بەلگىلى تاريحشى - تۇياقباي زەيىت ۇلى رىسبەكوۆ!
بەلگىلى تاريحشى - تۇياقباي زەيىت ۇلى رىسبەكوۆ! كەلەشەك قازاقستان تاريحناماسىنىڭ دامۋىنا وزىندىك ۇلەس قوسىپ جۇرگەن تاريح عىلىمدارىنىڭ دوكتورى، پروفەسسور تۇياقباي زەيىت ۇلى رىسبەكوۆ. عىلىمي-پەداگوگيكالىق قىزمەتى كەزىندە 645-تەن استام عىلىمي جانە عىلىمي-ادىستەمەلىك باسىلىمدار جاريالادى. سونىڭ ىشىندە: 11 مونوگرافيالار مەن وچەركتەر، 26 وقۋلىقتار مەن ادىستەمەلىك قۇرالدار، ونىڭ ىشىندە 5 ەلەكتروندى تاراتۋشىلار، 382 عىلىمي جيناقتار مەن جۋرنالدار، 142-بۇقارالىق اقپارات قۇرالدارى. عالىمنىڭ عىلىمي جەتەكشىلىگىمەن 2 عىلىم دوكتورى، 20 عىلىم كانديداتتارى جانە 24 عىلىم ماگيسترى دايىندالدى. كاسىبي،بىلگىر تاريحشى رەتىندە وتكەن عاسىردىڭ 70- جىلدارىندا تانىلا باستاعان ت.ز.رىسبەكوۆ ءوزىنىڭ باستى زەرتتەۋ نىسانى رەتىندە مەملەكەتىمىزدىڭ قوعامدىق ساياسي ءومىرى ماسەلەلەرىن، ولاردىڭ قاتارىندا ەڭ الدىمەن جەرگىلىكتى كەڭەستەردىڭ قالىپتاسۋ، دامۋ جانە ناقتىلى قىزمەتى تاريحى بولدى. پروفەسسور ت.ز.رىسبەكوۆ سونىمەن قاتار تاۋەلسىز قازاقستاننىڭ تاۋەلسىز تاريحىن جازۋ مەن ونى ناسيحاتتاۋ ىسىنە بەلسەندىلىكپەن ات سالىسۋدا. ول اسىرەسە باتىس قازاقستان ءوڭىرىنىڭ تاريحىنىڭ بۇرمالانعان ماسەلەلەرىن زەرتتەۋدە، وتكەن تاريحىمىزدىڭ اقتانداق بەتتەرىن تولتىرۋدا جەمىستى ەڭبەك ەتۋدە. «تۋعان ولكە تاريحى»، «قازاقستان تاريحى»، «بوكەي وردا تاريحى»، «تاريحپەن تىلدەسۋ»، «باتىس قازاقستانداعى حالىق اعارتۋ تاريحىنىڭ وچەركتەرى» جانە دە تاعى دا باسقا زەرتتەۋ ەڭبەكتەرى مەن وقۋلىقتارى وعان تولىقتاي دالەل بولا الادى. جالپى، ت.ز.رىسبەكوۆ ولكە تاريحىن قاراستىرعاندا مىنا ماسەلەلەرگە اسا ءمان بەردى. تاريحي كونسەپسيالاردى جان-جاقتى، بايىپتى تۇردە قايتا قاراۋعا، تاريحتى ءارقاشان تەك اقيقات-شىندىقپەن عانا اسقاقتاۋعا، ال جالعان، وتىرىكپەن قارالاۋعا بولاتىنىن باسشىلىققا العان. تۇياقباي رىسبەكوۆ تەك قانا عالىم، ۇستاز، باسشى عانا ەمەس، سونىمەن بىرگە رەسپۋبليكاداعى جانە وبلىس، كولەمىندەگى قوعامدىق جۇمىستارمەن بەلسەندى اينالىسۋشى. ول بىرنەشە رەت ورال قالالىق جانە باتىس قازاقستان وبلىسى ءماسليحاتىنىڭ دەپۋتاتى بولىپ سايلانعان. ت.ز. رىسبەكوۆ وتانىمىزدىڭ الدىندا سىڭىرگەن زور ەڭبەگى ءۇشىن قازاقستان رەسپۋبليكاسىنىڭ مەملەكەتتىك ماراپاتتاۋلارىنا يە بولدى. ول ءبىلىم مينيسترلىگىنىڭ ماقتاۋ قاعازدارىمەن، ى.التىنسارين مەدالىمەن، ق ر ءبىلىم بەرۋ ءىسىنىڭ ۇزدىگى بەلگىسىمەن، قازاقستان رەسپۋبليكاسىنىڭ ەڭبەك سىڭىرگەن قايراتكەرى اتاعىمەن، «پاراسات» وردەنىمەن ماراپاتتالعان. ت.ز. رىسبەكوۆتىڭ وتان تاريحىنان الاتىن ورنى ەرەكشە.
بيسەنباي گۇلدانا سامات قىزى
You Might Also Like
-
ساراپشىلار كوروناۆيرۋستى جۇقتىرعان جارتى ميلليونعا جۋىق ناۋقاستى تەكسەردى.
-
قازاقستاندىق فيلمدەر شەتەلدە تانىمالدىلىققا يە بولىپ، تەك قازاقستاندىقتار ءۇشىن عانا ەمەس، سونىمەن قاتار باتىس كورەرمەندەرى ءۇشىن دە قولداۋ تابۋدا.
