باسشى اپايعا قۇتتىقتاۋ
ۇجىمىم دەپ بايەك بولىپ جۇرەسىز،
تاتۋلىققا، ىرزالىققا دايەك بولىپ جۇرەسىز.
جۇمىسىمىز وڭعا باسسا، كوتەرىلىپ كوڭىلىڭىز،
بال-بۇل جايناپ، شاتتانىپ ءبىر كۇلەسىز!
ءسىز تۇرعاندا قامقورشى دەپ بىلەمىز،
كوشباسشىعا الاڭداماي ەرەمىز.
انالىق تا، دانالىق تا بويىندا
باسشىمىزعا وزگەلەردىڭ قىزىعارىن بىلەمىز.
وتباسىندا اتا-اناعا كىشى قىز دا ءوزىڭىز،
وتتىڭ باسىن ۇيىتاتىن اناسى دا ءوزىڭىز.
وتاعاسى اتا، ءسىز ەنە بوپ اتانىپ،
قۇدالاردىڭ ورتاسىندا مەرەيلەنىپ جۇرەسىز.
تۋعان كۇنگە قۇتتى بولسىن ايتامىز،
تويدى تويلاپ شات كوڭىلمەن قايتامىز.
جاسقا جاستىڭ قوسىلعان جاقسى عوي،
تىلەگىمىز قابىل بولسىن ايتامىز!
*** *** *** ***
ءقادىرلى اعايىندار! ادامنىڭ بويىنداعى ىزگى قاسيەتتەر تۋرالى ايتقاندا اياۋلى قۇربىمىز، قادىرمەندى زامانداسىمىز ويعا تۇسەدى. ول قاي جاعىنان قاراساڭ دا الۋان قۇبىلىپ، عاجاپ نۇر شاشىپ تۇراتىن اسىل الماز سياقتى. ونى بىلەتىن، ارالاسىپ جۇرگەن جاندار ونىڭ مول ادامگەرشىلىك قاسيەتتەرىن ايتا الار ەدى. جانە سول قاسيەتتەرىمەن اينالاسىنا ادامداردى شامنىڭ جارىعى ءتارىزدى تارتىپ جۇرەتىنى الدىمەن اۋىزعا تۇسەدى.
ول ەڭبەككەر، ءجاي ەڭبەككەر ەمەس، قايراتكەر، وقىمىستى عالىم، ۇستاز. ءارى وسىنىڭ بارىنە ءۇيدىڭ دە، ءتۇزدىڭ دە شارۋاسىن قاتار تىندىرىپ، ۇلگەرىپ جۇرگەن قوعامنىڭ بەلسەندى قايراتكەرى. كۇردەلى جۇمىسىمەن قاتار، عىلىممەن اينالىسۋعا دا ۋاقىت تاۋىپ، كانديداتتىق قورعاپ الدى. ونىڭ ءبىلىمى جوعارى باعالانىپ، ۇنەمى باسشىلىق جۇمىستار تاپسىرىلىپ كەلەدى. جانە ونى ابىرويمەن اتقارىپ جۇرگەنىن ءبارىمىز بىلەمىز. وسى ورايدا ونىڭ باسشى ۇستاز، عالىم ۇستاز قاسيەتى كوزگە تۇسەدى. ورتاسىنا سىيلى. ادامنىڭ باقىتى دەگەن ءسىرا وسىنداي ەڭبەكقورلىقتان، سودان العان ابىرويدان قۇرالاتىن بولسا كەرەك. ادامدا ارمان كوپ، تاۋسىلمايدى، ونىڭ دا ارمانى كوپ بولار، ءبىراق ول باقىتتىمىن دەپ تولىق ايتا الادى دەپ ويلايمىن.
ءبىزدىڭ تىلەگىمىز، توڭىرەگىڭە شاشقان ادامگەرشىلىك نۇرىڭ ورتايماسىن. قاشاندا ءقادىرلىسىز. وزىڭىزگە دە، ۇلكەن اپامىزعا دا زور دەنساۋلىق، اماندىق تىلەيمىز.
*** *** *** ***
قازان ايىندا 50 جاسقا تولعان باسشى اپايعا
جەر-انا التىن تۇسكە مالىنعاندا،
اق قايىڭ شىقتان مونشاق تاعىنعاندا،
تۋىپسىز باقىت سىيلاپ وتباسىنا،
تۇستىككە جىل قۇستارى اعىلعاندا!
باستالىپ التىن كۇزدەن ءومىرىڭىز،
كەلەدى كىر شالماستان كوڭىلىڭىز.
ءقادىرلى اناڭىزداي ۇلاعاتتى
ساپىنان ۇستاز-باسشى كورىنىڭىز!
شىعاتىن اسۋ-شىڭدار ءالى الدا،
ماڭگىلىك تىرشىلىكتىڭ ءمانى باردا.
تولاعاي تابىس-جەڭىس تىلەيمىز ءبىز
ەگەمەن ەلىمىزدىڭ ءسانى الدا!
ۇل-قىزىڭىز – ول ءسىزدىڭ قوس قاناتىڭىز،
انالىق تاۋسىلماسىن تاعاتىڭىز.
جارىستان ءومىر دەگەن وزىپ كەلسىن،
بايگەنىڭ تۇلپارىنداي جاراتىڭىز!
التىن كۇز جىل اينالىپ كەلە بەرسىن،
بەيبىت كۇن، جاقسىلىعى ەرە كەلسىن!
…………… …………قىزى، وزىڭىزگە
باقىتىن ءار جاسىڭىز بەرە بەرسىن!
You Might Also Like
-
حالىقتىڭ ۇلتتىق سانا-سەزىمىنىڭ ءوسۋى ۇلتتىق، الەۋمەتتىك پروگرەستىڭ باستى ءۇردىسى بولىپ تابىلادى. جاڭارۋ جاعدايىندا بۇل ءۇردىس عىلىمي-تەحنيكالىك ريەۆوليۋسيا ىقپالىمەن ءارى قاراي دامي تۇسپەك. كەيىنگى جىلدا...
-
قاي زاماندا بولماسىن حالقىمىز ۇستاز دەگەن ۇلى ەسىمدى ارداقتاۋمەن كەلەدى. قوعامدا ۇستازداردىڭ وزىندىك الار ورنى ەرەكشە. دۇنيەدەگى ماماندىق اتاۋلىنىڭ ەڭ جوعارعى تورەسى-ۇستازدىق ەتۋ. ۇستاز-شاكىرتتىڭ س...
