توقتا-توقتا، ەي، جىگىت، ايالداعىن.
قانە، قالاي جاعدايىڭ، بايانداعىن.
...تاجىريبە مەكتەبىن ءوتىپ جۇرسەڭ،
دارىگەرلىك كاسىپكە تايانعانىڭ.
تايانعانىڭ، قاراعىم، تايانعانىڭ،
ادام ءۇشىن بارىڭدى ايانباعىن.
ادام تۇرار الدىڭدا، ۇمىت بولار،
ولىكتەر مەن سويىلعان قوياندارىڭ.
ەندى الدىڭدا تۇرادى ءتىرى جاندار،
ءبىرى ءسۇيىپ، كىم ءبىلسىن، ءبىرى قارعار...
قيمىلداماي كىرپىگى جاتسا-داعى،
بايقاعايسىڭ، شىقپاعان ءتىرى جان بار!
كاسىبىڭنەن كەتپەگەي جەرىپ مۇلدە،
(اقىل ايتىپ كەتتىم-اۋ جەلىكتىم بە؟)
ولگەندەردى تىرىلتەم دەپ ويلاعان،
دەنەسىنەن جان ىزدە ولىكتىڭ دە.
جولىڭ بولسىن، بارا عوي، اينالايىن،
اينالايىن، قورعاۋشىم، قارعادايىم!
كاسىبىڭە مەن سەنىڭ باسىمدى يەم،
باسىمدى يەم، نەسىنە ارلانايىن...

---