تاكاپپار تاۋلار جاتقان جان-جاعىندا،
بارىپ قايت سالقىن جايلاۋ، مالدى اۋىلعا.
ءبىر جەر بار «قاراساز» دەپ اتالاتىن،
كورەسىڭ جولىڭ ءتۇسىپ بارعانىڭدا.
كورەسىڭ كوك ورمانىن، جىلعالارىن،
ءموپ-مولدىر قايناپ شىققان تۇنبالارىن.
جىلعانىڭ جاعاسىندا بۇزىلعان ءۇي،
سەن سوعان ەي، جولاۋشىم، ءبىر قاراعىن.
كەس-كەستەپ كىسى جولىن تورىماعان،
وسىندا تىرلىك ەتكەن مومىن ادام.
قانشاما تىربانسا دا شارۋانىڭ
داۋلەتى بىر-بىرىنە قورىماعان.
ومىردە ءوزىن-وزى ول قۇل كورىپتى،
(كيىپتى اۋىستىرماي ءبىر بورىكتى...)
بايعۇستىڭ بارشا جۇرتى تىلەك تىلەپ،
ۇيىنە تۇڭعىشى بوپ ۇل كەلىپتى.
توي جاساپ، تورقا توسەپ شابىلماعان،
(دەمەك، تويدىڭ جابدىعى تابىلماعان.)
ءومىر دەيتىن وزگەرمەس مەكەمەنىڭ
الدىندا اجەم مەنى قابىلداعان.
كەيىن اكەم ەل-جۇرتىن باسقارىپتى،
(قاشانعى جارعاق بوركى تاستالىپتى.)
...جاعاسىندا جىلعانىڭ بۇزىلعان تام،
عۇمىرىم وسى جەردەن باستالىپتى.

---