مەكتەپ ديرەكتورىن تاعايىنداۋعا اكىم ارالاسپاۋى ءتيىس - كومەكبايەۆ
ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وڭتۇستىك قازاقستان وبلىستىق دەپارتامەنتى اۋدانداردىڭ بىرىندە مەكتەپ ديرەكتورىنىڭ قىزمەتىنە ساي ەمەس ەكەنىن انىقتادى.
"مەن ءدال ءقازىر قاي اۋدان جانە قاي مەكتەپ ەكەنىن ايتپاي-اق قويايىن. بۇگىندە ءتيىستى ماتەريالدار ەتيكا جونىندەگى كوميسسيانىڭ قاراۋىنا جىبەرىلدى. سونىڭ شەشىمى شىققاننان كەيىن ءبىز بارلىق اقپاراتتى جاريالايمىز. دەگەنمەن، مەكتەپ ديرەكتورى قىزمەتىنە ساي ءتيىستى بىلىكتىلىك تالاپتارى بار. ءبىز قۇزىرەتتى مەملەكەتتىك ورگاندارعا xات جولداپ، ول ادامنىڭ بىلىكتىلىك تالاپتارىنا ساي ەمەس ەكەنىن انىقتادىق"، - دەدى دەپارتامەنت باسشىسى ءالي كومەكبايەۆ بۇگىن استانادا وتكەن باسپا ءسوز ءماسليxاتىندا.
ونىڭ ايتۋىنشا، قازىرگى كەزدە اۋدان دەڭگەيىندە مەكتەپ ديرەكتورلارى ءبىلىم بەرۋ باسقارمالارى ارقىلى تاعايىندالادى. ال ول جۇمىسقا جەرگىلىكتى اكىمدەر ىقپال ەتۋى ابدەن مۇمكىن. "مىسالى، جەرگىلىكتى جەردە مەكتەپ ديرەكتورىن اۋداندىق ءبىلىم بەرۋ باسقارماسى تاعايىندايدى. ال ونىڭ ۇستىندە وتىرعان اكىم دە ءوز ءسوزىن ايتادى عوي. رەسمي تۇردە ونداي قۇقىعى بولماسا دا، "مىنا ادامدى جۇمىسقا الشى" دەي سالادى. امال جوق، سول ادامدى قويادى. اكىمنىڭ ءوزى ءبىلىم سالاسىنىڭ ساراپشىسى بولماسا دا، ءوز ىقپالىن جاساپ وتىرادى. سونىمەن، بىلىكتىلىك تالاپتارىنا ساي كەلمەيتىن مەكتەپ ديرەكتورى ورىن تاۋىپ وتىر. ءبىز ونى انىقتادىق. الداعى ەكى اپتادا وسى ماسەلەنى ادەپ كەڭەسىندە قاراستىرامىز. اكىمگە دە، ءبىلىم بەرۋ باسقارماسىنا دا ءتيىستى شارالاردى قولدانامىز. ءبىراق بۇنىمەن شەكتەلۋگە بولمايدى"، - دەپ اتاپ كورسەتتى كومەكبايەۆ.
دەپارتامەت باسشىلىعى اتالعان مىسالدىڭ نەگىزىندە وبلىس اكىمىنە ءتيىستى ۇسىنىستاردى ەنگىزۋدى كوزدەيدى. سەبەبى ايماق بويىنشا 1025 مەكتەپ بار. "بىزدىڭشە، جەرگىلىكتى اكىم كوميسسيانىڭ شەشىمىنە ىقپال جاساماس ءۇشىن مەكتەپ ديرەكتورىن تاعايىندايتىن كوميسسيا وبلىستا ءوتۋى كەرەك. ول كوميسسيانىڭ ىشىندە وبلىستىق اپپارات مۇشەسى بولسىن، وبلىستىق ءبىلىم باسقارماسىنىڭ وكىلى بولسىن. بالكىم، قوعام وكىلدەرى كىرەدى. نەگىزگى ماقسات - مەكتەپ ديرەكتورىن تاعايىنداۋدى اشىق جۇرگىزۋ. تۇبىندە قانداي جۇيە ەنگىزىلسە دە، جاڭاعىداي جاعدايلارعا جول بەرىلمەۋى ءتيىس"، - دەيدى دەپارتامەنت باسشىسى.
You Might Also Like
-
وڭتۇستىك قازاقستان وبىلىسى شاردارا اۋدانى № 16 كوللەدج ستۋدەنتى بايجىگىت قۇندىز ەرتۋعان قىزى تاقىرىبى: ءۇش تۇعىرلى ءتىل ۋاقىت تالابى
-
ءمۇعالىمنىڭ جاۋاپتى مىندەتى – ول ادامدى قالىپتاستىرۋ. بۇگىنگى تاڭداعى وسكەلەڭ ۇرپاقتى تاربيەلەپ، ءوسىرۋ – مۇعالىمدىك قىزمەتكە ارتىلعان ۇلكەن مىندەت. مۇعالىمدىك قىزىعى مەن قيىندىعى قاتار ج...
