InfoHub Logo

توپتاماداعى ساباقتار ءتىزىمى:
1. كىمنىڭ مەكەنى جاقسى؟
2. پايدالى قازبالار
3. لەپتى سويلەم

ساباقتىڭ تاقىرىبى: كىمنىڭ مەكەنى جاقسى؟
ساباقتىڭ ماقساتى:
1. وقۋشىلارعا اڭگىمەنىڭ نەگىزگى يدەياسى، تۋعان جەردى ءسۇيۋ، قادىرلەۋ ەكەنىن تۇسىندىرە وتىرىپ ۇعىندىرۋ.
2. جاڭا سوزدەر مەن ماقال - ماتەلدەردىڭ ماعىناسىن اشۋ ارقىلى سوزدىك قورىن، سويلەۋ ءتىلىن دامىتۋ.
3. ءوز وتانىنا دەگەن سۇيىسپەنشىلىككە جانە ونى قورعاۋ ءار ادامنىڭ پارىزى ەكەنىن تۇسىندىرە وتىرىپ، دۇرىس ارەكەت ەتۋگە تاربيەلەۋ.
ساباقتىڭ ءتۇرى: ءداستۇرلى
ساباقتىڭ ءتيپى: ارالاس ءوزىن - ءوزى تانۋ مەن ادەبيەتتىك وقۋ ىقپالداستىرىلعان ساباق
ساباقتىڭ ءادىس - تاسىلدەرى: ءتۇسىندىرۋ، سۇراق - جاۋاپ، تالداۋ، اڭگىمەلەۋ ت. ب.
ساباقتىڭ كورنەكىلىگى: ساباق مازمۇنىنا بايلانىستى سلايدتار، سۋرەتتەر، ۆيدەوروليك.
ساباقتا قولدانىلاتىن تەحنولوگيا: دامىتا وقىتۋ تەحنولوگياسى
ساباقتىڭ بارىسى:
ءى. ۇيىمداستىرۋ كەزەڭى.
تىنىشتىق ءساتى. ( مۋزىكا اۋەنى جىبەرىلەدى وقۋشىلار كوزدەرىن جۇمىپ تىڭدايدى)
كورىكتى ولكەمە قاراشى،
تىزىلگەن ورمان، تاۋ، قالاسى.
التاي مەن اتىراۋ اراسى -
قازاقتىڭ كەڭ بايتاق دالاسى.
ءاربىر ادام ءۇشىن تۋعان جەردەن ىستىق، ءقادىرلى، قىمبات ەشتەڭە جوق. بولۋى دا مۇمكىن ەمەس! ساعان عانا ەمەس، سەنىڭ اكە - شەشەڭە دە، بابالارىڭا دا وسى مەكەن قۇتتى مەكەن بولعان.
ءوز سەزىمدەرىمەن ءبولىسۋ.

ءىى. ءۇي تاپسىرماسىن تەكسەرۋ.
- ولاي بولسا، بالالار، وتكەن ساباقتا جاقسى مەكەن، جايلى قونىس ىزدەگەن كەيىپكەرلەرىمىز نەلەر ەدى؟
(تىشقان، قۇمىرسقا، باقا)
- وسى كەيىپكەرلەرىمىز جايلى قونىس ىزدەپ ءجۇرىپ، ءبىزدىڭ سىنىپقا دا سوعىپ كەتۋدى ءجون كورىپتى. سىزدەرگە الىپ كەلگەن تاپسىرمالارى دا بار ەكەن.
1. قالاي ويلايسىڭدار، كوكقۇتاننىڭ مەكەنى بىزگە ۇنادى ما؟(تىشقان)
2. بالالار، بىزگە بوزتورعايدىڭ مەكەنى ۇنادى ما؟(قۇمىرسقا)
3. ءبىز ءارى قاراي قانداي وقيعاعا تاپ بولدىق؟(باقا)
- سونىمەن، بىزگە تانىس ءۇش كەيىپكەر جاقسى مەكەن، جايلى قونىس تاپتى ما؟ ونى بىلمەس بۇرىن دەنەمىزدى سەرگىتىپ الايىق.

ءىىى. جاڭا ساباق.
ماقال - ماتەلدەردى ءتۇسىنىپ وقۋ.
● تۋعان جەردەي جەر بولماس،
تۋعان ەلدەي ەل بولماس.
● اركىمنىڭ ءوز جەرى – مىسىر شاھارى.
باقا كولىندە پاتشا،
● بالىق سۋىندا پاتشا،
جىگىت ەلىندە پاتشا.
وقۋلىقپەن جۇمىس.
1. ءمۇعالىمنىڭ العاشقى وقۋى، ءتۇسىندىرۋى.
2. ءوز بەتىنشە وقۋ.
3. تىزبەكتەپ وقۋ.
وقۋشىمەن جۇمىس.
1. ماتىندەگى سوڭعى سويلەمدى داۋىستاپ وقۋ.
سۇراق - جاۋاپ.
- بالالار، سەندەردىڭ مەكەندەرىڭ قايدا؟
- ول تۋرالى نە بىلەسىڭدەر؟
- سەنىڭ مەكەنىڭ وزىڭە ۇناي ما؟
ۆيدەوروليك. «تۋعان جەرىم – اقتوبە!»

شىعارماشىلىق تاپسىرما.
داپتەرمەن جۇمىس. ولەڭ قۇراستىرۋ.
سۇيىكتى تۋعان ەل،
باۋىرىڭدا ءمولدىر كول.
ماقتاۋعا تۇرارلىق،
سۇيكىمدى بار ما جەر.
ءوز تۋعان جەرىڭ تۋرالى اڭگىمە قۇراپ ايتۋ.
ءىV. قورىتىندىلاۋ.
تۋعان جەر تۋرالى وي - قوزعاۋ. (سىزبا)
V. ۇيگە تاپسىرما.
كىمنىڭ مەكەنى جاقسى؟
Vءى. باعالاۋ. ماتريسا ادىسىمەن باعالاۋ
تىنىشتىق ءساتى. ( مۋزىكا اۋەنى جىبەرىلەدى وقۋشىلار كوزدەرىن جۇمىپ تىڭدايدى)
بۇگىنگى ساباقتان العان اسەرلەرىڭىزدى، تۋعان جەر تۋرالى وقىعان ماقال - ماتەلدەرىڭىزدى، دانالىق سوزدەرىڭىزدى جۇرەكتەرىمىزدىڭ تۇبىنە ماڭگى ساقتاپ قويايىق...