بەلگىلى ساتيريك ۋاليبەك ءابدىرايىموۆ قايتىس بولدى دەگەن اقپارات جالعان بولىپ شىقتى
بەلگىلى ساتيريك ۋاليبەك ءابدىرايىموۆ قايتىس بولدى دەگەن اقپارات جالعان بولىپ شىقتى
الەۋمەتتىك جەلىلەردە تاراعان ۋاليبەك ءابدىرايىموۆتىڭ قازا تاپقانى جونىندەگى اقپارات شىندىققا جاناسپايدى. بەلگىلى اكتەر، «شانشار» تەاترىنىڭ جەتەكشىسى بۇل جالعان حاباردى جوققا شىعارىپ، ءوزىنىڭ امان-ەسەن ەكەنىن راستادى.
جەلىدە تاراعان حابارلامادا «شىمكەنتتە قىزدى الىپ قاشۋ كەزىندە جول اپاتىنا ۇشىراپ، قازا بولدى» دەلىنگەن. بۇل اقپاراتتا ءتىپتى «120 كم/ساع جىلدامدىقپەن كولىك تىزگىندەگەن» دەگەن ءتارىزدى شىندىققا مۇلدە جاناسپايتىن مالىمەتتەر دە جازىلعان.
اكتەر بۇل قاۋەسەتكە بايلانىستى ۆيدەوۇندەۋ جاساپ، ءوز تاڭدانىسىن ءبىلدىردى:
«مەن باتىس ەۋروپادا جۇرسەم، بىرەۋ مەنى ءولتىرىپ قويىپتى. وزىمە جانازا مەن جەتىسىن ايتپاعاندارىنا رەنجىپ قالدىم. كەشە گەرمانيادا بولدىم. ءتىرىمىن بە، ولگەم بە دەپ ءوزىم قورقىپ كەتتىم»، – دەدى ول.
جالعان اقپاراتتىڭ الەۋمەتتىك جەلىدە كەڭىنەن تارالۋى قوعامدا الاڭداۋشىلىق تۋعىزىپ، رەسمي راستاۋسىز تاراعان حابارلامالارعا سەنبەۋدىڭ ماڭىزىن تاعى ءبىر مارتە كورسەتتى.
You Might Also Like
-
پرەزيدەنت قاسىم-جومارت توقايەۆ الماتىداعى «باعاناشىل» بالالار ءۇيىنىڭ تاربيەلەنۋشىلەرىن قونايەۆ قالاسىنا كوشىرۋ پروسەسىن دەرەۋ توقتاتۋدى تاپسىردى. بۇل تۋرالى اقوردا رەسمي حابارلادى.
-
الماتىدا دەنيس تەن اتىنداعى كوشە اشىلۋى مۇمكىن،- دەپ حابارلايدى ينفوحاب ءتىلشىسى.
