InfoHub Logo

جاھاندىق مەديسينا ءسات سايىن دامىپ، جاعىمدى جاڭالىقتار جاريالانىپ جاتقانىمەن، ادامزات بالاسى اۋىزدىقتاي الماي وتىرعان كەسەل مەن دەرت ءالى دە از ەمەس. اسىرەسە وتانداستارىمىزدى ونكولوگيالىق اۋرۋلار الاڭداتادى.

قاتەرلى ىسىكتەن قۇلانتازا ايىعۋ­دى ارمانداعان ادامنىڭ كۇدىگى كۇشەي­گەنىمەن، ءۇمىتى ۇزىلمەيتىنى بەلگىلى. الايدا اۋرۋ بار بولعان سوڭ، ونىڭ الدىن الۋ ءىسى دە بار ەكەنىن قاپەردەن شىعارماعان ءجون. «اۋىرىپ ەم ىزدەگەنشە، اۋىرماۋدىڭ جولىن ىزدەگەن» دۇرىس-اق. بىلتىر قاراشادا قازاقستان حالقىنا ونكولوگيالىق كومەك كورسەتۋدى ۇيىمداستىرۋ ستاندارتى جاڭار­تىلىپ، سونىڭ شەڭبەرىندە 2022 جىل­دان باستاپ «جاسىل ءدالىز» ەنگىزىلدى. بۇل قادام ادامداردىڭ قاتەرلى ىسىككە دە­گەن كۇدىگى كەزىندە پاسيەنتتەردى تەكسە­رۋ ۋاقىتىن قىسقارتۋعا مۇمكىندىك بەرە­ءدى.

جالپى ونوكولوگ ماماننىڭ ايتۋى بويىنشا ونكولوگيالىق اۋرۋلاردى انىقتاۋدىڭ ەڭ ءتيىمدى جولى-مەديسينالىق سكرينينگ. ازاماتتار دەر كەزىندە دارىگەرلەردىڭ دابىلىنا قۇلاق اسىپ، ۋاقىتىلى تەكسەرىستەن وتەتىن بولسا  اۋرۋدىڭ الدىن العان بولار ەدى. سونداي-اق قاتەرلى ىسىك اۋرۋىمەن كلينيكاعا ەر ادامداردان گورى، ايەل ادامداردىڭ كوبىرەك كەلەتىنى ايتىلدى.

قازاقستاندا قاتەرلى سىرقاتقا قارسى سكرينينگتىك تەكسەرۋلەر 25 جاستان باستالادى.

ق ر ءاربىر ازاماتى مەملەكەتتىك قاراجات ەسەبىنەن تەگىن مەديسينالىق كومەك الۋعا قۇقىلى. كۆوتا تەگىن تەكسەرۋگە، ەمدەۋگە، سونىڭ ىشىندە وپەراسيا جاساۋعا جانە دارى-دارمەك پەن تاماقتانۋعا كەپىلدىك بەرەدى. حالىقتىڭ تىعىزدىعىنا بايلانىستى ءار ايماققا كۆوتالاردىڭ بەلگىلى ءبىر سانى ەسەپتەلەدى. ەڭ الدىمەن، پاسيەنت مەديسينالىق تەكسەرۋدەن ءوتىپ، اۋداندىق ەمحانانىڭ ەمدەۋشى دارىگەرىنەن جولداما الۋى كەرەك. كۆوتا ستاسيونار جاعدايىندا مەملەكەتتىك قاراجات ەسەبىنەن مەديسينالىق كومەك كورسەتۋگە ەسەپتەلگەن. مەديسينالىق كومەك كورسەتۋ – ەمحانالار مەن اۋرۋحانالاردا ەمدەۋ-مەملەكەتتەن تەگىن مەديسينالىق كومەك كولەمىنە كىرەدى. ەگەر ءسىزدىڭ دياگنوزىڭىز تاۋلىك بويى باقىلاۋدى قاجەت ەتپەسە، وندا تۇرعىندار امبۋلاتوريالىق-ەمحانالىق دەڭگەيدە ەمدەلە الادى. ستاسيونارلىق ەمدەۋگە كورسەتىلىمدەر بولعان جاعدايدا ناۋقاسقا جولداما بەرىلەدى. تىركەۋ ءنومىرىن العاننان كەيىن پاسيەنت رەسپۋبليكالىق گوسپيتاليزاسيا بيۋروسىنىڭ ۆەب-سايتىندا ق ر اۋرۋحانالارىندا ەمدەۋگە جاتقىزۋ ءۇشىن بوس ورىنداردى دەربەس باقىلاي الادى.

دۇنيە جۇزىلىك دەنساۋلىق ساقتاۋ ۇيىمدارى ساراپشىلارىنىڭ باعالاۋى بويىنشا دۇرىس تاماقتانۋ، بەلسەندى ءومىر سالتى جانە دە تەمەكى شەگۋدەن باس تارتۋ ارقىلى ونكولوگيالىق اۋرۋلاردىڭ 40%-نىڭ الدىن الۋعا بولادى ەكەن. ەندەشە اۋرۋدىڭ الدىن الۋ، ودان ساقتانۋ ءۇشىن ءوز قولىمىزدان كەلەتىن شارالاردى جاساۋدى ەستەن شىعارمايىق. ايتىلعان اقپاراتتاردى بويىمىزعا ءسىڭىرىپ، ورىنداۋعا تىرىسساق اتى جامان اۋرۋ بىزدەن الىستاي تۇسەرى انىق. دەنساۋلىعىمىزدى ساقتاپ جۇرەيىك!

ەركەناز جالمۇقاشيەۆا ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ 3 كۋرس ستۋدەنتى

---