InfoHub Logo

ءبىلىم ساپاسىن اقپاراتتىق – كوممۋنيكاسيالىق تەحنولوگيالار ارقىلى ارتتىرۋ.

ءححى عاسىر – جاڭا تەحنولوگيا مەن اقپاراتتاندىرۋ عاسىرى. تاۋەلسىز قازاقستان دا سول عاسىرعا نىق قادام باستى. ەل ءومىرىنىڭ بارلىق سالاسى كومپيۋتەرلەندىرە باستادى. ەندىگى كەزەكتە ەلىمىزدىڭ ەرتەڭى بولار بۇگىنگى جاس ۇرپاق كومپيۋتەردىڭ قىر - سىرىن تەرەڭ مەڭگەرۋى ءتيىس.

قازىرگى كەزدە اقپاراتتىق - كوممۋنيكاسيالىق تەحنولوگيانى دامىتۋ ءبىلىم بەرۋ ساياساتىنىڭ اجىراماس بولىگى بولىپ تابىلادى. ءبىز «اقپاراتتىق جارىلىس» داۋىرىندە ءومىر ءسۇرىپ وتىرمىز. عىلىمي ءبىلىم مەن اقپارات كوزدەرىنىڭ مولشەرى تەز وسۋدە. اقپاراتتاندىرۋ – جەكە جانە زاڭدى تۇلعالاردىڭ اقپاراتقا دەگەن تالاپتارىن قاناعاتتاندىرۋ ماقساتىندا اقپاراتتىق جانە كوممۋنيكاسيالىق تەحنولوگيالاردى پايدالانۋ نەگىزىندە اقپاراتتىق قورلار مەن جۇيەلەردى قالىپتاستىرۋعا جانە دامىتۋعا باعىتتالعان ۇيىمداستىرۋشىلىق، الەۋمەتتىك - ەكونوميكالىق جانە عىلىمي - تەحنيكالىق پروسەسس. اقپاراتتىق جانە كوممۋنيكاسيالىق تەحنولوگيالىق ماسەلەلەرىن تابىستى تۇردە شەشۋ ىستەرىنىڭ:

1) اقپاراتتاندىرۋ سالاسىنداعى عىلىمي - ءادىسنامالىق، زاڭ شىعارۋ جانە ءنورماتيۆتى - قۇقىقتىق نەگىزدەر ساپاسىنا:
2) ەسەپتەۋ تەحنيكاسى، اقپاراتتىق جانە كوممۋنيكاسيالىق تەحنولوگيالار ايماعىندا اتقارىلىپ، جاتقان ىرگەلى، ءارى قولدانبالى زەرتتەۋلەر مەن عىلىمي - تەحنيكالىق ازىرلەمەلەر دەڭگەيىنە بايلانىستى ەكەنى بەلگىلى بولۋدا. اقپاراتتىق – كوممۋنيكاسيالىق تەحنولوگيالار سالاسىنداعى الدىڭعى قاتارلى جەتىستىكتەردى پايدالانىپ، ءبىلىمنىڭ جاڭا دەڭگەيى مەن ساپاسىنا قول جەتكىزۋگە ۇمتىلاتىن پەداگوگتىق جانە عىلىمي قاۋىمداستىقتىڭ ءتۇرلى ەلدەر ىسكەرلىك ورتاسى وكىلدەرىنىڭ باسىن قوساتىن ءۇشىنشى حالىقارالىق قازاقتان مەن تمد ەلدەرىنىڭ ءبىلىمدى اقپاراتتاندىرۋ فورۋمى ءوتتى. «قاشىقتان وقىتۋ - ۇزدىكسىز ءبىلىم فورماسى: تاجىريبە جانە دامۋ بولاشاعى» وقىتۋعا ارنالعان باعدارلامالىق قۇرالدار جاساۋ ءادىسنامالىق اتتى عىلىمي سەكسيالار جۇمىس جاساپ، تۇڭعىش رەت ءبىلىم بەرۋدىڭ بارلىق دەڭگەيلەرىنە ارنالعان ەكى جۇزدەن اسا ەلەكتروندىق باسىلىمدار ۇسىنىلدى.

قازاقستان رەسپۋبليكاسىندا قابىلدانعان ءبىلىم اقپاراتتاندىرۋدىڭ مەملەكەتتىك باعدارلامالارى ەلىمىزدىڭ ءبىرتۇتاس دۇنيەجۇزىلىك ءبىلىم كەڭىستىگىنە ەنۋ مۇمكىندىكتەرىمەن بايلانىستى ءبىلىم بەرۋ ساپاسىن اقپاراتتىق تۇرعىدان قامتاماسىز ەتۋدىڭ جاڭا ساتىلىق جۇيەسىن جاساۋعا باعىتتالعان. باعدارلامانىڭ جۇزەگە اسۋى ءبىلىم مەكەمەلەرىن كومپيۋتەرلەندىرۋگە عانا ەمەس، ءبىلىم بەرۋدى اقپاراتتاندىرۋدى قامتاماسىز ەتۋ ادىستەمەسىنە، عىلىم مەن تاجىريبەنىڭ ءوزارا تاربيەلەنۋى بايلانىسۋىنا دا تاۋەلدى. قازىرگى كەزدەگى كومپيۋتەرلىك تەحنولوگيانىڭ دامۋ دەڭگەيى جاڭا ءداۋىردىڭ مۋلتيمەديالىق، تەلەكوممۋنيكاسيالىق مۇمكىندىكتەرى مەن ارتىقشىلىقتارىن كورسەتەتىن تولىققاندى ساپالى، ناقتى العى شارتتار بولىپ تابىلادى. بۇنداي مۇمكىندىكتەردى جۇزەگە اسىرۋ ءۇشىن ءبىلىم سالاسىندا دا، سونداي - اق قازىرگى كەزدەگى اقپاراتتىق - كوممۋنيكاسيالىق تەحنولوگيانى دامىتۋ سالاسىندا مامانداردى بىرىكتىرۋگە كۇش سالۋدا. بۇگىنگى تاڭدا مەكتەپ پاندەرىن كومپيۋتەر كومەگىمەن وقىتۋ ناتيجەلىلىگىن زەرتتەۋدەگى عىلىمي پروبلەمالاردى شەشۋ ەڭ باستى ورىن الدى. زەرتتەۋ ناتيجەلەرى كورسەتىپ وتىرعانداي، مەكتەپ پاندەرىن وقىتۋ پروسەسىندە كومپيۋتەردى قولدانۋ ءمۇعالىم مەن وقۋشى قارىم - قاتىناسى جۇيەسىن، ولاردىڭ ءىس - ارەكەتتەرىنىڭ مازمۇنىنا، قۇرىلىمىنا وزگەرىس اكەلەدى، تۇرلەندىرەدى. دەمەك، وقىتۋ پروسەسىندە كومپيۋتەردى قولدانۋ ءبىلىم مەن بىلىكتىلىككە قوياتىن تالاپتاردى قايتا قاراپ، جەتىلدىرىپ جۇيەلەۋدى تالاپ ەتەدى. قازىرگى زامانعى اقپاراتتىق تەحنولوگيالار ءاربىر وقۋشىنىڭ ءبىلىم بەرۋ ۇردىسىنە شىعارماشىلىق قابىلەتىن دامىتۋعا ايقىن مۇمكىندىكتەر بەرەدى. سونداي - اق وقۋشىنىڭ تانىمدىق ءىس - ارەكەتتەرى كۇشەيىپ، وزىندىك جۇمىستاردى تەز ورىنداۋ مۇمكىندىكتەرى ارتادى. وسىلايشا وقىتۋ قۇرالدارىنىڭ ءبىرى – ەلەكتروندىق وقۋلىق. ول وقۋشىلاردى دارالاي وقىتۋدا جاڭا ينفورماسيالاردى جەتكىزۋگە، سونداي - اق يگەرىلگەن ءبىلىم مەن بىلىكتەردى تەستتىك باقىلاۋعا ارنالعان پروگراممالىق قۇرال.

ءبىلىم بەرۋ جۇيەسىندە ەلەكتروندى وقۋلىقتاردى پايدالانىپ، ۇلكەن تابىستارعا جەتۋگە بولادى. ەلەكتروندى وقۋلىقتاردى پايدالانۋ بارىسىندا وقۋشى ەكى جاقتى ءبىلىم الادى: ءبىرىنشىسى - پاندىك ءبىلىم، ەكىنشىسى - كومپيۋتەرلىك ءبىلىم. ەلەكتروندى وقۋلىقتاردى پايدالانۋ وقۋشىنىڭ ءوز بەتىنشە شىعارماشىلىق جۇمىس جاساۋىنا، تەوريالىق ءبىلىمىن پراكتيكامەن ۇشتاستىرۋىنا مۇمكىندىك بەرەدى. ەلەكتروندى وقۋلىققا وقۋ تەحنولوگيالارى جيناقتالعان. مىسالى: ويىن ارقىلى وقىتۋ، بلوكتى وقىتۋ، تىرەك - سيگنالدار ارقىلى وقىتۋ، ت. س. س. ەلەكتروندى وقۋلىق ارقىلى وقۋشى كوپتەگەن قوسىمشا ماتەريال الا الادى، وسى العان مالىمەتتەرىن كومپيۋتەردەن كورگەندىكتەن ەسىندە جاقسى ساقتايدى، ءوز بەتىنشە جۇمىس جاساۋ قابىلەتى قالىپتاسادى. وسىلايشا جاس ۇرپاقتى وقىتۋدا يننوۆاسيانى پايدالانۋدىڭ – شىعارماشىلىق جەتىستىكتىڭ نەگىزگى كوزى.

ءبىلىم ساپاسىن اقپاراتتىق – كوممۋنيكاسيالىق تەحنولوگيالار ارقىلى ارتتىرۋ. جۇكتەۋ