بىلىكتى ۇستاز - ساپالى ءبىلىم نەگىزى
«ۇستازدى التىن دىڭگەككە بالار ەدىم» — دەپ، ۇلى اعارتۋشى ى.ءالتىنساريننىڭ ايتقانىنداي، ۇستازدىق – تاريحتاعى ەڭ ۇلى ءىستىڭ ءبىرى. شىندىعىندا، ءمۇعالىم ءىسى سىرتتاي قاراپايىم بولعانىمەن، ۇلاعاتتى ۇستاز مارتەبەسى كەز كەلگەننىڭ ماڭدايىنا بۇيىرا بەرمەيتىن ب ا ق.
وتاندىق ءبىلىم بەرۋ جۇيەسىنىڭ دامۋىنا ولشەۋسىز ۇلەس قوسقان ۇلاعاتتى ۇستاز جايىندا وي تولعايتىن بولساق، ءبىلىم بەرۋدىڭ بارلىق ساتىلارىنان وتكەن، تاجىريبەلى ءمۇعالىم، ادىسكەر، وقىتۋشى، بىلىكتى باسشى، ۇستازداردىڭ ۇستازى بولعان پەداگوگيكادا بارلىق سانالى عۇمىرىن حالىققا ءبىلىم بەرۋ سالاسىنا ارناعان ادال ازامات - ورىنبايەۆ كوجانتاي اسانوۆيچ.
ورىنبايەۆ كوجانتاي اسانوۆيچ 1978 جىلدىڭ قازان ايىنىڭ 2 جۇلدىزىندا دۇنيەگە كەلگەن 1985 جىلى بەينەۋ سەلوسىنداعى اباي اتىنداعى ورتا مەكتەبىندە قابىلدانىپ، 1995 جىلى ءبىتىرىپ شىقتى.1996-1999 جج ارالىعىندا ماڭعىستاۋ ەنەرگەتيكالىق كوللەدجىندە «جىلۋ تەحنيگى» ماماندىعىن ۇزدىك ءبىتىرىپ، 1999-2004 جج ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە «قۇقىقتانۋ» ماماندىعىنىڭ، 2015-2017 جىلدارى وڭتۇستىك قازاقستان پەداگوگيكالىق ۋنيۆەرسيتەتىندە «قازاق ءتىلى مەن ادەبيەتى» ماماندىعى بويىنشا باكالاۆر دارەجەسىن الىپ شىقتى. ەڭبەك جولىن العاش بەينەۋ پوليتەحنيكالىق كوللەدجىندە 2004 جىلدان باستاپ ارنايى ءپان ءمۇعالىمى قىزمەتىن باستادى.
2013-2015 جج وقۋ ءبولىمىنىڭ مەڭگەرۋشىسى، 2015 جىلدان كازىرگى ۋاقىتقا دەيىن باسشىسىنىڭ وقۋ ءىسى جونىندەگى ورىنباسارى قىزمەتىن اتقارىپ كەلەدى. كوجانتاي اسانوۆيچ كوللەدجدەگى لاۋازىمدىق قىزمەتىن ق ر زاڭناماسىنا، كوللەدج جارعىسىنا، كوللەدجدىڭ ستراتەگيالىق جوسپارىنا، باسقا دا نورماتيۆتىك-قۇقىقتىق اكتىلەرگە سايكەس وقۋ جۇمىسىن ۇيىمداستىرۋ جونىندە جوسپارلاردى ازىرلەۋدى جۇزەگە اسىرادى.سونىمەن قاتار بىلىكتىلىك ارتتىرۋ كۋرستارىنان، كوللەدجدەگى ماماندىقتارعا سايكەس وقۋلىقتار، وقۋ قۇرالدارىن، ادىستەمەلىك كەشەندەر، يميتاتور-ماكەتتەر دايىنداۋعا قاتىسادى.
شىعىس ويشىلى ءجۇسىپ بالاساعۇن: «ادامنىڭ ماڭگى بولماعى، ونىڭ ارى مەن ەلى ءۇشىن ەتكەن ەڭبەگىندە»، - دەۋىنىڭ ءوزى بەكەر ەمەس، ويتكەنى ۇستازدىقتىڭ ۇلى جولىن تاڭداعان ءار ادامنىڭ بويىندا ۇزدىكسىز ىزدەنىس پەن تىنىمسىز ەڭبەك ەتۋ قاسيەتتەرى بولۋى شارت.
ءبىلىم بەرۋ سالاسىندا تاباندى ەڭبەك ەتىپ، جوعارى كورسەتكىشكە جەتكەن بەينەۋ پوليتەحنيكالىق كوللەدجىنىڭ ۇلاعاتتى ۇستازى، ابىرويلى ارىپتەس، جاستارعا ۇلگىلى پاراساتتى پەداگوگ ورىنبايەۆ كوجانتاي ءاسانوۆيچتى “قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى” بەلگىسىمەن ماڭعىستاۋ وبلىسىنىڭ اكىمى نۇرلان اسقار ۇلى نوعايەۆ ماراپاتتادى.
ءوز شاكىرتتەرىنە سۇيىسپەنشىلىكپەن قاراي الماعان مۇعالىمنەن جاقسى مامان شىقپاسى انىق. ال، كوجانتاي ءاسانوۆيچتى الاتىن بولساق، سان مىڭداعان شاكىرتتەر مەن جاس مامانداردى تاربيەلەۋدە. ۇستازدىڭ ءبىلىم سالاسىن جانداندىرۋعا قوسقان ولشەۋسىز ەڭبەگى مەملەكەت تاراپىنان لايىقتى باعالاندى. العان ماقتاۋ، ماراپات، العىس حاتتارىن تىزەتىن بولساق، ءوز الدىنا ءبىر توبە. ءبىراق، ادامنىڭ ادامشىلىعى ماراپات قاعازىمەن عانا ولشەنبەك ەمەس، ادامدى ودان دا بيىك ەتىپ، قوسىمشا كورىك بەرىپ تۇراتىن – ادامي قاسيەتتەرى، يگىلىكتى ىستەرى بولماق.
كوپ جىلدار بويعى ەرەن ەڭبەگىڭىز، كاسىبي شەبەرلىگىڭىز بەن قىزمەتتىك قابىلەتىڭىز كوپكە ۇلگى. وسى ابىرويلى قالپىڭىزدا ءالى تالاي بەلەستى باعىندىرىپ، شاكىرتتەرىڭىزدىڭ سۇيىكتىسىنە اينالىپ جۇرە بەرىڭىز.
بەينەۋ پوليتەحنيكالىق كوللەدجى مكقك
بەكقالييەۆ ەربولات قوجاحمەت ۇلى
ارنايى ءپان وقىتۋشىسى
You Might Also Like
-
«ەڭ ادەمى كيىم – ۇلتىڭنىڭ كيىمى»، - دەگەن ۇلى ادامدار. قازاق حالقىنىڭ ۇلتتىق كيىمدەرىنىڭ ءتۇرى دە، ۇلگىسى دە ەش حالىقتان كەم بولعان جوق. ونىڭ كوركەم ۇلگىلەرى الەمنىڭ ەتنوگرافيالىق ...
-
قازىرگى الەمدە ۋنيۆەرسيتەتتەردىڭ بەينەسى تەز وزگەرۋدە.
