InfoHub Logo

ءار ادامنىڭ كۇندەلىكتى تىرشىلىگىنە ەرەكشە وزگەرىس ەنگىزە قويماعان قوعامنان كەتىپ، جاڭا عاسىر ءوز ومىرىمىزدە جاڭا ءبىر ءداۋىردىڭ باستالعانىن مويىنداتۋدا. كوكجيەگىمىزدە كورىنىپ تۇرعان نۇرلى بولاشاعىمىزعا جەتۋ جولدارىنىڭ جاقسى نىشاندارى بۇگىنگى قوعام تىرشىلىگىنىڭ ءارتۇرلى سالالارىنان كورىنىس تابۋدا. ءبىلىم-توقتاۋسىز، تولاسسىز ءۇردىس. ءححى عاسىر ءبىلىمىن ادامنىڭ قىزىعۋشىلىقتارىنىڭ دامۋى، ونىڭ ءوزىنىڭ دامۋى دەپ ءتۇسىنۋ ءلازىم. ءبۇل-ار ادامنىڭ ءوزىن-وزى جاسامپازدىقپەن قايتا قۇرا الۋى، قوعامدىق تالاپتار تۇرعىسىنان وزىنە سىني باعا بەرە الۋى، اينالانى وزگەرتۋگە قاتىسا الۋى. ءبىلىم ارقىلى ادامنىڭ ينتەللەكتۋالدىق، رۋحاني كۇشى ارتىپ، تۇلعالىلىعى قالىپتاسادى.

قازىرگى ءبىلىم جۇيەسىنىڭ باستى كەمشىلىگى ونىڭ ءبىلىم جيىنتىعىن بەرۋگە باعىتتالعاندىعىندا عانا ەمەس، سول ءبىلىم مازمۇنىنىڭ شاشىراڭقى، قازىرگى وركەنيەتتىڭ وزگەرمەلى سيپاتىنا، عىلىمي جاڭالىقتارعا، تەز جەتىلدىرىپ وندىرىسكە ەنىپ جاتقان جاڭا تەحنولوگيالارعا سايكەس دەر كەزىندە جاڭارىپ، جەتىلىپ، بەيىمدەلىپ وتىرۋعا قابىلەتسىز، كونسەرۆاتيۆتى، ورتالىقتاندىرىلعان، جابىق جانە شەكتەۋلى تۇردە بولۋىندا دەپ ەسەپتەيمىن. ونىڭ ۇستىنە، سوڭعى ون بەس جىلدىڭ كولەمىندە مەكتەپتەردىڭ وقۋ-ماتەريالدىق، كادرلىق بازاسىنىڭ مورالدىق تا، ماتەريالدىق تا جاعىنان بارىنشا ەسكىرىپ، قۇلدىراپ كەتۋى ءبىلىم ساپاسىنا وراسان زور زيانىن تيگىزگەنى بەلگىلى.بۇگىنگى تاڭدا ءبىلىم بەرۋ سالاسىندا ءارتۇرلى سيپاتتاعى جانە باعىتتاعى «يننوۆاسيالار» ەنگىزىلۋدە. ازدى-كوپتى مەملەكەتتىك رەفورمالار جۇرگىزىلىپ، وقىتۋ ادىستەرى مەن تەحنولوگيالارىنا جاڭالىقتار كىرۋدە.

ءبىلىم بەرۋ سالاسىنا ەنگەن جاڭالىقتارعا مىنا وزگەرىستەردى جاتقىزامىز: وقۋ-تاربيە مەكەمەلەرىنىڭ جاڭاشىل باسقارىلۋىن؛
ءبىلىمنىڭ قوعامداعى ورنى، جانە سول جۇيەنى قارجىلاندىرۋ دەڭگەيىن؛ تاربيە جانە ءبىلىم جۇيەسى قۇرىلىمىن؛ ءبىلىم بەرۋ مازمۇنىن، ياعني وقۋ جوسپارلارىنداعى جانە باعدارلامالارىنداعى وزگەرىستەردى؛ مەكتەپتىڭ ىشكى ۇيىمداستىرۋشىلىق ارەكەتتەرىن ايتۋعا بولادى.

كۋباشيەۆا اسەل ەربولات قىزى ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ 3 كۋرس ستۋدەنتى

---