ءبىر تەپسە ۇشان تەبەدى
ۇشان دەگەن قورقاقتاۋ، جىندىباس بىرەۋ بورسىق اۋلاعان بىرەۋلەرگە ىلەسىپتى. ولار تاۋ جاعالاپ كەلە جاتىپ قاقپانعا ءتۇسىپ جانتالاسىپ جاتقان بورسىققا كەزىگىپتى. بورسىقتى ۇراتىن ەشتەڭەنىڭ ىڭعايى بولماي، تەپكىلەپ ولتىرۋگە تۋرا كەلىپتى.
اڭشىلاردىڭ ەشقايسىسى بورسىقتىڭ ولەر جەرىنە تەبە الماپتى. وسى كەزدە قۋلاۋ بىرەۋى:
— ەي، توقتاڭدار، وسى بورسىقتىڭ قارا تۇمسىعىنا ءبىر تەپسە ۇشان تەبەدى، — دەپ ۇشاندى جەلىكتىرىپتى. بۇعان ەلەۋرەپ كەتكەن ۇشان وگىزدەن قارعىپ ءتۇسىپ:
— تەپپەگەندە نەمەنە، وڭكەي ىنجىق نەمەلەر، — دەپ الاقانىنا تۇكىرىپ-تۇكىرىپ جىبەرىپ بورسىققا تۇرا ۇمتىلىپتى. ول بورسىقتى تەبە بەرگەندە، اياعى تايىپ كەتىپ شالقاسىنان تۇسكەن ەكەن، اشۋ قىسىپ جاتقان بورسىق ۇشاننىڭ وڭ جاق باشپايىن شايناپ جىبەرىپتى. «ءبىر تەپسە ۇشان تەبەدى» دەگەن ءتامسىل وسىدان قالىپتى.
You Might Also Like
-
حات تانىمايتىن بوسپە بىرەۋ ءوزىن وقىمىستى كورسەتۋ ءۇشىن جۇكتىڭ ۇستىندە تۇرعان گازەتتى الا سالىپ، اۋدارىپ-توڭكەرىپ قاراپتى دا:
-
«مادەنيەت زور توڭكەرىسىنىڭ» العاشقى كەزى بولسا كەرەك. ءبىر كۇنى مومىن بىرەۋ شاي-شالاڭ اكەلمەك بولىپ بازارعا بارىپتى. كوشەنىڭ نە بولىپ جاتقانىمەن حابارى جوق ول كوشە شەتىنە ىلىنە بەرگەندە،...
