InfoHub Logo

قازاقستاندىق مما سپورتشىسى بەكزات الماحان (12-2) الەمدەگى ەڭ مىقتى ليگا سانالاتىن UFC-دە ەكىنشى جەكپە-جەگىن وتكىزدى. UFC 315 ءتۋرنيرى اياسىندا (مونرەال، كانادا) ول پروموۋشەندەگى العاشقى جەڭىسىنە قول جەتكىزدى، دەپ حابارلايدى Tengri Sport سايتىنا سىلتەمە جاساعان Vesti.kz. 27 جاستاعى قازاقستاندىقتىڭ العاشقى الدىن الا جەكپە-جەگىندەگى قارسىلاسى 33 جاستاعى جەرگىلىكتى فايتەر برەد كاتونا (14-5) بولدى. ءۇش راۋندقا جوسپارلانعان جەڭىل سالماقتاعى ايقاس بەكزات الماحاننىڭ 64 سەكۋندتا جەڭىسىمەن اياقتالدى. ول قارسىلاسىنا ءدال سوققى جاساپ، نوكداۋنعا ءتۇسىرىپ، سوڭىنا دەيىن سوققىلارمەن توقتاتتى — تورەشى جەكپە-جەكتى توقتاتۋعا ءماجبۇر بولدى. بۇل بەكزاتتىڭ كاسىبي مانسابىنداعى 12ء-شى جەڭىسى جانە UFC-دەگى ەسەپپەن 1-1 ناتيجەسى. ول 2024 جىلدىڭ ناۋرىز ايىندا UFC-دەگى العاشقى جەكپە-جەگىندە رەسەيلىك ۋمار نۋرماگومەدوۆكە تورەشىلەردىڭ ءبىراۋىزدان شىعارعان شەشىمىمەن جەڭىلگەن ەدى، ءبىراق ءبىرىنشى راۋندتا قارسىلاسىن نوكداۋنعا ءتۇسىرىپ، كوپشىلىكتىڭ ەسىندە قالعان بولاتىن. ال برەد كاتونا ءۇشىن بۇل – مما-دەگى 19 كاسىبي جەكپە-جەگىندە العاشقى ۋاقىتىنان بۇرىنعى (دوسروچنوە) جەڭىلىسى. ايتا كەتەيىك، UFC 315 ءتۋرنيرى اياسىندا ەكى چەمپيوندىق جەكپە-جەك وتەدى: ۆالەنتينا شيەۆچەنكو (24-4-1) مانون فيوروعا (12-1) قارسى بەلبەۋىن قورعاسا، بەلال مۋحامماد (24-3-0-1) دجەك دەللا ماددالەناعا (17-2) قارسى شىعادى.