بەس جىلدان بەرى حابارسىز كەتكەن "بولاشاق" ستيپەنديانتى قازاقستانعا ورالعىسى كەلمەيدى
بەس جىل بۇرىن «بولاشاقپەن» اقش-قا بارىپ، كەيىن ءىز-تۇزسىز كەتكەن وتانداسىمىز ەرجان ەلىكوۆتىڭ اتىنان الەۋمەتتىك جەلىدە جازبا پايدا بولدى دەپ حابارلايدى NUR.KZ پورتالى.
28 جاستاعى ەرجان ەلىكوۆتى اتا-اناسى شەتەلدە حابارسىز كەتكەسىن ىزدەپ سابىلىپ ءجۇر. ال Facebook جەلىسىندە جىگىتتىڭ اتىنان اشىلعان پاراقشادا ونىڭ ەلگە ورالعىسى كەلمەيتىنى تۋرالى جازبا پايدا بولدى.
"مەنىڭ ەسىمىم - ەلىكوۆ ەرجان. مەن - 28 جاستاعى قازاقستان ازاماتىمىن. اقش-تا قالۋدى ۇيعارعان ستيپەنديانتتاردىڭ ءبىرىمىن... ون جىلىمدى اقش-تا بىلىمگە سارپ ەتكەن ازاماتپىن"، - دەپ ءسوزىن باستادى جىگىت 12 قازان كۇنى جاريا ەتكەن جازبادا.
ەرجان ەلىنە قارىزىن قايتارۋعا ءازىر ەكەنىن، تەك ول ءۇشىن كەي تالاپتارى ورىندالعانىن قالايتىنىن العا تارتتى.
"مەن ەلدەگى ەڭ تومەن جالاقى مولشەرىن ادامدى مازاق ەتەتىن 25 مىڭ تەڭگەدەن 250 مىڭ تەڭگەگە دەيىن كوتەرۋىن تالاپ ەتەمىن... وقۋعا كەتكەن اقشانى ەلگە قايتارامىن. بۇل سونداي كوپ اقشا ەمەس، سەبەبى، ونى اقش-تا قوقىس تازالاۋشىنىڭ ءوزى التى ايدا تاۋىپ بەرە الادى. ءتىپتى ماعان وقۋعا تولەنگەن اقشادان كوبىرەك بەرۋگە دە ءازىرمىن. ءوزىمدى كىنالى سانامايمىن"، - دەپ جالعاستىردى ول.
ستۋدەنت ەلىمىز نەگە اقش حالقىنداي شالقىپ تۇرمايدى دەگەن ساۋال تاتادى.
"ءبىز نەنى دۇرىس ىستەمەي وتىرمىز؟ مەنىڭ اتا-انام ءومىر-باقي ەڭبەكتەنىپ، تەر توگىپ كەلسە دە، اقپان ايىندا ارالداردا دەمالىپ كورگەن ەمەس... ءبىز نەگە نەسيە تولەۋ ءۇشىن بۇيرەگىمىزدى ساتۋعا ءماجبۇرمىز، نەگە مەملەكەتتىڭ باسى اۋىرمايتىن جاعدايى مۇشكىل ادامدارعا جانتالاسىپ قول ۇشىن سوزىپ وتىرامىز؟ بۇعان ەش سەبەپ جوق بولىپ شىقتى"، - دەپ تۇيىندەدى ازامات.
ونىڭ ويىنشا، اقش نەمەسە ەۋروپانىڭ كەز-كەلگەنى ەلى سەكىلدى قازاقستاننىڭ دا شالقىپ ءومىر سۇرۋىنە ەشقانداي كەدەرگى جوق.
"مەن بۇل ستيپەنديانى ەڭبەگىممەن يلەنەدىم. ال بيلىكتە وتىرعان ادامدار، ءتىپتى جولاقىسىنا اقشانى ءوز ەڭبەگىمەن تاپقان ەمەس... مەن ءوز ەڭبەگىممەن تاپقان اقشامدى يسپاندىق ۆيللالارداعى جارىققا نەمەسە تويداعى كانە ۋەستكە بەرۋگە نيەتتى ەمەسپىن"، - دەپ رەنىشىن ءبىلدىردى ستۋدەنت.
You Might Also Like
-
ق ر تاۋەلسىزدىگىنىڭ 25 جىلدىعىن مەرەكەلەۋ اياسىندا تولەگەن ايبەرگەنوۆ اتىنداعى №16 ورتا مەكتەپتە «ەڭ ۇزدىك سىنىپ جەتەكشىسى» جالپى مەكتەپىشىلىك كونكۋرسى ءوتتى. بايقاۋدا 11 سىنىپ جەتەكشىسى ب...
