ءتىل تاعدىرى – ۇلت تاعدىرى
شاراپات سەيداحمەتوۆا
«ءتىل تاعدىرى – ۇلت تاعدىرى» اتتى ينتەللەكتۋالدى ويىننىڭ سەنارييى
جۇرگىزۋشى-ساۋلە:
ارمىسىزدار، ەگەمەندىك ەلدىگى بار، تاۋەلسىزدىك تەڭدىگى بار ازات ەلدىڭ جالىنداعان جاستارى!
بۇگىنگى سايىسىمىزدىڭ نەگىزگى ماقساتى جاستارىمىزدىڭ بويىنداعى رۋحاني قۇندىلىقتارىن ارتتىرىپ، بويعا ازىق بولاتىن ءبىلىم نارىمەن سۋسىنداتۋ، مەملەكەتتىك ءتىلدىڭ مارتەبەسىن ورنىقتىرۋعا ۇلەس قوسۋ. سونىمەن قاتار، وتانىمىزدىڭ قادىر-قاسيەتىن، تاۋەلسىز قازاقستانىمىزدىڭ 21 جىل ىشىندە قول جەتكىزگەن جەتىستىكتەرىنىڭ جارقىن كەلبەتى مەن ءبىلىمدى جاستارىمىزدىڭ وي ۇشقىرلىعىنا سايىس وتكىزبەكپىز.
سايىسكەرلەرمەن تانىسساق
1. ديحانباي ازامات
2. ءمۇسىلىموۆ نۇربول
3. وتەگەن نازىگۇل
4. مۇعينادين نازەركە
5. بورانبايەۆا اقمارال
6. مۇرات جۇمابەك
جۇرگىزۋشى - ساۋلە:
ءار سايىستىڭ ءوزىنىڭ قاتىسۋشىلارىمەن قاتار، ءادىل باعاسىن بەرەتىن قازىلار القاسى بولارى بارشاعا ايان. ولاي بولسا، بۇگىنگى سايىسقا تورەلىك جاسايتىن قازىلار القاسىمەن تانىس بولىڭىزدار.
قۋانبايەۆا مارتا اپاي
سەيداحمەتوۆا شاراپات اپاي
سارسەن گۇلجانات اپاي
سايىسىمىزدىڭ 1 كەزەڭىنە كوشەيىك
ءى - كەزەڭ:
«بايگە» - بەرىلگەن سۇراقتارعا سايىسكەرلەر قول كوتەرۋ ارقىلى جاۋاپ بەرەدى. ءبىرىنشى بولىپ قول كوتەرگەن جانە دۇرىس جاۋاپ بەرگەن سايىسكەردىڭ جاۋابى قابىلدانادى. ەگەر دە ول جاۋاپ دۇرىس بولماعان جاعدايدا كەلەسى قول كوتەرگەن سايىسكەر جاۋاپ بەرە الادى. ءار جاۋاپ 1 ۇپايدان ەسەپتەلەدى.
ءى – كەزەڭ سۇراقتارى:
بايگە
1. قازاق سپورتشىلارى اراسىنان شىققان تۇڭعىش وليمپيادا چەمپيونى (ج. ۇشكەمپىروۆ)
2. ءارىپ دەگەنىمىز نە؟ (دىبىستىڭ تاڭباسى)
3. گيپپوكرات انتىن كىمدەر قابىلدايدى؟ (دارىگەرلەر)
4. جەردىڭ تابيعي سەرىگى؟ (اي)
5. بۇقارالىق اقپارات قۇرالدارى دەگەنىمىز نە؟ (گازەت، جۋرنال، تەليەۆيدەنيە)
6. قازاقستان رەسپۋبليكاسىنىڭ ۇلتتىق ۆاليۋتاسى تەڭگەنىڭ ەڭ كىشى نومينالى (1تگ)
7. جاقتىڭ قاتىسىنا قاراي داۋىستى دىبىستار قالاي بولىنەدى؟ (اشىق، قىساڭ)
8.سويلەم جانە ءسوز تىركەسىن زەرتتەيتىن ءتىل ءبىلىمىنىڭ سالاسى قالاي اتالادى؟ (سينتاكسيس)
9.“كوشپەندىلەر” تاريحي تريلوگياسىنىڭ اۆتورى كىم؟ (ءى. ەسەنبەرلين)
10.قازاق حاندىعىن قۇرعان سۇلتاندار؟ (جانىبەك جانە كەرەي )
11.ينتەرفەيس دەگەنىمىز نە؟ (ادام مەن كومپيۋتەر اراسىنداعى بايلانىس)
12.الەمگە ايگىلى كومپيۋتەر پروگراممالارىن جاساۋشى، MICROSOFT كومپانياسىنىڭ نەگىزىن قالاۋشى. (بيلل گەيتس)
13.اقپاراتتىق پروسەستەردى زەرتتەيتىن عىلىم؟ (ينفورماتيكا)
14.قازاق كۇيىنىڭ كلاسسيگى؟ (قۇرمانعازى)
15.قازاق ولكەسىندە قىزدارعا ءبىلىم بەرۋدىڭ نەگىزىن سالۋشى؟ (ىبىراي التىنسارين)
ءىى - كەزەڭ:
«پوليگلوت» - ءارتۇرلى سۇراقتار بەرىلەدى. سايىسكەرلەر قازاق-ورىس-اعىلشىن تىلدەرىندە جاۋاپ بەرۋلەرى ءتيىس. ءبىرىنشى بولىپ قول كوتەرگەن جانە دۇرىس جاۋاپ بەرگەن سايىسكەردىڭ جاۋابى قابىلدانادى. قازاق جانە ورىس تىلدەرىنىڭ جاۋاپتارىنا 1 ۇپايدان بەرىلەدى. تولىق جاۋاپقا 5 ۇپاي بەرىلەدى
ءىى – كەزەڭ سۇراقتارى:
پوليگلوت
اسا قاجەت ومىرگە حالىق ءۇشىن،
پايدالانامىز كۇن سايىن جارىق ءۇشىن. (توك، توك، current)
جالعىز باعىت بىلەرى،
بۇرعانىڭا كونبەيدى.
جول كورسەتىپ بەرەدى،
ءبىراق ءوزى كورمەيدى. (كومپاس، كومپاس،compass)
تۋىستارىن شەتىنەن،
وبەدى دە بەتىنەن.
بالا-شاعا ۇساعىن،
باۋىرىنا قىسادى. (ماگنيت، magnet)
كوككە قاراعان، جۇلدىز ساناعان (تەلەسكوپ، تەلەسكوپ، telescope)
تار شەڭبەردى اينالىپ،
تۇر قۇدىقتا بايلانىپ.
قاعا بەرەر تاڭدايدى،
ادەتىنەن تانبايدى ( ساعات،چاسى، cloسk )
قوزعالىسقا كەلتىرىپ،
جىلدامدىعىن بەرەدى.
ولشەمدەرىن قاراساق،
نيۋتونعا ول كەلەدى. (كۇش،سيلا، strength )
جوعالمايدى ەشقاشان،
تۇرلەندىرسەك ەگەر دە.
باسقا كۇيگە اۋىسقان،
جۇمىس ىستەيدى ءارقاشان. (ەنەرگيا،ەنەرگيا،energy)
قۇرعاق جەردە ساقتايسىڭ،
ونسىز تاماق تاتپايسىڭ. (تۇز، سول، salt)
كەڭ الەمدى كەرنەيدى،
كوزىڭ ءبىراق كورمەيدى (اۋا ، ۆوزدۋح، air)
نان بار جەردە ... بار (ءان، پەسنيا، song)
قىزدىرىپ سوقساڭ يلەنەدى،
بالعامەن توستەن يمەنەدى. (تەمىر ، جەلەزو، iron)
III – كەزەڭ
ماقال – ماتەل
جوعارى ۇپايمەن العا شىققان ەكى سايىسكەر «ءتىل»، «وتانعا» بايلانىستى ماقال-ماتەل ايتىپ جارىسادى.ءار ماقال-ماتەلگە 1 ۇپاي بەرىلەدى.
You Might Also Like
