InfoHub Logo

جامبىل وبلىسىندا وگەي ۇلىن ازاپتاعان ەر ادام شارتتى جازامەن بوساپ شىقتى

جامبىل وبلىسىندا بىرنەشە جىل بويى وگەي ۇلىن ۇرىپ-سوعىپ، قورلاعان ەر ادام شارتتى تۇردە بوستاندىققا شىقتى، دەپ حابارلايدى Infohub.kz.

تەرگەۋ مالىمەتىنشە، ەر ادام وگەي ۇلىن جۇيەلى تۇردە ۇرىپ، اش قالدىرعان، قول-اياعىن بايلاپ، ساراي مەن جەرتولەدە قاماعان. ەر ادامنىڭ مۇنداي ارەكەتكە بارۋىنىڭ ءبىر سەبەبى بالانىڭ ءتاتتى دەپ قويعانى ەكەن.

بالانىڭ اناسى – اۋداندىق ءبىلىم ءبولىمىنىڭ قىزمەتكەرى گۇلميرا مادەنوۆا دا بۇل وقيعادان حاباردار بولىپ شىقتى. ول كۇيەۋىنىڭ مۇددەسىن قورعادى.

ءبىر جىل بۇرىن بالا ۇيدەن قاشىپ كەتكەن ەكەن. ونى اۋىل تۇرعىندارى تاۋىپ الىپ، دەنەسىندە كوپتەگەن جاراقات بەلگىلەرىن بايقاعان. ونىڭ قۇلاعى مەن موينىندا سىزاتتار، قولىندا كوگەرگەن ىزدەر بولعان. بۇعان دەيىن جۋالى اۋداندىق سوتى وگەي اكەنى 4 جىلعا باس بوستاندىعىنان ايىرعان ەدى. الايدا اپەللياسيالىق سوتتا ەر ادامنىڭ جازاسى جەڭىلدەتىلىپ، شارتتى جازا تاعايىندالعان.