمىز ءبىر مەزەت بولسىن ورالسا، سول ساتتە جىبەرگەن قاتەلىگىمدى جوندەسەم ەكەن، تاعى ءبىر مارتە اسىر سالىپ ويناپ، بالالىق شاعىما ءبىر ساياحات جاساسام ەكەن، دەگەن تەك بوس ورىندالماس ارمان قيال عانا. جانە وعان تەك ويشا عانا ساپار شەگىپ قايتامىز.

قاراكەسەك بەيبارىس جولداس ۇلى
قىزىلوردا وبلىسى، قازالى اۋدانى،
ايتەكە بي كەنتى، №266 مەكتەپ - ليسەيىنىڭ
11″ۆ” سىنىپ وقۋشىسى