InfoHub Logo

"جامبىل وبلىسى تۇرار رىسقۇلوۆ اۋدانى اكىمدىگىنىڭ ىشكى ساياسات ءبولىمى" كوممۋنالدىق  مەملەكەتتىك مەكەمەسى مەن «جامبىل وبلىسى «قازاقستان ستۋدەنتتەرىنىڭ اليانسى» جاستار قوعامدىق بىرلەستىگىنىڭ ۇيىمداستىرۋىمەن «قوعامدا سىبايلاس جەمقورلىققا قارسى مادەنيەتتى قالىپتاستىرۋ («ت.رىسقۇلوۆ – ادالدىق الاڭى» جوباسىن قولداۋ» الەۋمەتتىك جوباسىنىڭ اياسىندا تۇرار رىسقۇلوۆ اۋدانىندا "ءبىر پارا – ەكى قىلمىسكەر" اتتى ءتۇسىندىرۋ كەزدەسۋلەرى وتكىزىلدى. 

شارا بارىسىندا قاتىسۋشىلارعا جالپى سىبايلاس جەمقورلىق تۋرالى جانە ونىڭ كەلتىرەر زاردابى تۋرالى تولىق اقپاراتتار ايتىلدى. كەزدەسۋگە «جامبىل وبلىسى «قازاقستان ستۋدەنتتەرىنىڭ اليانسى» جقب ءتوراعاسى – مۋراتبايەۆ كانىبەك جارىلقاسىن ۇلى جانە «تۇرار رىسقۇلوۆ – ادالدىق الاڭى» جوبالىق ءوفيسىنىڭ جەتەكشىسى قۋانىشباي ماۋلەن ەسەنگالي ۇلى قاتىستى. سىبايلاس جەمقورلىقپەن كۇرەسۋ ءۇشىن حالىقتىڭ قۇقىقتىق ساۋاتسىزدىعىن جوياتىن، قۇقىقتى ءتۇسىندىرۋ جۇمىسىنىڭ دەڭگەيى مەن ساپاسىن ارتتىرۋ كەرەكتىگىنىڭ ماڭىزى زور. تۇرعىندار نەمەسە قىزمەتكەرلەر وزدەرىنىڭ قۇقىقتارىن، وزدەرىنە قارسى قانداي دا ءبىر قۇقىققا قايشى ىس-ارەكەت جاسالعان جاعدايدا قانداي ءىس-قيمىل قولدانۋ كەرەكتىگىنىڭ ناقتى جولدارىن تولىق بىلۋلەرى قاجەت ەكەندىگى جايلى، كونستيتۋسيالىق ءتارتىپتى قورعاۋ، سىبايلاس جەمقورلىقپەن كۇرەس اياسىندا ءتيىمدى، ءبىرىڭعاي جالپى مەملەكەتتىك ساياسات جۇرگىزۋ، مەملەكەت پەن ازاماتتاردىڭ ءومىر ءسۇرۋىنىڭ بارلىق سالالارىندا سىبايلاس جەمقورلىق پەن ونىڭ كورىنىستەرى دەڭگەيىن تومەندەتۋ، قوعامنىڭ مەملەكەتكە جانە ونىڭ ينستيتۋتتارىنا سەنىمىن نىعايتۋ بۇگىنگى كۇندەگى باستى ماقسات بولىپ تابىلاتىندىعى اتاپ ءوتىلدى.

شاراعا اۋىلدىق اكىمشىلىك قىزمەتكەرلەرى، ماماندار، كىتاپحانا قىزمەتكەرلەرى، مەكتەپ مۇعالىمدەرى مەن جاس ماماندار قاتىستى.

---