ءبارى دە جەڭىس ءۇشىن شىعىستىڭ قوس شىنارى
شاراپات سەيداحمەتوۆا
«بارىدە جەڭىس ءۇشىن»
تاقىرىبى: «بارىدە جەڭىس ءۇشىن!!!شىعىستىڭ قوس شىنارى» ماقساتى: جاس جەتكىنشەك ۇرپاقتاردى وتان سۇيگىشتىككە، ەرلىككە، ادالدىققا باۋلۋ. ۇلتتىق پاتريوتتىق سەزىمىن قالىپتاستىرۋ؛ ەلىن، جەرىن قورعاۋعا، بەيبىتشىلىكتى نىعايتۋعا تاربيەلەۋ. ۇلى وتان سوعىسىندا تۋعان جەرىن قورعاعان قازاقستان ازاماتتارى تۋرالى مالىمەت بەرۋ. وقۋشىلاردىڭ بويىنا پاتريوتتىق سەزىمىن وياتۋ.
ءتۇرى: تاربيە ساعاتى
تاربيە ساعاتتىڭ بارىسى:
I. شىعىستىڭ قوس شىنارى: ءاليا مەن مانشۇكتىڭ ءومىربايانى.
II. ارۋلار وتتى جىلداردا: سوعىستىڭ العاشقى اسەرلەرى.
III. ەرلىك وتىن الاۋلاتقان قازاق قىزدارى (ەرلىكتەرى تۋرالى كورىنىس).
IV. باتىردىڭ ءوزى ولسە اتى ولمەيدى (بەرىلگەن اتاعى، باتىرلار جايلى شىققان كىتاپتار، فيلمدەر). سازگەر د.تۋحمانوۆتىڭ كەڭىنەن تارالعان
سلايد. ءاليا مەن مانشۇك
كىرىسپە.
بۇگىنگى تاربيە ساعاتى ۇلى جەڭىستىڭ 65 جىلدىعىنا بايلانىستى. سان مىڭداعان ەر ازاماتتاردىڭ ءومىرىن قيعان ۇلى وتان سوعىسىنىڭ الەمدىك تاريحتاعى ورنى زور. بەس جىل بويى دۇنيەنى دۇرلىكتىرگەن سوعىستا نەبىر جانقيارلىق ەرلىكتەر جاسالدى. نەبىر سىن ساتتەردە وتان ءۇشىن وتقا كەۋدەسىن توسقان اعا ۇرپاقتىڭ قاتارىندا قازاق حالقىنىڭ باتىر قىزدارى مەن ۇلدارى دا بولدى. سونىڭ ىشىندە كەڭەس وداعىنىڭ باتىر قىزدارى شىعىستىڭ قوس شىنارى ءاليا مولداعۇلوۆا مەن مانشۇك مامەتوۆا تۋعان جەردى قاسيەت تۇتىپ، اتا-مەكەندى ارداقتاۋ وتانىن قورعاۋدا ۇلكەن ەرلىك كورسەتتى. قانعا بويالعان دالاسى، اڭىراعان اناسى، جەتىم قالعان بالالار ءۇشىن شايقاستى.
مەن ونىڭ ءتۇنىن سۇيەم، كۇنىن سۇيەم،
اعىندى وزەن، اسقار تاۋ، گۇلىن سۇيەمىن.
مەن ونىڭ قۇدىرەتتى ءۇنىن سۇيەم.
بار جاندىگىن سۇيەمىن قىبىرلاعان،
ءبارى ماعان وتان دەپ سىبىرلاعان.
بوزتورعايى بول ونىڭ شىرىلداعان
وتان، وتان
بارىنەن بيىك ەكەن،
مەن ونى ماڭگىلىككە ءسۇيىپ وتەم،- دەپ اقىن مۇقاعالي جىرلاعانداي، ءاربىر قازاقتىڭ جۇرەگىندە وتان تۋرالى سەزىم جوعارى تۇرادى.
1-جۇرگىزۋشى: ارمىسىزدار قۇرمەتتى كورەرمەندەر، اعايلار مەن اپايلار. ءبىزدىڭ ءارقايسىمىزدىڭ جادىمىزدا ءوزىنىڭ وشپەس ءىزىن قالدىرعان ۇلى جەڭىس كۇنىنە بايلانىستى جۇرەكتەن شىققان ەڭ شىنايى قۇتتىقتاۋدى قابىل الىڭىزدار.
2-جۇرگىزۋشى:جەر بەتىندەگى بارشا ىزگى نيەتتى ادامزات ەكىنشى دۇنيەجۇزىلىك سوعىستىڭ جەڭىسپەن اياقتالعانىنا 67 جىل تولۋىنا زور تاريحي وقيعا رەتىندە اتاپ وتكەلى وتىر.
1-جۇرگىزۋشى: وزدەرىڭىزگە بەلگىلى، 1941 جىلى 22 ماۋسىم كۇنى تاڭعى تورتتە بەيبىت جاتقان ەلىمىزگە گەرمانيا ويلاماعان جەردەن سوعىس اشتى. فاشيستىك گەرمانيا قاراقشىلىقپەن سوۆەت وداعىنىڭ شەكاراسىن بۇزىپ، باسىپ كىردى.
2-جۇرگىزۋشى:سۋىق حابار سول كۇنى-اق بايتاق جەرىمىزگە جەر-جەردەن، اۋىل-ايماقتاعى راديودان ايگىلى ديكتور ليەۆيتاننىڭ قۋاتتى ۇنىمەن تۇگەل تارادى (ءۇنتاسپادان ليەۆيتاننىڭ ءۇنىن ەستيدى). ەر ازاماتتار وزدەرى سۇرانىپ مايدانعا اتتانادى.
1-جۇرگىزۋشى: قازاقتىڭ قانىندا بار قايسارلىقتى سىن ساعاتتا قازاق قىزدارى دا كورسەتتى. قارشاداي قازاق قىزدارى تەمىر ماشينەنى جاۋ شوعىرىنا باعىتتاعان تانكيستتەر كۇلكەن توقبەرگەنوۆا، گۇلجاميلا تالقانبايەۆا، سەرجانت جامال بايتاسوۆالار دا بولدى.
ءان: «مەن قازاق قىزدارىنا قايران قالام» توقىمباي قالامپىر
2-جۇرگىزۋشى: دالامىزدىڭ داڭقىسىڭ
بالاۋسا گۇل بالعىن قىز.
جانىن قيىپ، حالقى ءۇشىن،
جانىپ تۇسكەن اق جۇلدىز.
1ء-شى وقۋشى: ءاليا مولداعۇلوۆا.
قاھارمان قىز ءاليا مولداعۇلوۆا قوبدانىڭ جاعاسىنداعى بۇلاق اۋىلىندا 1923 جىلى شامامەن 15 ماۋسىمدا نۇرماحانبەت سارقۇلوۆ پەن مارجان مولداعۇلوۆانىڭ وتباسىندا ومىرگە كەلگەن. 1933 جىلى اناسى قايتىس بولعاننان كەيىن اجەسى تاجىكەننىڭ تاربيەسىندە، اپاسىنىڭ ءسىڭلىسى ساپۋرامەن بىرگە تەڭ دارەجەدە ءجۇردى. ناعاشى اعاسى اۋباكىر قىزمەت بابىمەن اۋليە-اتاعا كوشىپ كەلەدى. سول جەردە №11 تەمىر جول مەكتەبىنە ءاليا 1ء-شى سىنىپقا 1934 جىلى قابىلدانادى. مولداعۇلوۆتار وتباسى ماسكەۋگە كوشىپ كەلەدى دە ءاليا مەن ساپۋرانى 1935 جىلى №35 ماسكەۋ ورتا مەكتەبىنە بەرەدى. سول جەردە 1938 جىلدىڭ ناۋرىزىنا دەيىن وقيدى. وتباسىنىڭ جاعدايىنا بايلانىستى مولداعۇلوۆتار ءاليانى لەنينگرادتاعى №46 بالار ۇيىنە بەرەدى. ول №140 ورتا مەكتەپتە وقيدى. ءاليا ءبىر بەتكەي، ادىلەتتى شىندىقتى كوزگە ايتاتىن، قورىقپايتىن، سىنىپتا ستاروستا بولعان. مەكتەپتە پيونەر ۆوجاتىي قابىرعا گازەتى رەداكسيا القاسىنىڭ مۇشەسى بولعان. ءتارتىبى مەن ءبىلىمى ءۇشىن «ارتەك» لاگەرىنە جىبەرىلدى. سوعىس باستالعاندا ءاليا كومسومول قاتارىنا قابىلداندى.
2ء-شى وقۋشى:مانشۇك مامەتوۆا جانسىعالي قىزى 1922 جىلى 23 قازاندا ورال وبىلىسى، جاسقۇتتا نارىن اۋدانىندا تۋعان. وتباسىندا 5-ەۋ بولعان. اكە-شەشەسى قايتىس بولعاننان كەيىن الماتىدا اپاسىنىڭ قولىندا بولادى. مەكتەپتە وقيدى، ودان كەيىن مەدينستيتۋتتا وقيدى. 1942 جىلى الماتىداعى مەديسينا ينستيتۋتىن ءبىتىرىپ، 1942 جىلى تامىزدا سوعىسقا ءوزى سۇرانىپ اتتانادى.
3ء-شى وقۋشى:ۆياتسكىدە 7ء-شى سىنىپتى بىتىرگەن اليا-رىبينسك اۆيا تەحنيكۋمىنا ءتۇسىپ، ۇشقىش بولىپ، جاۋعا قىرعىنداي ءتيۋدى كوكسەدى. ءبىراق بۇل ماماندىقتى يگەرۋ ءۇشىن كوپ وقۋ كەرەك بولدى،ول مايدانعا اتتانۋعا اسىقتى. ءۇش اي وقىعاننان كەيىن قىزىل اسكەر قاتارىنا وتۋگە ارىز بەردى. 1942 جىلعى جەلتوقسانىندا ۇزدىك مەرگەن اتقىشتار دايارلايتىن ورتالىق ايەلدەر كۋرسى اشىلدى. 17 جاستاعى ءاليا سول كۋرستىڭ العاشقى توبىنا 1942 جىلى ءوزى سۇرانىپ، ارەڭ قابىلدانادى. 1943 جىلى 23 اقپاندا وقۋىن اياقتاپ، العى شەپكە كەتۋ ارمانىنا جەتتى. ءاليا سولتۇستىك مايدانعا كەلدى.
4ء-شى وقۋشى: اينالا ورمان الاڭ ءبىر
توقتاعان اتىس بەلەڭدە.
جالت ەتە قالدى كوماندير،
مەرگەندەر كەلدى دەگەندە.
ءسابي عوي مىناۋ باۋىرىم،
ەرنىنەن ۋىز كەتپەگەن،
بالالىق شاقتىڭ ءالى ءبىر،
بالاۋسا تابى كەتپەگەن.
جاساعان ەكەن باتىلدىق،
جىبەرگەن ادام مۇنى دا،
جاۋىنگەر قانە اتىڭ كىم؟
ءاليا مولداعۇلوۆا.
5ء-شى وقۋشى:وتان قورعاۋ جولىڭدا قاھارماندىعىمەن كوزگە تۇسكەن باتىر اپامىز مانشۇك مامەتوۆا سوعىسقا ءوزى سۇرانىپ اتتاندى. پۋلەمەتشى بولىپ «ماكسيممەن» جاۋدى توپىرلاتا قىردى. ءوزىم ولسەم دە، وتانىم امان بولسا ەكەن،- دەپ ارماندادى. ءقازىر الماتى قالاسىندا مانشۇك مامەتوۆا اتىنداعى مەكتەپ بار. ونىڭ الدىندا باتىردىڭ ءبيۋستى ءتۇر. مەكتەپتىڭ ىشىنە كىرىپ، دالىزبەن جۇرسەڭ، ءبىر كلاسستىڭ ماڭدايشاسىندا بىلاي دەپ جازىلعان : «بۇل كلاسستا مانشۇك وقىعان». ءبىر پارتا اقپەن سىرلانعان. بۇل پارتادا مانشۇك وتىرعان. باتىردىڭ تۋعان قالاسى ورالدا مانشۇككە ورناتىلعان ەسكەرتكىشى بار. نيەۆەل قالاسىندا دا ەسكەرتكىشى بار.
5ء-شى وقۋشى: مانشۇك.
سىلكىنتىپ زەڭبىرەكتەر جەردىڭ ءجۇزىن،
وق بوراپ، سناريادتار قاققاندا ىزىڭ.
قاپتاعان قالىڭ جاۋدان تايسالماعان،
مەن كوردىم پيلوتكالى قازاق قىزىن.
قولىندا پۋلەمەتى «ماكسيم» ونىڭ،
بويىندا كۇش-جىگەرى تاسقىن ونىڭ.
ەرلەرمەن تىزە قوسىپ شابۋىلدا،
وعىمەن قىرعىن مايدان اتتى جولىن.
كوزىنەن ۇشقىن وتتاي لاپىلداعان،
جاۋىنا قانار تىگىپ، قاتۋلانعان.
وتان ءۇشىن شايقاستا اۋىر كۇندە،
تونسە دە ءولىم ءقاۋپى جاسىماعان.
2-جۇرگىزۋشى: ساپۋرا جانىم! حالىڭ قالاي؟
اۋىل-ەل تەگىس امان با؟
قاۋىرتتاۋ كەزەڭ بوپ ءارقالاي
قول تيمەي كەتتى-اۋ حات جازۋعا.
(ءاليانىڭ ساپۋرا اپكەسىنە سوعىستا جازعان حاتى).
(ءاليانىڭ كيىمىن كيىپ، قولىندا ۆينتوۆكاسى بار).
«سالەم ساعان وتانىم
سالەمەتسىڭ بە، قىمباتتى ءسىڭىلىم ساپۋرا. ءجيى-جيى حات جازامىن دەيمىن ساعان، ءبىراق جاعداي مۇمكىندىك بەرمەيدى. سەنىڭ جازعان حاتىڭدى العان سوڭ بىرنەشە رەت حات جازدىم، ونى العان، الماعانىڭدى بىلمەيمىن. جاقىندا مەنەن ۇزاق ۋاقىت حات بولماسا، تاڭدانبا، بۇرىنعى ادرەسكە جازا بەر، سەبەبىن كەيىن حابارلارمىن. كوكەمە، جەڭەشەمە جانە باسقا دا تۋىستارعا مەنەن كوپ-كوپ سالەم ايتىپ حات جازارسىڭ. ەگەر كورە قالساڭ، مەن ءۇشىن بالالاردىڭ بەتىنەن ءسۇي. ءوز دەنساۋلىعىڭ، ءومىرىڭ جايلى ءجيى حات جاز، كوپ جاز. بەتىڭنەن ءسۇيدىم ءاليا».
1-جۇرگىزۋشى: ەلەڭدەۋمەن، كەلەر دەۋمەن كۇندىز-تۇنى،
قايران شەشە، بىلسە ۋاقىت وزعانىن.
جىلدار بويى ءجۇردى-اۋ ۇزبەي ءۇمىتىن،
بوزاڭ بەلدەن كۇتىپ قىرشىن بوزداعىن.
(مانشۇكتىڭ اناسىنا جازعان حاتى. مانشۇك بولىپ كيىنىپ، پۋلەمەتتىڭ جانىندا تۇرىپ، مانشۇكتىڭ حاتىن وقيدى).
«قىمباتتى ماما».
كوپتەن كۇتكەن حات پەن پوسىلكانى تۋرا العى شەپكە جۇرگەلى تۇرعان ساتتە الدىم. بۇل 1943 جىلدىڭ 10-شى قىركۇيەگى ەدى. وزىمە ءبىر-اق الما تيسە دە، مەن قاتتى قۋاندىم. كىشكەنە سىيلىقتى مەن سياقتى كۇتكەن جاۋىنگەرلەر مەن كومانديرلەر تالاپ كەتتى. ۇلكەن راحمەت. جولىمىز ءساتتى بولدى. ال ءقازىر، العى شەپتە پۋلەمەتىممەن فاشيستەردى مىقتاپ اڭدۋدامىن. تۇندە مۇلدەم دەرلىك ۇيىقتامايمىز، ال كۇندىز تىنىعامىز. مىنە، قالت ەتكەن ءساتتى پايدالانىپ، سىزگە جاۋاپ جازىپ وتىرمىن.
قىمباتتى اپكەتاي! بۇگىن كۇندىز ءسال تىنىعايىن دەپ جاتىر ەدىم، بىردەن ۇيىقتاپ كەتىپپىن. ءسىزدى تۇسىمدە كوردىم. جالپى قازىرگى ءومىرىمىز كوڭىلدى: فاشيستەرمەن قارۋ تىلىمەن كەلىسسوز جۇرگىزىپ جاتىرمىز.جەڭىسپەن ورالعان سوڭ، ايتاتىن نارسە كوپ-اق. قولىڭدى قاتتى قىسىپ، قۇشىپ سۇيەمىن. قىزىڭىز مانشۇك. مەنىڭ مايدانگەر جولداستارىم سالەم ايتىپ جاتىر.
ءان: «سونبەيدى اجە شىراعىڭ»
2-جۇرگىزۋشى:كورىنىس. «مانشۇكتىڭ جۇلدىزدى ءساتى».
1ء-شى: مانشۇك مامەتوۆا
2ء-شى: گەنەرال گاليسكيي
3ء-شى: پودپولكوۆنيك بايمولدين
4ء-شى: جاۋىنگەرلەر
ءۇنتاسپادان سوعىس دالاسىندا ءجۇرىپ جاتقان ۇندەرى ەستىلەدى.
گەنەرال گاليسكيي دۇربىمەن مايدان دالاسىن قاراپ تۇردى. جانىندا پودپولكوۆنيك بايمولدين. اتقىشتار ورتاسىنىڭ وڭ قاناتىمەن ءجۇرىپ وتىرىپ، اعا سەرجانت مامەتوۆانىڭ پۋلەمەتشىلەر بولىمشەسى العا جىلجىپ بارادى.
1. گ.گ- جارايسىڭ پۋلەمەت بولىمشەسىنىڭ كومانديرى. قاراڭدار جولداستار ءوزىنىڭ بولىمشەسىن قالاي جاقسى باستاپ بارادى، ءوزى كىپ-كىشكەنتاي ەكەن.
2. پ.ب- جولداس گەنەرال ءسىز ءقازىر كورىپ تۇرعان بولىمشەنى قىز باستاپ بارادى. ول - پۋلەمەت بولىمشەسىنىڭ كومانديرى، اعا سەرجانت مانشۇك مامەتوۆا.
3. گ.گ.- سولاي ما؟ ونى ماعان تانىستىرىڭىزدار.
4. پ.ب.- بولىمشەلەر ساپقا تۇرىڭدار! (مانشۇك باستاعان بولىمشەلەر ساپقا تۇرادى).
5. گ.گ.- سالەمەتسىزدەر مە جاۋىنگەرلەر! (ساپقا تاياپ كەلىپ).
6. جاۋىنگەرلەر – ساۋلىعىڭىزدى تىلەيمىز جولداس گەنەرال.
7. گ.گ.- جارايسىڭدار جولداستار. دۇشپانعا اياماي سوققى بەردىڭىزدەر. بارلىق جاۋىنگەرلەر مەن كومانديرلەرگە العىس جاريالايمىن.
8. جاۋىنگەرلەر – وتانعا ادال قىزمەت ەتەمىز.
9. گ.گ.- شابۋىل كەزىندە پۋلەمەتشىلەر بولىمشەنىڭ اعا كومانديرى اعا سەرجانت مامەتوۆا ءوز پۋلەمەتىن دۇرىس پايدالاندى. جولداس مامەتوۆا بەرى كەلىڭىز.
10. م.م.- جولداس گەنەرال، اعا سەرجانت مانشۇك مامەتوۆا (گەنەرالعا تاياپ كەلىپ).
11. گ.گ.- راحمەت ساعان، قازاق حالقىنىڭ قىزى، سەن جاقسى پۋلەمەتشى ەكەنسىڭ!
12. م.م.- وتانىما ادال قىزمەت ەتەمىن!
13. گ.گ.- جاسىڭ نەشەدە، ءارى سەن مايدانعا قالاي تاپ بولىپ ءجۇرسىڭ؟
14. م.م.-20 جاستامىن، جولداس گەنەرال، مايدانعا ءوز ەركىممەن كەلدىم. ال ءوزىم الماتى قالاسىنداعى مەديسينا ينستيتۋتىندا وقىدىم.
15. گ.گ.- ال پۋلەمەت ءىسىن قايدان، قاي جەردەن ۇيرەنىپ ءجۇرسىڭ.
16. م.م.- وسىندا جولداس گەنەرال.
17. گ.گ.- الداعى شايقاستاردا ساعان تابىس تىلەيمىن.
مانشۇك تۋرالى ءان كوركەم فيلمىنەن ءۇزىندى
1-جۇرگىزۋشى: كورىنىس: «سوعىپ تۇر مەرگەن قىزدىڭ جۇرەگى».
1. ءاليا مولداعۇلوۆا
2. كوماندير پوپوۆ
3. جاۋىنگەرلەر
مايدان دالاسى، پۋلەمەتپەن اتىسىپ جاتقان دىبىستار ەستىلىپ تۇرادى. نەمىستەر پۋلەمەتپەن وق جاۋدىرىپ، باس كوتەرتپەي تۇرادى. ءاليا مولداعۇلوۆا 54 اتقىشتار بريگاداسىنىڭ مەرگەنى بولىپ ءجۇرىپ، تالاي ۇرىستى باسىنان كەشىرەدى. ءاليالاردىڭ باتالونى جاۋدى كازاچيحا دەريەۆنياسىنان قۋىپ، نوۆوسوكولنيك-دنو تەمىرجولىن كەسىپ تاستاۋ تۋرالى بۇيرىق بەردى. جاۋىنگەرلەر قارسىلاسقان جاۋ توبىنا لاپ قويدى. جاۋدىڭ پۋلەمەت، زەڭبىرەك، مينومەتتەرى زارلاپ قويا بەردى. روتا كومانديرى پوپوۆ ەدى.
1. ك.پ.- وتان ءۇشىن العا! (اۆتوماتى كوتەرىپ العا ۇمتىلادى، سول ساتتە وق ءتيىپ قۇلاپ تۇسەدى).
2. ءا.م.- (جۇگىرىپ كەلىپ كومانديردىڭ باسىن سۇيەدى) جولداس كوماندير، جولداس كوماندير كوزىڭىزدى اشىڭىزشى (كوماندير جاۋاپ قاتپايدى).
3. ءا.م.- اۆتوماتتى قىز جولىنداعى جاۋدى باۋداي تۇسىرەدى. وتان ءۇشىن العا!
4. جاۋىنگەرلەر -(قازاقتىڭ جاۋجۇرەك قىزىنىڭ ارتىنان ۋرالاپ ىلەسەدى). ۋرا! ۋرا! وتان ءۇشىن العا!
5. ن.و.- (ءاليانىڭ وعىنان جارالانعان.ءاليانى ارتىنان پيستولەتپەن اتادى).
6. ءا.م.- (قۇلاپ بارا جاتىپ نەمىس وفيسەرىن اتادى). بۇل ونىڭ ولتىرگەن سوڭعى نەمىسى ەدى
7. جاۋىنگەرلەر - ءبارى دە تىنىش تۇرا قالادى. قۇلاپ جاتقان ءاليانىڭ الدىندا انت بەرەدى؛ قايتالانباس قاھارماندىق كورسەتكەن قازاق حالقىنىڭ باتىر قىزىنىڭ كەگىن جاۋدان الۋعا انت بەرەمىز. وتان ءۇشىن العا!
2-جۇرگىزۋشى: وكوپتىڭ ءىشىن شاڭ جاپتى،
ەكەۋى دە ەندى تۇنشىقتى.
ءاليا دا اتتى، جاۋ دا اتتى،
ەكى وقتىڭ داۋسى ءبىر شىقتى.
بەينەتاسپادان مايدان دالاسىنان ءۇزىندى كورىڭىزدەر.
ءان: «ءاليا» جايىلحان جاۋقازىن
2-جۇرگىزۋشى«: «بارىدە جەڭىس ءۇشىن!!!شىعىستىڭ قوس شىنارى». وتان ءۇشىن ەرلىكپەن قازا تاپقانداردى ەل ءار ۋاقىتتا دا ەسىندە ساقتايدى. ولار وتان ءۇشىن، ەل ءۇشىن قۇربان بولدى.
1-جۇرگىزۋشى:بۇگىن وسى كۇنگە جەتە الماي، الاپات مايداندا ارماندا كەتكەن ازاماتتارىمىزدى باسىمىزدى ءيىپ ەسكە الامىز. 1مينۋت ۇنسىزدىك.
2-جۇرگىزۋشى:1945 جىلدىڭ 30-شى ساۋىرىندە رەيحستاگ ۇستىندە جەڭىس جالاۋى جەلبىرەدى. جەڭىس! 8-مامىر بەرلين دە فاشيستىك گەرمانيانىڭ تولىق جەڭىلگەنى تۋرالى قۇجاتقا قول قويىلدى. 9 مامىر كۇنى جەڭىس ماسكەۋدە تويلاندى.
1-جۇرگىزۋشى:قامىقپاعان قيىندىقتىڭ تۇسىنەن، قامىقپاعان قيىندىقتىڭ تۇگىنەن. وزدەرىڭە جيناپ قىردىڭ گۇلىنەن، بۇگىنگى ۇرپاق - باقىتتى ۇرپاق اتىنان، قۇتتىقتايمىز ۇلى جەڭىس كۇنىمەن!
ءان: «سوعىستان قايتقان سولداتتار» ءمۇسىلىموۆ نۇربول، مۇرات جۇمابەك
سلايد. جەڭىس تۋرالى!
قورىتىندى.
وق پەن وتتان امان ورالىپ، ورتامىزدا جۇرگەن اعا ۇرپاقتىڭ جاۋىنگەرلىك جانە ەڭبەكتەگى ەرلىكتەرىن ءاردايىم ماقتان تۇتامىز. ەلىمىزدى عانا ەمەس، ەۋروپانى ءفاشيزمنىڭ قارا تۇنەگىنەن ازات ەتكەن ارداگەر اعالارىمىز بەن اپالارىمىزدى كەيىنگى ۇرپاق - ءبىز ەشقاشان ۇمىتپايمىز. ءبىز ولاردىڭ الدىندا ماڭگىلىك قارىزدارمىز. سوندىقتان دا ءبىز ۇلى وتان سوعىسىنىڭ ارداگەرلەرىن ءارقاشان قاستەر تۇتامىز. ولاردىڭ ەرلىگى ەشقاشان ەستەن شىقپاق ەمەس. «باتىردىڭ ءوزى ولسە دە، اتى ولمەيدى».
«اقساقالدىڭ اق باتاسىن قۇپتاعان،
مارقاسقالار ايتقان ءسوزىن جۇپتاعان.
ەسەنەيگە ەل بيلەتىپ ۇلپاندار،
قوبىلاندى كەڭەس ال قۇرتقادان،
دالاسى كەڭ وسىنشاما سالتى باي،
ولە سۇيگەن سۇيە الماعان جارتىلاي.
قاجەت – جەردە باتىر قىزدار تۋاتىن،
قايران مەنىڭ قازاق اتتى حالقىم-اي»، - دەپ اقۇشتاپ باقتىگەرەيەۆا جىرلاعانداي وتانىمىزدىڭ – ءور سەزىم باتىر قىزدارى. «شىعىستىڭ قوس شىنارى» - اتتى تاربيە ساعاتىمىزدى اياقتايمىز. ۇلى جەڭىستىڭ 67ء-شى كوكتەمى قۇتتى بولسىن!
You Might Also Like
