InfoHub Logo

ساباقتىڭ تاقىرىبى: بەيىمبەت مايلين «شۇعانىڭ بەلگىسى» پوۆەسى.

ساباقتىڭ ماقساتى:
ساباقتىڭ بىلىمدىلىك ماقساتى: وقۋشىلاردىڭ تانىمدىق قابىلەتتەرىن جەتىلدىرە وتىرىپ، شىعارما مازمۇنىن، يدەياسىن تولىق بىلۋىنە جاعداي تۋعىزۋ. جازۋشىنىڭ جەتكەن بيىگىن، شەبەرلىگىن تانۋ.
ساباقتىڭ دامىتۋشىلىق ماقساتى: توپتىق، جەكەلەگەن جۇمىستار جۇرگىزۋ ارقىلى وقۋشىلاردىڭ وي - ءورىسىن، تانىم، شىعارماشىلىق قابىلەتتەرىن دامىتۋ؛ ءوز وي - پىكىرلەرىن كوركەم جەتكىزە بىلۋگە ۇيرەتۋ؛ شىعارمانىڭ كوركەمدىك ەرەكشەلىكتەرىنە تالداۋ جاساۋ ارقىلى جازۋشى شەبەرلىگىنە كوز جەتكىزۋ.
ساباقتىڭ تاربيەلىك ماقساتى: پوۆەستىڭ تاربيەلىك جاقتارىن تابۋ، ادالدىققا، سىيلاستىققا تاربيەلەۋ.
ساباقتىڭ ءتۇرى: ارالاس ساباق
ساباقتىڭ ءادىسى: بايانداۋ، سۇراق - جاۋاپ، پىكىرالماسۋ، ىزدەندىرۋ، كەيىپكەرگە تالداۋ جاساۋ.
ءپانارالىق بايلانىس: قازاق ءتىلى، بەينەلەۋ ونەرى، شەشەندىك ونەر.
كورنەكىلىگى: ينتەربەلسەندى تاقتا، جازۋشى كىتاپتارى، سۋرەتتەر، جازۋشى جايلى پىكىرلەر.
ساباق بارىسى: ءى ۇيىمداستىرۋ كەزەڭى:
وقۋشىلارمەن امانداسۋ، زەيىندەرىن ساباققا اۋدارۋ.

ساباق جوسپارى:
1. «مەن ولمەيمىن، مەنىكى دە ولمەيدى...» (ءۇي تاپسىرماسى)
2. «بىلگەن سايىن كەلەدى، بىلە بەرگىم...» (جاڭا ساباق)
3. «دانالىق سوزدەن ءدان ىزدە» (ماتىنمەن جۇمىس)
4. نەنى ۇيرەندىم، نەنى ءبىلدىم؟ (ساباقتى بەكىتۋ)

ءىى ءۇي تاپسىرماسىن تەكسەرۋ:
شولۋ سۇراقتارى ارقىلى تەكسەرۋ، ەسكە ءتۇسىرۋ.
- ب. مايلين پوەزياسىنىڭ ءقادىر - قاسيەتى نەدە؟
- مايلين جىرلاعان قازاق اۋىلى قانداي؟
- بەيىمبەتتىڭ ايەل تەڭدىگىن جىرلاعان شىعارمالارىن اتا.
- زامانداستارى مەن قالامداستارى مايلين تۋرالى نە ايتقان؟

ءىىى جاڭا ساباقتى ءتۇسىندىرۋ
1. تاقىرىپتى حابارلاۋ، ماقسات قويۋ.
2. ب. مايلين «شۇعانىڭ بەلگىسى» پوۆەسى
2. ساباقتىڭ ەپيگرافى «كىم بىلمەيدى»
«مايدان»، «جالبىر»، «شۇعانى؟»
بەيىمبەتتى ايتقىزباي جۇرت ۇعادى.
قالامىنان ءورىپ جاتقان شىعارما
بىرەۋىنەن ءبىرى ارتىق بوپ شىعادى.

3. كىرىسپە اڭگىمە (شىعارمانىڭ جازىلۋ تاريحىنا توقتالۋ)
«شۇعانىڭ بەلگىسى» حيكاياتىنىڭ جازىلۋى جايلى مالىمەت بەرۋشى بەيىمبەتتىڭ بىرگە وقىعان دوسى، باشقۇرت حالقىنىڭ كورنەكتى اقىنى ءسايفي قۇداش 1916 جىلدىڭ اقپان ايىنىڭ اياق كەزىندە ۋفاداعى مەدرەسە عالياداعى ءتىل مەن ادەبيەت ءمۇعالىمى عالىمجان يبراگيموۆ شاكىرتتەرىنە قالاعان تاقىرىپتارىنا شىعارما جازىپ كەلۋدى تاپسىرعانىن، سوندا بەيىمبەت «شۇعانىڭ بەلگىسىن» ۇسىنعانىن» ايتادى. «بيماعامبەت ءمايليننىڭ حيكاياسى، مەنىڭ پىكىرىمشە، دەيدى ول،- سول ۋاقىتتا جازىلعان شىعارمالار اراسىنداعى ەڭ كولەمدى جانە جاقسىسى ەدى. ول قازاق تىلىندە بيماعامبەتتىڭ ءوز رەداكتورلىعىمەن شىعىپ تۇرعان قولجازبا «ساداق» جۋرنالىندا جاريالاندى.»

5. وقۋشىلارعا حيكاياتپەن تانىسىپ كەلۋ تاپسىرىلعان، وقۋشىلار حيكاياتتىڭ ءار بولىمىنە ات قويىپ، شىعارما سيۋجەتى نەگىزىندە قىسقاشا مازمۇنىن ايتادى.
1. قوس جولاۋشى
2. باي قىزى شۇعا
3. العاشقى كەزدەسۋ
4. ۋچيتەل ءابدىراحمان
5. ۇيعارىم
6. قىزىقتى كۇندەر
7. اينابايدىڭ بۇلىگى
8. عاشىق جۇرەك (حات)
9. توسقاۋىل
10. جابىلعان جالا
11. قوشتاسۋ
12. شۇعانىڭ ايىقپاس دەرتى
13. ۇزىلگەن ءۇمىت. سوڭعى حات. «شۇعانىڭ بەلگىسى»

6. توپتىق جۇمىستار (كەستە)

ءىۇ جاڭا ساباقتى بەكىتۋ
1) جۇپتىق جىمىستار ورىنداتۋ؛
* شىعارماداعى تۇراقتى تىركەستەردى تابۋ؛
*تۋىستىق اتاۋلار مەن جەر - سۋ اتاۋلارى؛
*شىعارماداعى سالت - ءداستۇر؛
*تاريحي - كونەرگەن سوزدەردى تابۋ؛
*تەڭەۋلەردى تابۋ؛
*شاعىن كورىنىس «العاشقى كەزدەسۋ»
2) كەيىپكەرگە سەپتەۋ (شۇعا، ءابدىراحمان، ت. ب.)
ا. س. شۇعا - ەسىمبەك بايدىڭ سۇلۋ قىزى
ءى. س. «شۇعانىڭ بەلگىسى»- ماحابباتتىڭ بەلگىسى
ب. س. شۇعاعا جىگىت بىتكەننىڭ ءبارى ىنتىق
ت. س. شۇعانى ءابدىراحمان شىن ءسۇيدى.
ج. س. شۇعادا قازاق قىزدارىنا ءتان اسىل قاسيەتتەر كوپ
ش. س. شۇعادان ءبىز ۇلگى الامىز
ك. س. شۇعامەن قازاق قىزدارى ماقتانا الادى.
3) اۋىزشا سۇحبات (شاعىن پىكىرتالاس)
* جازۋشىنىڭ ويىمەن كەلىسەسىز بە؟
... بۇل كۇندە ونداي قىز قايدا؟ اجارى تاۋىرلەۋ بىرەۋ بولسا، سونى كوتەرە المايدى ما، بىلمەيسىڭ، ەشكىگە ۇقساپ شوشاڭداپ جۇرگەنى. زامان بۇزىلعان عوي... ءيا...
* قىز بەن جىگىت اراسىنداعى شىنايى ماحابباتتىڭ ومىرشەڭدىگىنە مىسال كەلتىرە الاسىزدار ما؟

V ۇيگە تاپسىرما: شۇعانىڭ قازىرگى زامانداس قىزدارعا حاتى (بولاشاققا حاتى)
VI باعالاۋ

VII قورىتىندىلاۋ ساباعىمىزدى ۇلى ءسوز زەرگەرىمىز ع. مۇسىرەپوۆتىڭ: «جازۋشى ءۇشىن كەيىپكەردىڭ ۇلكەن - كىشىسى بولمايدى. ماسەلە ونى قالاي سۋرەتتەپ شىعۋىندا. بەيىمبەتتىڭ بۇل جونىنەن ءتورت قۇبىلاسى ساي. كەيبىر ادەبيەتشىلەر وسى ماسەلەنىڭ بايىبىنا بارا الماي ءجۇر. بەيىمبەتتى تاني الماۋ – ەشتەمەنى تاني الماۋ...» دەگەن سوزىمەن قورىتىندىلاساق دەگىم كەلەدى.