InfoHub Logo

ساباقتىڭ تاقىرىبى: ءبىزدىڭ وتانىمىز – قازاقستان
ساباقتىڭ ماقساتى: 1) وقۋشىلارعا حالقىمىزدىڭ تاريحىن، اتا - بابامىزدىڭ قانشاما قيىنشىلىق كورسە دە مويىماي بىزگە جەتكىزگەن اسىل مۇراسى ءتىلىمىزدىڭ، جەرىمىزدىڭ ءقادىر - قاسيەتىن تۇسىنە، زەردەلەي بىلۋگە ۇيرەتۋ. 2) وتانعا دەگەن سۇيىسپەنشىلىگىن ارتتىرىپ، ءتىل مادەنيەتىن قالىپتاستىرۋ جانە دامىتۋ. 3) وتانسۇيگىشتىك، پاتريوتتىق تاربيە بەرۋ.
ساباقتىڭ كورنەكىلىگى: سۋرەتتەر، ينتەراكتيۆتى تاقتا، سلايدتار. ساباقتىڭ بارىسى: I. ۇيىمداستىرۋ. II.

كىرىسپە ءبولىم. ءمۇعالىمنىڭ كىرىسپە ءسوزى.
III. نەگىزگى ءبولىم. 1 - جۇرگىزۋشى. ارمىسىزدار قۇرمەتتى ۇستازدار، اتا - انالار، وقۋشىلار!
قانداي عاجاپ اجارلى، اسا كوركەم،
قازاقستان - ارايلى تۋعان ولكەم.
تەرەزەمىز تەڭ بۇگىن باسقا ەلدەرمەن،
وسە بەرسىن ۇل - قىزىڭ جايىپ وركەن.
بۇگىنگى «ءبىزدىڭ وتانىمىز – قازاقستان!»اتتى تاربيە ساعاتىمىزدى باستاۋعا رۇقسات ەتىڭىزدەر. قازاقستان رەسپۋبليكاسىنىڭ مەملەكەتتىك ءانۇرانى ورىندالادى.
2 - جۇرگىزۋشى. ەلىم مەنىڭ! بۇل ءوز ءۇيىڭنىڭ تابالدىرىعىڭنان باستالادى. سودان شەتسىز، شەكسىز قياعا ورلەپ كەتە بارادى. ونىڭ جۇپار اتقان جۋسانى، كەۋدەڭە قۇيىلعان ءمولدىر اۋاسى، جوتاعا ورلەگەن جالعىز اياق جولدارى، وسىنىڭ ءبارى - تۋعان ەلدىڭ ءبىر بولشەگى.
1 - جۇرگىزۋشى. ءبىزدىڭ اتامەكەنىمىز، قازاق دالاسى – بابالارىمىزدىڭ ۇرپاعىنا قالدىرىپ كەتكەن اسىل مۇراسى.
2 - جۇرگىزۋشى. قۇرمەتتى كورەرمەندەر! قازاقستان مەملەكەتى تۋرالى بەينە سيۋجەتكە نازار اۋدارايىق. ( ينتەراكتيۆتى تاقتادان سيۋجەتتى كورىنىس.)
1 - وقۋشى.
قازاق ەلى – قاشاننان دا جىر ەلى،
تاريحىندا تۇلعالار كوپ كيەلى.
قازاقستان اياسىندا بۇرىننان،
بىرنەشە ۇلت بىرگە ءومىر سۇرەدى.

2 - وقۋشى
ءبىر - بىرىمەن تاتۋ - ءتاتتى تۇرادى،
ءبارىنىڭ دە قازاقستان تۇراعى.
تۋعان جەرگە تەبىرەنگەن ساتتەر
اعىلادى ولەڭ - جىردىڭ بۇلاعى.

3 - وقۋشى.
ەندى بۇگىن قاراسام،
اينالام باقىت كەڭ جاتىر.
بىرىمەن – ءبىرى تۋىسقان،
قول ۇستاسقان ەل جاتىر.
قىرعىز، قازاق، وزبەكتەر،
مونعول، ۇيعىر، دۇنگەندەر،
ارميان، تاجىك، گرۋزين،
ورىس پەنەن ۋكراين،
تەرەزەسى تەڭ جاتىر.
الاتاۋ، كاۆكاز ۇلاسىپ،
باۋرايى بۇيرات كەڭ جاتىر
باقىتتىڭ ءانى اسقاقتاپ،
قۇلاققا داۋسى كەپ جاتىر.
ءار ۇلت وكىلدەرى سول ۇلتتىڭ تىلىندە «وتان، دوستىق، بەيبىتشىلىك» سوزدەرىن ايتىپ، تاقپاق
ايتىپ، بي بيلەپ ونەرلەرىن كورسەتەدى.

1 - قازاق
مەن قازاقپىن مىڭ ءولىپ، مىڭ تىرىلگەن،
جورگەگىمدە تانىستىم مۇڭ ءتىلىم
جىلاعاندا جۇرەگىم كۇن تۇتىلىپ،
قۋانعاندا كۇلكىمنەن ءتۇن تۇرىلگەن.
رەسپۋبليكا! ەرىكتى ەل – قازاقستان،
كەلدى اقىرى كوپ كۇتكەن جاز الىستان.
كەلدى الىستان اڭساتىپ، ارمانداتىپ
توردى بۇزعان مەن دە ءبىر ءماز ارىستان.
قازاق ءبيى.

2 - ورىس.
نەتكەن بايتاق قازاق جەرى، كەڭ ەدى،
جەتپەس وعان ەش اقىننىڭ تەڭەۋى،
كەڭ پەيىلدىك، دارقاندىققا جاسىمنان
باۋراپ ەدى بالاسىنداي مەنى ەلى.
ورىس ءبيى.

3 - تاجىك.
وتان دەگەن – اتامەكەن،
وتان دەگەن - تۋعان جەر.
وتان - انا،
وتان - ۇلكەن
قازاقستان - تۋعان ەل!

4 - ەستون.
كوك تۋدى اسقاق كوتەرگەن،
ەلدى ماقتان ەتەم مەن!
تەرەزەسى تەڭ،
الىس، جاقىن شەتەلمەن.

5 - گرۋزين
كىشىپەيىل، قاراپايىم، قازاعىم،
اتاق، داڭقىڭ اۋدارسا الەم نازارىن.
قۋانىشىڭ ورتاق ماعان، ەر ەلىم،
سەنسىڭ بايتاق، سەنسىڭ باقىت – بازارىم. گرۋزين ءبيى.

6 - مولداۆيا.
قازاقستان، گۇلستان،
عاجاپستان، كۇنستان.
جەتتىم مەندە مۇراتىما اڭساعان،
قارىزدارمىن، باس يەمىن مەن ساعان.

7 - ليتۆا
دۇرىلدەتىپ ءوڭىردى
دۇرىلدەسىپ ءدۇلدىلى
قازاق دەگەن ەلىمنىڭ
قۇتتى بولسىن بۇل كۇنى

8 - قىرعىز.
جەلبىرەپ كوككە بايراعى،
ارتتا قاپ تارتقان ازابىڭ.
امان بوپ اۋىل ايماعىم،
ايبارىڭ اسسىن قازاعىم.

9 - وزبەك.
ءبىر - بىرىمەن تاتۋ – ءتاتتى تۇرادى،
ءبارىنىڭ دە قازاقستان تۇراعى.
تۋعان جەرگە تەبىرەنگەن ساتتەردە،
اعىلادى ولەڭ – جىردىڭ بۇلاعى. وزبەك ءبيى.

10 - لاتىش. وسىناۋ دارحان جۇرەكتە، كەڭ جازيرا كوڭىلدى، اقىن جاندى حالىقتىڭ وتانداسى
بولعانىما قۋانامىن دا ماقتانامىن.

11 - ازەربايجان
ءىشى – التىن، سىرتى - نۇر.
بۇزىلماعان شىرقى ءبىر
ۇلى دوستىق مەكەنى - قازاقستان جۇرتى بۇل!
12 - ۇيعىر. شىنىم وسى، سىرىم وسى، اعايىن،
جوق تەڭەۋدى قايدان ىزدەپ تابايىن.
ۇيعىر – قازاق ۇلكەن ءۇيى سەن بولساڭ،
مەن - اق سەنىڭ كىشى وتاۋىڭ بولايىن. ۇيعىر ءبيى.

13 - بەلورۋس. اسقار تاۋىم - قازاقستان
اسەم ءانىم – استانام
قازاقستان - وتانىم دەپ
ءارقاشان دا ماقتانام

14 - ارميان. جاقسىلىققا، باقىتقا،
تالپىنعان ءار ۋاقىتتا.
بالا بىتكەن دوس، باۋىر،
بولماسىن ەش توسقاۋىل.
اقپىز، قارا، سارىمىز
اعايىنبىز ءبارىمىز.
3 - وقۋشى
اشىق بولسىن كۇنىمىز،
جارقىراسىن نۇرىمىز.
باي تۇلعالى وڭىردە
ايتىلسىن جىر – ءانىمىز.
حور: «جاسا قازاقستان»
4 - وقۋشى.
تاۋەلسىزدىك – تىرلىگىمنىڭ ايعاعى،
تاتۋلىعىم – بىرلىگىمنىڭ ايعاعى.
سوگىلمەسە ەلىمىزدىڭ ىرگەسى،
الدە دە بار ۇرپاعىمنىڭ ارمانى.
5 - وقۋشى.
بەيبىت ءومىر تىلەيمىن حالقىما،
تۋعان ءتىلىم شۇبارلانبا، جارقىرا!
تاريحىمدا تالانتتىلار كوبەيسىن،
باس يەمىن اتا - بابا رۋحىنا!
كورىنىس.
حورمەن: ءبىز بەيبىت ومىردە قازاق مەملەكەتىن گۇلدەندىرەتىن ماقسات – مۇراتى ءبىر
ۇرپاقتارىمىز!
6 - وقۋشى
مەن ونىڭ ءتۇنىن سۇيەم، كۇنىن سۇيەم،
اعىندى وزەن، اسقار تاۋ، گۇلىن سۇيەم،
مەن ونىڭ قاسيەتتى ءتىلىن سۇيەم،
مەن ونىڭ قۇدىرەتتى ءۇنىن سۇيەم.
وتان، وتان بارىنەن بيىك ەكەن،
مەن ونى ماڭگىلىككە ءسۇيىپ وتەم!
7 - وقۋشى.
ەڭ ءبىرىنشى باقىتىم – حالقىم مەنىڭ،
سوعان بەرەم ويىمنىڭ التىن كەنىن.
ول بار بولسا مەن بارمىن، قور بولمايمىن،
قىمباتىراق التىننان نارقىم مەنىڭ.
8 - وقۋشى
ال ەكىنشى باقىتىم – ءتىلىم مەنىڭ،
تاس جۇرەكتى تىلىممەن تىلىمدەدىم.
كەي - كەيدە دۇنيەدەن تۇڭىلسەم دە،
قاسيەتتى تىلىمنەن تۇڭىلمەدىم.
7 - وقۋشى.
باقىتىم بار ءۇشىنشى - وتان دەگەن،
كىم مىقتى دەسە بىرەۋ وتان دەر ەم.
وتى سونگەن جالعاندا جان بارسىڭ با؟
ويلانباي - اق كەل داعى وت ال مەنەن.
حور: «وتانىم قازاقستان»
1 - جۇرگىزۋشى.
ەسىگى اشىق، ءتورى كەڭ،
جىلاپ وتتىك وتكەن ءومىر ورىنەن.
جەتەر ەندى، جەلپىنەيىك، قارايىق،
مىنا ومىرگە ەگەمەندىك كوزىمەن
2 - جۇرگىزۋشى.
ارمانداردى جاقىنداتىپ تىم الىس،
ءبىزدىڭ جاققا جەتكەن ەكەن جىلى اعىس.
ەگەمەندى ەل باقىتى، ەرتەڭى،
و، حالايىق! قۇتتى بولسىن قۋانىش!
1 - جۇرگىزۋشى.
ازات ولكەم كۇندەي كۇلىپ شىعىستان،
اسىل ەلىم جان - جۇرەكتى ۇعىسقان.
اتا - بابام اڭساپ وتكەن باقىتىم،
اينالايىن، قازاقستان - گۇلستان!
حور:«اتامەكەن» ءانى ورىندالادى.
IV. قورىتىندى.