باقىت سارسەكبايەۆ (بوكس)
باقىت سارسەكبايەۆ — 69 كيلوگرامم سالماقتاعى بوكستان XXIX جازعى بەيجىڭ وليمپيادالىق ويىندارىنىڭ چەمپيونى. ول 1981 جىلى سولتۇستىك قازاقستان وبلىسىندا تۋىلعان. بوكسپەن 12 جاسىنان باستاپ وزبەكستاندا تۇرعان كەزىنەن اينالىسقان.
2004 جىلى وزبەكستاننان اتا قونىسىنا كوشىپ كەلگەن باقىت قازاقستاندا 69 كيلوگرامم سالماقتا وزىنە تەڭ كەلەر بوكسشى جوق ەكەنىن دالەلدەپ بەردى. بەيجىڭ وليمپياداسى ويىندارىن وتە جوعارى دەڭگەيدە وتكىزدى. العاشقى جەكپە-جەكتە كانادا بوكسشىسىن تاس-تالقان ەتىپ ۇتتى. ودان كەيىن مولدوۆالىق بوكسشىنى دا تىزە بۇكتىردى. شيرەك فينالدا سارسەكبايەۆ ءوزىنىڭ ەجەلگى قارسىلاسى وزبەكستاندىق ديلشود ماحمۋدوۆتى جەڭدى. جارتىلاي فينالدا كەزدەسكەن كارىس بوكسشىسى دا باقىتتىڭ باسىمدىعىن مويىندادى. اقتىق ايقاستا بۇكىل كۋبا حالقىنىڭ ءۇمىت ارتقان بوكسشىسى كارلوس سۋارەستى ويناپ ءجۇرىپ ۇتتى.
باقىتتىڭ بۇعان دەيىن دە تالاي جارىستا باعى جانعانىن جانكۇيەرلەر جاقسى بىلەدى. ازيا قۇرلىعىندا ەكى دۇركىن چەمپيون اتانعان باقىت 2007 جىلى چيكاگودا وتكەن الەم بىرىنشىلىگىندە بەسىنشى ورىنعا تابان تىرەگەن-دى. 2006 جىلى دوحادا جالاۋى كوتەرىلگەن ازيا ويىندارىندا بوكسشىلارىمىزدىڭ جەڭىپ العانى جالعىز التىن مەدال بولسا، سول جالعىز التىننىڭ يەسى دە وسى باقىت سارسەكبايەۆ ەدى.
باقىت سارسەكبايەۆ — قازاقستاننىڭ ەڭبەگى سىڭگەن سپورت شەبەرى، I دارەجەلى «بارىس» وردەنىنىڭ يەگەرى.
You Might Also Like
-
بەكەت اتا 1750 جىلى جەم وزەنى بويىنداعى اقمەشىت دەگەن جەردە تۋىلعان. ول قاسيەتتى دارىنىمەن ەلدەن ەرەكشە بولعان. تاۋدى قاشاپ جەر استى مەشىتىن سالعان. ەل اراسىندا اقىل-پاراساتىمەن، يماندىلىعىمەن، ءادى...
-
بايبارىس (بەيبارىس) سۇلتان (1217/18 - 1277 جج.) — مىسىر ەلىندە 17 جىلدان اسا سۇلتاندىق قۇرعان ءامىرشىسى ءارى ايگىلى ماملۇكتەردىڭ قولباسشىسى. ول باتىس قازاقستان قىپشاقتارىنان شىققان. موڭعول شاپق...
