ءبىلىم مينيسترلىگى جەتىم بالالاردىڭ اقشاسىن باقىلاۋعا كىرىستى
ق ر ءبىلىم جانە عىلىم مينيسترلىگى بالالار ۇيلەرىنىڭ بيۋدجەت جانە قايىرىمدىلىق قاراجاتىن جۇمساۋ شارالارىن قامقورشىلىق كەڭەستەرى ارقىلى باقىلاۋدى قولعا الىپ وتىر. زاڭنامادا ءبىلىم بەرۋ ۇيىمدارىنىڭ جانىنان قامقورشىلىق كەڭەستەرىن قۇرۋ نورماسى قاراستىرىلعان. مينيسترلىك اتالعان نورمانى ىسكە اسىرۋعا كىرىستى.
«بۇگىننەن باستاپ جەتىم بالالارعا ارنالعان ءبىلىم بەرۋ مەكەمەلەرى جانىنداعى قامقورشىلىق كەڭەستەرى ءوز جۇمىسىن باستادى دەۋگە بولادى. كەڭەستەر قۇرامىنا ۇكىمەتتىك ەمەس ۇيىمدار، مەملەكەتتىك ورگاندار، ساياسي پارتيالار، بيزنەس وكىلدەرى، دەمەۋشىلەر مەن مەسەناتتار ەندى»، - دەيدى ءبىلىم جانە عىلىم ۆيسە-مينيسترى بيبىگۇل اسىلوۆا.
قامقورشىلىق كەڭەستەرىن قۇرۋدىڭ نەگىزگى ماقساتى - باقىلاۋ شارالارىن كۇشەيتۋ، سونداي-اق جەتىم بالالار تاربيەلەنىپ جۇرگەن مەكەمەلەردىڭ اشىقتىعىن قامتاماسىز ەتۋ. سونداي-اق كەڭەس مۇشەلەرى سان الۋان زاڭ بۇزۋشىلىقتاردى انىقتاپ، جەتىم بالالاردىڭ جاعدايىن جاقسارتۋ جولىندا ءتيىستى شارالاردى اتقارۋى ءتيىس. وسى ورايدا ءمينيستردىڭ بالالار قۇقىقتارىن قورعاۋ بويىنشا كەڭەسشىسى ءباليا اكىمبەكوۆا قامقورشىلىق كەڭەس مۇشەلەرىنىڭ 40 پايىزىن ۇكىمەتتىك ەمەس ۇيىمدار كۇراۋى قاجەت دەپ سانايدى. كەڭەستىڭ ءتوراعاسى دا ۇكىمەتتىك ەمەس ۇيىمنىڭ وكىلى بولعان ءجون.
قازىرگى كەزدە ءبىلىم جانە عىلىم مينيسترلىگى قامقورشىلىق كەڭەستەرىن قۇرۋ بويىنشا ءتيىستى ەرەجەلەردى ازىرلەپ قويدى. جاقىن ارادا اتالعان ەرەجەلەردى بەكىتۋ جوسپارلانىپ وتىر. جالپى، زاڭنامادا ءبىلىم بەرۋ مەكەمەلەرى جانىنان قامقورشىلىق كەڭەستەرىن قۇرۋ نورماسى بار.
ايتا كەتەيىك، بۇگىندە رەسپۋبليكا بويىنشا 28 419 جەتىم بالا بار. ولاردىڭ ىشىندە 21 183 بالا قامقورشىلىق پەن پاتروناتتىق تاربيەگە الىنسا، 7 236 ينتەرناتتا ءبىلىم الىپ ءجۇر.
You Might Also Like
-
ق ر ءبىلىم جانە عىلىم ءمينيسترى ەرلان ساعادييەۆ مۇعالىمدەردىڭ جالاقىسىن كوتەرۋدى قولعا الماق.
-
كەز كەلگەن ازامات ءۇشىن "بەيبىتشىلىك" ءسوزىنىڭ قۇنى جوعارى. سوندىقتان دا ءبىز تىنىش تا، ەركىن زاماندا ءومىر سۇرگەندى قالايمىز. بەيبىتشىلىك دەگەن – ادامزاتتىڭ ءوز ەلىندە ەركىن ءومىر س...
