InfoHub Logo

باي بولام دەسەڭىز تابىستى ادامداردىڭ بىرنەشە داعدىسىن ۇيرەنىپ الىڭىز. تابىس پەن بايلىقتىڭ قۇپياسىن جاسىرعان داعدىلارمەن تانىسايىق.

1. بارلىق پروبلەمالارىڭىزدى بارىنشا قىسقا مەرزىمدە شەشۋ، كەيىنگە قالدىرماۋ، سوزباۋ، ۋشىقتىرماۋ. ادەتتە، پروبلەمانىڭ سالدارىن جويۋدان گورى ونى باستاپقى كەزىندە رەتتەۋگە از كۇش-جىگەر كەتەدى. قاتەلەسەتىن بولساڭىز دا شەشىم قابىلداۋدان قورىقپاڭىز، بۇل ەشقانداي شەشىم قابىلداماعاننان جاقسى. كوپ ويلانىپ-تولعانۋدان ارىلىڭىز. ءبىر وي كەلسە، ول جايدان-جاي كەلگەن جوق، سىلتاۋ ىزدەمەي، مۇمكىنشىلىك جاساڭىز. باي بولۋ ءۇشىن باسقالاردان كوپ ەڭبەك ەتۋ كەرەك، سوندا عانا تابىسقا جەتەسىز.

2. باسقاعا ەمەس، وزىڭە جۇمىس ىستەۋ. بىرەۋگە قۇل بولعىڭىز كەلمەسە، ءوز يگىلىگىڭىزگە ەڭبەك ەتىڭىز. سونىمەن بىرگە سۇيىكتى ىسپەن اينالىسۋدى جۇمىس دەپ اتاۋعا بولمايدى.

3. قۇندىلىق جاساۋ. ءار ءتۇرلى تاسىلدەرمەن قۇندىلىق قالىپتاستىرىپ، جيناقتاڭىز. ءسىزدى قورشاعان ادامدار ءۇشىن ءوزىڭىزدىڭ قۇندىلىعىڭىزدى ارتتىرىڭىز. اينالاداعىلار ءۇشىن قۇندى تاۋارلار عانا ءوندىرىڭىز، سوندا ولار وزدەرى سىزگە قاجەتتى اقشانى اكەپ بەرەدى. سىپايىسىنباي، تاۋارلارىڭىزدىڭ بارلىق قۇندىلىقتارى مەن پايداسىن تولىق سيپاتتاڭىز. ءوزىڭدى-وزىڭ ماقتاماساڭ، ەشكىم ماقتامايدى.

4. قىزىعۋشىلىق ءۇشىن جۇمىس جاساۋ. جۇمىسقا ىنتا بولماسا، وندا مۇنداي جۇمىس ىستەۋگە تۇرمايدى. ءوزىڭىزدىڭ قىزىعۋشىلىعىڭىز، قاجەتتى ءبىلىم مەن داعدى الۋ ءۇشىن جۇمىس جاساڭىز. وزىڭىزگە جۇمىس جاساڭىز.

5. بيىك ماقساتتار قويۋ. ءبىر ايدا 5 مىڭ دوللار تابۋدى ماقسات ەتىڭىز. ودان از قويماڭىز. نەعۇرلىم بيىك ماقسات قويساڭىز، سوعۇرلىم تەز جەتەسىز.

6. ءتىل تاپقىشتىق. اقشانى باسقا كىسىلەر الىپ كەلەدى. ولارمەن ارالاسىڭىز، ولاردى قىزىقتىرىڭىز، سوندا ولار سىزگە اقشالارىن قۋانا تاپسىرادى. تۇنەرگەن، تۇيىق ادام بولماڭىز، مۇنداي ادامداردىڭ باي بولۋى سيرەك كەزدەسەدى.

7. ءوزىڭىزدى جەڭىمپازدارمەن قورشاۋ، بايلارمەن ارالاسۋ. كەدەي ادامدار تومەنگە تارتادى، تاۋەكەل ەتۋ مەن پايدا تابۋدان اينىتادى، ويتكەنى ولار وزدەرى پايدا تابا المايدى. پايدا تابا الاتىندارمەن ارالاسىڭىز، ولاردىڭ باعا جەتپەس تاجىريبەسىن ءسىڭىرىڭىز، ول تۋرالى مەكتەپ وقۋلىقتارىندا جازبايدى. كەدەيلەر ورتاسىندا بايلاردى جاقسى كورمەيدى، جەك كورەدى. ءوزىڭىزدى بايلار مەن وپتيميستەرمەن قورشاڭىز. ولار تابىستى جانە باي بولۋعا كومەك بەرەدى.

8. جاۋاپتىلىق الۋ. كەدەيلىكتىڭ سەرىگى – جاۋاپسىزدىق. باي بولعىڭىز كەلسە، وزىڭىزگە جاۋاپكەرشىلىك الۋدان قورىقپاڭىز، ودان جالتارماڭىز، ودان پايدا تابۋدى ۇيرەنىڭىز.

9. بيزنەس جاساڭىز. ەگەر سىزدە اقشا از بولسا، كاسىپ جاساڭىز. ەگەر سىزدە مۇلدەم اقشا جوق بولسا، وندا دەرەۋ، ءدال ءقازىر بيزنەس جاساڭىز! وي ىزدەڭىز، ونى بيزنەس جوباڭا اينالدىرىڭىز جانە ينۆەستورلاردىڭ نازارىن اۋدارىڭىز.

10. ءپاسسيۆتى تابىس كەلتىرۋ جولىن جاساۋ. ءسىزدىڭ قاتىسۋىنسىز اقشا الىپ كەلەتىن ءپاسسيۆتى كىرىس كوزدەرىن جاساۋ جولدارىن ىزدەڭىز. ءپاسسيۆتى تابىس – ول ءسىزدىڭ كۇش-جىگەرىڭىزگە قاراماستان كەلەتىن تابىس. ءوزىڭىز تىنىم تاپپاي ەڭبەك ەتەتىن، بارلىق وپەراسيانى ءوزىڭىز جاسايتىن كاسىپكە بيزنەستى قۇرماڭىز. ءسىز ءۇشىن ءسىزدىڭ جۇمىسىڭىزدى جاساسىن، ال ءسىز راحاتتانا ءومىر ءسۇرىڭىز.

11. ينۆەستيسيالاۋ. قارجى سالۋ كەرەك، ءبىراق ونىڭ كوزىن ءبىلۋ قاجەت. بارلىق ارتىقشىلىعى مەن كەمشىلىگىن تارازىلاڭىز، بارىنشا كوپ اقپارات جيناڭىز، پروبلەمانى جەتە زەرتتەڭىز، نەگىزسىز تاۋەكەلگە جول بەرمەڭىز. تاۋەكەل ورىندى بولۋ كەرەك، ال ينۆەستيسيادان تۇسكەن كىرىس شىعىستى جابۋ كەرەك.

12. باي جانە تابىستى ادامداردى زەرتتەۋ. ولاردىڭ ءومىرباياندارىن، تابىسقا جەتۋ جولدارىن، نەدەن باستاعاندارىن، قالاي كەڭەيگەنىن زەرتتەڭىز. ولار قالاي ويلايتىنىن ءتۇسىنىپ كورىڭىز دە، سولاي ويلاڭىز. ينتەرنەتتە الەمنىڭ ەڭ باي ادامدارىنىڭ ءومىرباياندارى كوپ. ەڭ قۇرىعاندا، اسا كورنەكتىلەرىنىڭ ومىرباياندارىمەن تانىسىڭىز.

13. وزىنە سۇراق قويۋ. مىناداي سۇراقتار: «مەن كىممىن؟»، «مەن نەگە بىرەگەيمىن؟»، «مەندە 123 456 789 000 دوللار بولسا، نە ىستەر ەدىم؟». كەلگەن ءپوزيتيۆتى ويلاردىڭ كۇشى مەن ەنەرگياسىن پايدالانىپ، ولاردى ارەكەت ەتۋگە، العا جىلجۋعا باعىتتاڭىز.

14. ارمانداۋ. ارمان – ەڭ كۇشتى العا جىلجىتۋشى. ارمانداڭىز جانە ارماندارىڭىز ورىندالاتىنىنا سەنىڭىز. ءبىراق، ەشقاشان قيالداماڭىز. قيالدار جۇزەگە اسىرىلۋىن تالاپ ەتپەيدى، ال ارماندار تالاپ ەتەدى. ادام ارمانداۋدى دوعارعاندا، دامۋ مەن العا جىلجۋدى توقتاتادى.

15. جاردەمدەسۋ. شىن جۇرەكتەن كومەكتەسىڭىز. ءبىراق، ءوزىڭىز قالاعان ادامعا عانا قول ۇشىن سوزىڭىز. ۇنەمى كومەك سۇرايتىندارعا كومەكتەسپەڭىز. ونداي ادامدار بوتەننىڭ مەيىرباندىعىنا ارامتاماق بولادى. كومەك كورسەتۋدى دوستارىڭىزبەن جانە تۋىسقاندارىڭىزبەن شەكتەمەڭىز. مەيىلىنشە كوپ ادامعا كومەك كورسەتسەڭىز، بارىنشا كوپ ادام سىزگە جاردەمدەسەدى.

16. ماقتاۋ. كومپليمەنت جاساڭىز، بۇل ءسىز ايتقان ادامنىڭ عانا ەمەس، ءسىزدىڭ دە ءوزىن-وزى باعالاۋىڭىزدى ارتتىرادى. تابىستى ادام ءوزىن-وزى جوعارى باعالايدى.

17. كۇندەلىك جۇرگىزۋ. كەلگەن بارلىق ويلاردى جازىپ ءجۇرىڭىز. ىستەرىڭىزدى بارىنشا ەگجەي-تەگجەيلى جازىڭىز. كۇندەلىگىڭىزدى الداعى ءبىر ايعا تولتىرىپ قويىڭىز. بوس پاراق بولماۋ كەرەك. ءسىزدىڭ ەشتەڭە ىستەمەۋىڭىز مۇمكىن ەمەس. كۇندەلىككە بارلىق جەتىستىكتەرىڭىزدى، تابىستارىڭىزدى، ساتسىزدىكتەرىڭىزدى جازىپ ءجۇرىڭىز. ولاردى جادىڭىزدان شىعارماڭىز – بۇل قۇندى تاجىريبە. رەڭىش تابىستان گورى 10 ەسە ءجيى ەسكە تۇسەدى. كوڭىلىڭىز بولماعان كەزدە كۇندەلىكتى اشىڭىز دا «تابىس» دەگەن باعانانى وقىڭىز.

18. بەرىلمەۋ. ەشقاشان بەرىلمەڭىز، ارەكەت ەتىڭىز، ءبىر ورىندا تۇرماڭىز، دامىڭىز، ورتاڭىزدى دامىتىڭىز. جوقشىلىقپەن كۇرەسىڭىز، كەدەيشىلىك – بارلىق ادامداردىڭ جاۋى، كىم ونىمەن جاقسى كۇرەسەدى، سول باي جانە تابىستى بولادى.

 

دەرەككوز: imurat.kz

---