ءبىلىم قۋساڭ، دۇنيە ىزىڭنەن كەلەدى!
قازاقستان بويىنشا جۇمىسسىز جۇرگەن جاستار سانى 100 مىڭعا جۋىقتايدى."ەكى قولعا ءبىر كۇرەك "،- دەگەن حالىقتىڭ جاستارى نە سەبەبتى ءالى كۇنگە دەيىن كۇرەكتىڭ سابىن دا تاپپاي ءجۇر؟ اباي اتامىزدىڭ "ادام بول، مال تاپ"- دەپ ايتقانى بار عوي،دەمەك مال تابۋ ءۇشىن، ءار جان ىنتا-ىقلاسىن،سەنىمىن ارتتىراتىن بولسا،سوندا عانا ماقساتقا جەتپەك . جاستارىمىز ءوز ماماندىعىن سۇيە بىلسە،ءبىزدىڭ كەيىپكەر سەكىلدى ايىنا ميليونعا جۋىق قارجى تابارىنا كۇمان جوق.
كەيىپكەرىمىز ماتەماتيكا ءپانىنىڭ ءمۇعالىمى: ورىنباسار باحىت ۇلى. ول كىسى تۇركىستان وبلىسى،ماقتارال اۋدانىندا تۋعان، ءقازىر دە سول اۋداندا مۇعالىمدىك قىزمەت اتقارادى. ورىنباسار اعايدىڭ ايتۋىنشا ماتەماتيكا سالاسىن ءوزى قالاپ تاڭداعانى جوق ەكەن، اتا-اناسىنىڭ قالاۋىمەن ۇستاز بولۋ بۇيىرتىپتى. بۇل ارادا بالانىڭ، انا مەن اكە جولىن اتتامايتىندىعى جانە انانىڭ بالا بولاشاعىنا قاتتى الاڭدايتىندىعىن اڭعارامىز. مەكتەپتى ءتامامداعانان كەيىن "ارقالىق مەملەكەتتىك پەداگوكيكالىق ينستيتۋتىن" بىتىرگەن. قازىردە ءۇش جىلدان بەرى ءوز تۋعان قالاسىندا جۇمىس جاسايدى. " جاس كەلسە ىسكە" دەگەندەي، ءوزىنىڭ "ورىنباسار وقۋ ورتالىعى" -دەپ اتالاتىن ءبىلىم بەرۋ ورتالىعىن اشقان. سونىمەن قوسا عالامتور جەلىسىندە وقۋشىلاردى ماتەماتيكالىق ساۋاتتىلىق پانىنەن ونلاين تۇردە ءدارىس وتكىزەدى. العاشىندا جاستاردىڭ ءبىلىمىن جەتىلدىرۋ ماقساتىندا تەگىن ساباقتار وتسە، كەيىنەن ءدارىستىڭ ساپالى ءارى جاۋاپكەرشىلىكپەن ءوتۋ ءۇشىن بار جوعى مىڭ تەڭگەگە ءبىر اي كۋرس جۇرگىزەدى . وسى كەزگە دەيىن 18 لەگكە ساباق ءوتىپ، 4 مىڭنان اسا وقۋشى دايىنداعان وقىتۋشى .ەگەر كۋرس ناتيجە بەرمەسە تولەمىن دە قايتارىپ بەرۋگە ءازىر، ءبىراق 4 مىڭ وقۋشىدان ءالى ساباق ۇنامادى دەگەن وقۋشى كەمدە-كەم، ءتىپتى جوق دەسەدە بولادى. وسىنداي ماماندىققا دەگەن ماحابات 700 مىن تەڭگە تابىس اكەلۋدە.
ءبىلىم قۋۋ ارقىلى باقىتقا قول جەتكىزۋدىڭ باعىتىن ورىنباسار اعاي جاقسى ۇلگى رەتىندە كورسەتە ءبىلدى. ماماندىقتى ءوزى تاڭداماسا دا بار ىنتاسىن سالىپ، سول سالانىڭ شىڭىنا شىعۋعا ۇمتىلۋدا.كەشە ماعجان ايتقان جاستار وسىنداي بولۋ كەرەك دەپ ويلايمىن.قازاقتىڭ ءار بالاسى وسىلاي ەڭبەك ەتسە، الاشتىڭ ءال-اۋقاتى شىڭعا ورلەر ەدى.
اعايدىڭ جاستارعا ايتارى: "ۇنەمى دامۋ ۇستىندە بولۋ قاجەت".
You Might Also Like
-
كوكتەم گۇلدىڭ باعىن اشادى، كوسەم ەلدىڭ باعىن اشادى.
-
"ءومىردىڭ ءمانى تۋرالى ويلانبايتىن ادام بار ما؟" دەگەن سۇراققا كىم بولسا دا: "جوق، ءوز ءومىرىنىڭ ءمانى تۋرالى ويلانبايتىن، تولعانبايتىن، ماعىنالى ءومىر سۇرۋگە ارەكەت ەتۋگە تىرىسپايتىن ادام...
