بودەنەنىڭ قۇيرىعى نەگە كەلتە؟
بۇل بىلاي بولعان ەكەن. ەرتەدە ءبىر بيىك تاۋ بولىپتى. ول تاۋدان ارى قاراي ەشبىر قۇس اسىپ وتە الماپتى. نەلەر ۇشقىر قىران قۇستار تالاپتانىپ كورىپتى. ءبىراق شامالارى كەلمەپتى.
بۇركىتتىڭ اتاقتىسى كەلىپتى، اسا الماپتى.
قىرعيدىڭ اتاقتىسى كەلىپتى، ول دا اسا الماپتى.
ەڭ سوڭىندا:
— ەندى كىم قالدى؟ – دەگەندە، بودەنەدەن باسقانىڭ ءبارى سىننان ءوتىپ بىتكەن ەكەن.
بودەنەنىڭ اتاقتىسى شاقىرىلىپتى.
— تاۋەكەل! – دەپ، بودەنە ۇشا جونەلىپتى. شىرقاپ كوتەرىلىپ بارىپ، تاۋدان ول دا اسا الماپتى. سونان سوڭ ىزالانعان بودەنە زىمىراپ، قۇيىلعاننان قۇيىلىپ كەپ، تاۋدى كوكىرەگىمەن سوققان ەكەن، سوندا تاۋدىڭ ارعى جاعىنا ءبىر-اق تەسىپ ءوتىپتى.
مىنە، سودان بەرى قاراي بودەنە قونعاندا، اياعىمەن قونبايدى، كوكىرەگىن جەرگە سوعا قونادى ەكەن.
ال قۇيرىعى نەگە كەلتە دەسەك، الگى تاۋدىڭ اراسىندا جۇلىنىپ قالىپ قويىپتى... ايتپەسە، بۇرىن بودەنەنىڭ قۇيرىعى ۇزىن ەكەن.
ءسويتىپ، بيىك تاۋدان اسا الماعان قۇستار تاۋدىڭ ارعى بەتىنە بودەنە تەسكەن تەسىك ارقىلى ءوتىپ بارسا كەرەك.
You Might Also Like
-
ەرتەدە ءبىر كەمپىر-شالدىڭ قۇس دەگەندە، اسىراپ وتىرعان ەكى اتەشى بار ەكەن. قولدارىنا تۇسكەن جەمدەرىن سولارعا بەرىپ، باعىپ-قاعىپتى.
-
ورازا تۇتۋدىڭ ءومىردى ۇزارتاتىنى، سترەسس جانە قانت ديابەتى سەكىلدى اۋرۋلاردىڭ الدىن الاتىندىعى انىقتالدى. “Proceedings of the National Academy of Sciences” اتتى جۋرنالدا بەرىلگەن حاباردا...
