ءقازۇۋ-ڭىڭ ماگيسترانتتارى شەتەلدىك عىلىمي ءىس تاجىربيەدەن ءوتتى
ءال-فارابي اتىنداعى ءقازۇۋ-نىڭ تاريح، ارحەولوگيا جانە ەتنولوگيا فاكۋلتەتىنىڭ 2-كۋرس ماگيسترانتتارى تۇركيا رەسپۋبليكاسى ستامبۋل قالاسىنداعى، ستامبۋل ۋنيۆەرسيتەتىنىڭ فارابي-ەۆرازيا زەرتتەۋ جانە وقىتۋ ورتالىعىندا عىلىمي ىس-تاجىربيەدەن ءوتىپ قايتتى. شەتەلدىك عىلىمي ىس-تاجىربيەنىڭ العاشقى كۇنى ستامبۋل ۋنيۆەرسيتەتىنىڭ فارابي-ەۆرازيا زەرتتەۋ جانە وقىتۋ ورتالىعىنىڭ مەڭگەرۋشىسى، پروفەسسور ابدۋللاح كىزىلدجپەن تانىسۋدان باستالىپ، ودان ءارى فارابي-ەۆرازيا زەرتتەۋ جانە وقىتۋ ورتالىعىنداعى تاعىلىمداما ماسەلەلەرى بويىنشا قۇجاتتاردى قاراپ، تاجىربيە الماسۋ باعدارلاماسىمەن تانىستىرۋ جۇرگىزىلدى. عىلىمي تاعىلىمناما بارىسىندا ماگيسترانتتار ءوز كەزەگىندە ستامبۋل ۋنيۆەرسيتەتىنىڭ ورتالىق كىتاپحاناسىنا بارىپ، ونداعى عىلىمي كىتاپ قورىمەن تانىسىپ، ديسسەرتاسيالىق جۇمىستارىنا بايلانىستى بيبليوگرافيالىق تىزىمدەرمەن تانىستى. سونداي-اق شەتەلدىك ءىس –تاجىربيە بارىسىندا ماگيسترانتتارعا ءوز ديسسەرتاسيالارىنا قاتىستى ستامبۋل ۋنيۆەرسيتەتىنىڭ ماتەريالدىق-تەكنيكالىق بازاسىمەن تانىستىرۋ شارالارى جۇرگىزىلدى. ىس-تاجىربيەدەن ءوتۋ بارىسىندا بولاشاق تاريحشى ماگيسترانتتار ستامبۋل ۋنيۆەرسيتەتىنىڭ فارابي-ەۆرازيا زەرتتەۋ ورتالىعىنىڭ پروفەسسورى ابدۋللاح كىزىلدجىكتىڭ «وسمان يمپەرياسىنىڭ گەوگرافيالىق ايماعى» اتتى سەمينارىنا جانە وسى فارابي-ەۆرازيا زەرتتەۋ ورتالىعىنىڭ عىلىمي كومەكشىسى وتانداسىمىز، دوكتور وراز ساپاشيەۆتىڭ «عىلىمي زەرتتەۋ تاقىرىپتارىن تاڭداۋداعى كەيبىر ماسەلەلەر» اتتى سەمينارلارىنا قاتىسىپ، تاجىربيە جيناقتادى. ماگيسترانتتار ءوز كەزەگىندە ستامبۋل قالاسىنداعى ءىرى تاريحي ماڭىزى بار كەشەندەرگە ونىڭ ىشىندە: اييا-سوفيا مەشىتىنە، سۇلتان-احمەت مەشىتىنە، توپقاپى سارايىنا، دولماباحچە سارايىنا، ستامبۋل قالاسىنداعى ارحەولوگيا مۇراجايى مەن موزايكالار مۇراجايىن ارالاپ، ەكسكۋرسيا جۇرگىزدى. شەتەلدىك عىلىمي ىس-تاجىربيەنىڭ قورىتىندىلاي كەلە تاريحشى ماگيسترانتتار ستامبۋل ۋنيۆەرسيتەتىنىڭ فارابي-ەۆرازيا زەرتتەۋ ورتالىعىنىڭ ارنايى سەرتيفيكاتتارمەن ماراپاتتالدى. سونداي-اق شەتەلدىك عىلىمي ىس-تاجىربيەنىڭ ناتيجەسىندە ءقازۇۋ-نىڭ تاريح، ارحەولوگيا جانە ەتنولوگيا كافەدراسىنىڭ ماگيسترانتتارى جاڭا ماتەريالدارمەن تانىسىپ، ديسسەرتاسياعا قاتىستى مالىمەتتەر قورىن جيناقتادى. شەتەلدىك عىلىمي ىس-تاجىربيەدەن ءوتۋ ماگيسترانتتارعا تەك ديسسەرتاسيالىق جۇمىسقا ماتەريالدار جيناقتاۋ عانا ەمەس، تۇركيالىق عالىمداردىڭ ەڭبەكتەرىنە باقىلاۋ جۇرگىزۋ ارقىلى عىلىمي زەرتتەۋ ءادىسىن تۇسىنۋگە مۇمكىندىك بەرەدى.
ە. شالبايەۆ،ءال-فارابي اتىنداعى قازاق ۇلتتىقۋنيۆەرسيتەتىنىڭ 2 كۋرس ماگيسترانتى.
ن. نۇرتازينا، ءال-فارابي اتىنداعى قازاق ۇلتتىقۋنيۆەرسيتەتىنىڭ پروفەسسورى.، عىلىمي جەتەكشى.
You Might Also Like
-
اتاسىنىڭ تاپسىرماسىن ورىنداپ تاستاماقشى بولىپ، قايىربەك قوراعا قاراي بەتتەدى. داربازانىڭ سىرتىنان بىرەۋدىڭ ىسقىرعانى ەستىلدى.
-
ەلىمىزدە 2019 جىل جاستار جىلى بولىپ جاريالانعانى بەلگىلى. تۇڭعىش پرەزيدەنتتىڭ باستاماسىنا قولداۋ بىلدىرگەن ەلباسى قاسىم-جومارت توقايەۆ ءوزىنىڭ قازاقستاندى تابىسقا جەتەلەيتىن اتاۋلى ون باع...
