پالە بولىپ جۇرمەسىن...
«مادەنيەت زور توڭكەرىسى» كەزى ەكەن. ءبىر جىگىت راديو قابىلداعىش ساتىپ الىپتى. ءبىر كۇنى ول قوي جايىپ كەتكەندە، شەشەسى راديونى شۇقىلاپ وتىرىپ ءبىر جەرىن بۇرىپ قالسا ءبىر ورىس سارناپ شىعا كەلىپتى. كۇرەس قاتتى جورىلىپ تۇرعان كەزدە ۇيىنەن ورىستىڭ داۋسىن ەستىگەن كەمپىر قايتەرىن بىلمەي، بىرەۋ-مىرەۋ كەلىپ قالىپ پالە بولىپ جۇرمەسىن دەپ قورقىپ سىرتقا شىقسا، سول ۇيگە قاراي ەكى اتتى ادام كەلە جاتىپتى. ولاردى كورگەن كەمپىر زارەسى قالماي قايتا ۇيگە جۇگىرىپ كىرىپ جۇكتەن ءبىر كورپەنى الىپ راديونى جابا قويىپتى. ورىس سوندا دا سويلەگەنىن قويماپتى. يت ءۇرىپ كەلە جاتقاندار تاياپ قالىپتى. ەس-اقىلدان ايرىلعان كەمپىر ولار كىرگەنشە ءۇش كورپە جاۋىپ ۇلگەرگەن ەكەن. كەلگەندەر امان-سالەمنەن كەيىن كورپە استىنان كۇبىرلەپ شىققان داۋىستى ەستىپ:
— بۇل نەمەنە داۋىس، شەشە؟ — دەگەندە، كەلگەندەردەن گورى راديوعا كوبىرەك قاراپ ۇدىرەيىپ وتىرعان كەمپىر:
— بىلمەيمىن، قاراقتارىم، باعانادان وسى ۇيگە ءبىر ورىس كىرىپ الىپ شىقپاي-اق قويعانى، — دەپ كورپەنى اشىپتى.
You Might Also Like
-
ءبىر جىگىتتىڭ ءوزىن ۇناتپايتىن بىرەۋدىڭ قىزىنا كوڭىلى ءتۇسىپ قالادى. قىزعا ءبىر تىلدەسبەك بوپ ءبىر كۇنى اقشام ۇيىرىلە قىزدىڭ ءۇيىنىڭ ارتىنا كەلەدى. مال بايلاپ جۇرگەن ءۇي يەسى ونى ۇرى ەكەن دەپ تاپ بەرەدى. ...
-
ءبىر كەمپىر شاۋگىم اسىپ، شايعا تۇز سالىپتى دا قوناعىن وتىرعىزىپ قويىپ، اسىعىپ مال ساۋعالى جونەلىپتى. ءبىرازدان سوڭ دالادان كەلىنى كەلىپ ول دا تۇز سالىپ كەتىپتى. ءبىر ۋاقىتتا دالادان كەمپىردىڭ بويجەتكە...
