باسشىلارعا قۇتتىقتاۋ، تىلەكتەر
تۋعان كۇنىڭىز قۇتتى بولسىن!
قاشاندا قىزىعى مەن قيىندىعى قاتار جۇرەتىن بۇل ءومىردىڭ بۇلتارىسى كوپ، بۇرالاڭ ۇزاق جولىندا تاڭداعان ماماندىعىڭىزدىڭ قىرى مەن سىرىن شەبەر مەڭگەرىپ، بۇگىندە استانانىڭ ءىرى كاسىپورىن باسشىسى لاۋازىمىندا قالتقىسىز قىزمەت اتقارىپ كەلەسىز. ءوزىڭىز باسقارىپ وتىرعان كاسىپورىن ۇجىمى ءسىزدى ۇلكەنگە ءىلتيپاتتى ءىنى، كىشىگە قامقور اعا، قاتارلاستارىنا ادال دوس بولا بىلگەن ىزگى جۇرەكتى ازامات، ەڭبەكتە بەدەلدى مامان، ابىرويلى جەتەكشى، قاتالدىعى مەن ادىلدىگى جاراسقان بىلىكتى باسشى رەتىندە ۇلگى تۇتادى.
وزىڭىزگە قونار باقتىڭ باياندىسىن، بىتەر داۋلەتتىڭ كول-كوسىرلىگىن، كەلەر ىرىستىڭ ىسىراپ بولماۋىن، جۇرەك گ ۇلىنىڭ ماڭگى سولماۋىن، شاڭىراعىڭىزعا شاتتىقتىڭ ورناۋىن، ءتاڭىردىڭ شەكسىز قولداۋىن تىلەيمىز! ءارقاشان وسى جىگەرلى، قۋاتتى قالپىڭىزدان تايماي،
ءالى دە تالاي اسۋلاردان اسا بەرىڭىز!
*** *** *** ***
ءسىزدى تۋعان كۇنىڭىزبەن شىن جۇرەكتەن قۇتتىقتايمىز!
كۇن ساناپ كوركەيىپ، عالامدىق وركەنيەتكە قۇلاش ۇرعان ەلوردامىز – نۇر-سۇلتاننىڭ قازىرگى زامانعى تالابىنا كاسىپتىك دەڭگەيىڭىز دە، ماماندىق شەبەرلىگىڭىز دە ساي بولعاندىقتان، ءىرى مەكەمەنى ابىرويمەن باسقارىپ كەلەسىز.
تىنىمسىز ەڭبەك ەتىپ، ناقتى ىستەر اتقارىپ جۇرگەن وزىڭىزدەي بىلىكتى ماماندارىمىزدىڭ قاتارى كوبەيە بەرسىن دەي وتىرىپ، وسى ايتۋلى ساتتە سىزگە اق كوڭىلدەن اقتارىلعان ىزگى نيەتىمىزدى جولدايمىز. تاۋسىلماس ءتوزىم مەن سارقىلماس سەزىمدى سەرىك ەتىپ، مىقتى دەنساۋلىقتىڭ ارقاسىندا وتباسىڭىز ورتاسىندا باياندى دا باقىتتى عۇمىر كەشۋدى تىلەيمىز.
*** *** *** ***
ءسىز كوپ جىلدان بەرى ..................... سالاسىندا تىنىمسىز ەڭبەك ەتىپ، وسى جولدا كوپ بەلەس-بيىكتەردەن وتكەن جىگەرلى ازاماتسىز. بويىڭىزداعى ەڭبەككە ادال، ماقساتقا بەرىك قاسيەتتەرىڭىزدىڭ ارقاسىندا ءسىز بۇگىندە كەڭ بايتاق ەلىمىزدىڭ باس قالاسى – نۇر-سۇلتاننىڭ ءىرى كاسىپورىندارىنىڭ ءبىرىن شەبەر باسقارىپ كەلەسىز. ارىپتەستەرىڭىز ءسىزدى اقىلمان باسشى، ىسكەر ۇيىمداستىرۋشى، جارقىن باستامالاردىڭ قولداۋشىسى رەتىندە ەرەكشە باعالاپ، قۇرمەت تۇتادى. بۇگىنگىدەي مەرەيلى ساتتە سىزگە اق نيەتپەن مىقتى دەنساۋلىق، قاجىماس كۇش-قايرات، ورتايماس نەسىبە-داۋلەت تىلەيمىز. ەڭبەكتە تولاعاي تابىستارعا، ماقساتتا بيىك شىڭدارعا جەتە بەرىڭىز، ابىروي-بەدەلىڭىز بەن تابىس-تارتۋلارىڭىز ارتا بەرسىن. ءاردايىم وتباسىڭىز امان، ءجۇزىڭىز جارقىن، مەرەيىڭىز ۇستەم بولسىن!
You Might Also Like
-
ءسىز سياقتى باستىق بولسا سەنىمدى، بۇلت باسپايدى مولدىرەگەن كوگىڭدى. ءسىز بار كەزدە بىزگە تىنىش، راحات، ءسىز وتىرعان جەردە بىزگە كوڭىلدى. ۇجىم بولىپ قۇتتىقتايمىز بۇگىن ءبىز، قۇتتى بولسىن ءتو...
