InfoHub Logo

ەلىمىزدە 2019 جىل جاستار جىلى بولىپ جاريالانعانى بەلگىلى. تۇڭعىش پرەزيدەنتتىڭ  باستاماسىنا  قولداۋ بىلدىرگەن ەلباسى قاسىم-جومارت توقايەۆ ءوزىنىڭ قازاقستاندى تابىسقا جەتەلەيتىن اتاۋلى ون باعىتىنىڭ ءبىرىن جاستارعا ارناي وتىرىپ،  «ءبىز «جاس كاسىپكەر» جاستاردىڭ بيزنەس-باستامالارىن دامىتۋ باعدارلاماسىن ىسكە اسىرۋدامىز، جاستار ستارتاپتارىن قولدايمىز. جاستاردى جۇمىسپەن قامتۋ باعدارلامالارىن ىسكە اسىرامىز. مەنىڭ مىندەتىم-سىزدەردىڭ ەڭ ۇلكەن ارمانىڭىزدى ىسكە اسىرۋعا جانە جەكە «تابىسقا جەتۋ تاريحىن» جاساۋ ءۇشىن بارلىق مۇمكىندىكتەردى جاساۋ. مەملەكەتتىك قىزمەتتىڭ بارلىق دەڭگەيلەرىندە جاس تالانتتى مەنەدجەرلەردى ناسيحاتتاۋ ءۇشىن پرەزيدەنتتىڭ كادرلار رەزەرۆى قۇرىلادى. ءبىزدىڭ جاستار ماقساتتى، ەڭبەكقور، جىگەرلى، سوندىقتان قازاقستاننىڭ بولاشاعى جاستاردىڭ قولىندا» دەپ قاداپ ايتتى.

كەز كەلگەن ەل ءوزىنىڭ كەلەشەگەن وسكەلەڭ ۇرپاعىمەن بايلانىستىرادى. بولاشاق-جاستاردىڭ قولىندا دەگەن ۇراندى ءجيى ايتىپ، ەلىمىزدە وسى ماقساتتاردا قولعا لاىنىپ جاتقان جوبالار از ەمەس.  الەمدەگى دامىعان ەلدەردىڭ قاتارىنا قوسىلۋدى ماقسات تۇتقان، شيرەك عاسىردا شيراپ، از عانا ۋاقىتتا الدىعا قارىشتاپ دامىعان قازاقستاننىڭ ەرتەڭگى ءۇمىتى، تاۋەلسىزدىگىن باياندى ەتەر كوزىنىڭ اعى مەن قاراسى،بىرنەشە جىلدان كەيىن مەملەكەتتىڭ بەت-بەينەسى بولاتىن جاستارعا كوبىرەك كوڭىل ءبولۋ-باستى مىندەتتەردىڭ باستىسى.

«ەلىڭنىڭ ۇلى بولساڭ، ەلىڭە جانىڭ اشىسا، ازاماتتىق نامىسىڭ بولسا، قازاقتىڭ مەملەكەتىن نىعايتىپ، كوركەيۋى جولىندا تەرىڭدى توگىپ ەڭبەك ەت. جەردىڭ دە، ەلدىڭ دە يەسى ەكەنىڭدى ۇمىتپا»، دەپ ن.نازاربايەۆ ايتىپ وتكەندەي ۇلان-عايىر اتىراپتىڭ مىزعىماس بىرلىگىن ساقتاپ، تاۋەلسىزدىگىمىزدى تۇعىرىنان تايدىرماي، وزىق ويلى ەلدەردەن وق بويى وزا شابۋعا جىگەرلى دە جالىندى جاستارىمىز تالپىنىپ، مارتەبەمىزدى بيىك ەتسە، ودان اسقان باقىر جوق شىعار ءسىرا. دامىعان ەلدەردەن دارالانۋ ءۇشىن ءار الاش ازاماتى قول قۋسىرىپ جاتپاسى انىق. كەزىندە اتا-بابالارىمىز ءبىلىم الۋ جولىندا سوقتىقپالى، سوقپاقتى جەرلەرمەن ءجۇرىپ، ۇلت ت اعدىرى ءۇشىن جانىن قيعانىن ءبارىمىز بىلىەمىز. ال، قازىرگى ولشەۋسىز مۇمكىندىكتەر بەرىپ قويعان قوي ۇستىندە بوزتورعاي جۇمىرتقالايتىن زاماندا جاستارىمىزدىڭ بىلىمگە تالپىنباۋى ناداندىق بولار ەدى.

بوي جارىستىراتىن ەمەس وي جارىستىراتىن زاماندا بىلەكتىڭ كۇشىنە ەمەس بىلىمگە كامىل سەنگەن ۇلتتىڭ جاس قىرانى ەركىن قالىقتاپ، سامعاي ۇشىپ، بيىكتەرگە قۇلاش سەرمەيتىنى ءسوزسىز. الاش ارىسى ماعجان جۇمابايەۆتىڭ «مەن جاستارعا سەنەمىن» اتتى ولەڭىندە جاستاردى قىران قۇسقا تەڭەۋى دە تەگىن ەمەس.

---