InfoHub Logo

«حالىقتىڭ كەمەلىنە كەلىپ وركەندەپ ءوسۋى ءۇشىن ەڭ الدىمەن ازاتتىق پەن ءبىلىم قاجەت» دەگەن ەكەن قازاقتىڭ ماڭدايىنا بىتكەن جارىق جۇلدىز شوقان شىڭعىس ۇلى ءۋاليحانوۆ. ەل تاۋەلسىزدىك العالى مەملەكەتىمىزدە دارىندى جاستارعا ۇلكەن مۇمكىندىكتەر جولى اشىلدى. كوپتەگەن جوعارى وقۋ ورىندارى ءبىلىمدى جاستاردان بىلىكتى ماماندار دايارلاپ، ەل مۇددەسى ءۇشىن قىزمەت ەتۋدە. سونىڭ ءبىرى جانە بىرەگەيى ەلىمىزدەگى ەڭ ۇزدىك ۋنيۆەرسيتەتتەر قاتارىنان كورىنىپ كەلە جاتقان ءال-فارابي اتىنداعى قازاق ۇلتتىق ۋنيۆەرسيتەتى.

1934 جىلى ىرگەتاسى قالانعان ءبىلىم ورداسىندا 16 فاكۋلتەت، 98 كافەدرا، 20 عىلىمي- زەرتتەۋ ينستيتۋتتارى جۇيەلى تۇردە قىزمەت اتقارۋدا. ەلىمىزدە زاڭگەرلەر دايىنداۋدا كوش باستاپ تۇرعان زاڭ فاكۋلتەتىنىڭ ازاماتتىق قۇقىق، ازاماتتىق ءىس جۇرگىزۋ جانە ەڭبەك قۇقىعى كافەدراسى دا اتالمىش تىزىمدە كوش باستاپ كەلەدى. ازاماتتىق قۇقىق، ەڭبەك قۇقىعى جانە ازاماتتىق ءىس جۇرگىزۋ دەپ اتالعان قوس كافەدرانى بىرىكتىرۋ نەگىزىندە قۇرىلعان اتالمىش كافەدرادا اتتارى ايگىلى بولعان م.ا. ۆاكسبەرگ، گ.ۆ.ستەپانەنكو، ا.ي.بەسپالوۆا، يۋ.گ.باسين، م.ك.سۋلەيمەنوۆ، ب.ب.بازاربايەۆ، ا.گ.ديدەنكو سىندى تۇلعالار شاكىرت تاربيەلەدى.  ال قازىرگى تاڭدا 31 ادام، ياعني التى پروفەسسور، عىلىم دوكتورلارى، 12 عىلىم كانديداتتارى ستۋدەنتتەردى ءبىلىم نارىمەن سۋسىداتىپ كەلەدى.

ۇزدىك فاكۋلتەتتىڭ ازاماتتىق قۇقىق، ازاماتتىق ءىس جۇرگىزۋ جانە ەڭبەك قۇقىعى كافەدراسى بەلسەندى جاستارعا ارناپ الەۋمەتتىك-تاربيەلىك ماڭىزى بار ءىس-شارالاردى دا ءجيى وتكىزەدى. اتاپ ايتار بولساق، «اينالاڭدى نۇرلاندىر» جوبا شەگىندە «نۇرلى جول» پرەزيدەنت جولداۋىنىڭ اياسىندا №18 جاتاقحانادا وتكەن «الەۋمەتتىك قۇقىقتىق ساياسات» اشىق ءدارىسى، قازۇۋ ستۋدەنتى وقۋعا ءتيىس 100 كىتاپ جوباسى اياسىندا وتكىزىلگەن «مۇزبالاق اقىن مۇقاعاليدىڭ تاڭداۋلى شىعارمالارى» شاراسى،  ن.گوگولدىڭ «مەرتۆىە دۋشي» ەڭبەگىن  تالداۋ بويىنشا، سونىمەن «اباي شىعارماشىلىعى جانە زاماناۋي جاستار» اتتى تاقىرىپتارمەن  وتكەن ءىس-شارالار جاستاردىڭ رۋحاني كەمەلدەنۋىنە ۇلكەن سەپتىگىن تيگىزدى دەسەك ارتىق ايتقانىمىز بولماس. ياعني ۇجىمداعى ۇستازدار قاۋىمى تەك بىلىكتى عانا ەمەس، جان-جاقتى تانىمى كەڭ مامان دايىنداۋ جولىندا قىزمەت اتقارىپ كەلەدى.

«ادامنىڭ ادامشىلدىعى جاقسى ۇستازدان» دەيدى دانا اباي. «ۇستاز تالانتتى بولسا، شاكىرت تالاپتى بولادى» دەپ دانا حالقىمىز دا بەكەر ايتپاسا كەرەك. بۇل تۇرعىدا كافەدرا وقىتۋشىلارىنىڭ جەتكەن جەتىستىكتەرى ولاردىڭ ءبىلىم كورسەتكىشتەرىن انىقتايتىن قۇرال دەۋگە بولادى. اتاپ ايتار بولساق كافەدرا قىزمەتكەرى ابيكەنوۆ ا.ا «قۇرمەت» ، الداشيەۆ.س «چەرنوبىل قاھارمانى» وردەندەرىمەن ماراپاتتالسا، تىنىبەكوۆا. س ادۆوكاتۋرا سالاسىنىڭ دامۋىنا قوسقان ۇلەسى ءۇشىن دە ارنايى ماراپاتقا يە بولدى. ال دجانبايەۆ م.ا «مەدياسيانىڭ جالپى كۋرسى»، «مەدياتور-ترەنەر دايارلاۋ كۋرسى» سىندى سەرتيفيكاتتارعا ءبىلىم بەرۋ كۋرستارى نەگىزىندە قول جەتكىزدى.

ازاماتتىق قۇقىق جانە ازاماتتىق ءىس جۇرگىزۋ ەڭبەك قۇقىعى كافەدراسىنىڭ باستى ميسسياسى – زاماناۋي جوعارى ءبىلىمدى مەملەكەتتىك ماڭىزى بار ىستەردى شەشۋگە قاۋقارلى ەلىمىزدىڭ ۇزدىكسىز دامۋىنا سەپتىگىن تيگىزەتىن مامان دايارلاۋ بولىپ تابىلادى.

گ. ا. حۋدايبەردينا

ءال-فارابي اتىنداعى قازۇۋ زاڭ فاكۋلتەتى

ازاماتتىق قۇقىق جانە ازاماتتىق ءىس جۇرگىزۋ،

ەڭبەك قۇقىعى كافەدراسىنىڭ اعا وقىتۋشىسى 

---