«بولاشاق» ستيپەندياسىنا كۆوتا جويىلادى
2020 جىلدان باستاپ «بولاشاق» ستيپەندياسىنا ارنالعان كۆوتانىڭ بارلىق ءتۇرى الىنىپ تاستالادى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ق ر ءبىلىم جانە عىلىم ۆيسە-مينيسترى رۇستەم بيعاري ايتتى.
«كەشە شەتەلدە كادر دايىنداۋ جونىندەگى رەسپۋبليكالىق كوميسسيانىڭ كەزەكتى وتىرىسى ءوتتى. وزدەرىڭىز دە بىلەتىندەي، «بولاشاق« ستيپەندياسى 26 جىلدان استام بۇرىن، 1993 جىلدىڭ 5 قاراشاسىندا بەكىتىلگەن بولاتىن. وسى ۋاقىتتىڭ ىشىندە 13 مىڭنان استام ستيپەنديا تاعايىندالىپ، قازاقستان ەكونوميكاسى ءۇشىن 10 مىڭنان استام مامان دايىندالدى»، - دەدى ول.
ۆيسە-مينيستردىڭ ايتۋىنشا، كوميسسيانىڭ كەشەنى وتىرىسىندا 234 جاس قازاقستاندىققا ماگيستراتۋرا مەن دوكتوراتۋرادا ءبىلىم الۋ ءۇشىن «بولاشاق» ستيپەندياسى تاعايىندالدى. ستيپەنديانىڭ 92 پايىزى ماگيستراتۋرا، 8 پايىزى دوكتورانتۋرا باعدارلاماسى بويىنشا ءبىلىم الۋعا بەرىلدى. سونىمەن قاتار، ول ق ر مەملەكەتتىك حاتشىسى، كومياسسيا ءتوراعاسى قىرىمبەك كوشەربايەۆتىڭ تاپسىرماسىنا سايكەس، «بولاشاق» باعدارلاماسىنىڭ جاڭا ەرەجەسىنىڭ جوباسى ەنگىزىلگەنىن اتاپ ءوتتى. وعان سايكەس، كەلەسى جىلدان باستاپ ۇمىتكەرلەرگە جاڭا تالاپ قويىلادى.
اتاپ ايتقاندا، باسىمدىققا يە ماماندىقتارعا باسا نازار اۋدارىلادى. ستيپەندياعا ۇمىتكەرلەر اعىلشىن تىلىنە جەتىك بولعاندىقتان كەلەسى جىلدان باستاپ شەتەلگە جىبەرمەس بۇرىن تىلدىك دايىندىقتان ءوتۋ تالابى الىنىپ تاستالادى.
«تاعى ءبىر جاڭالىق - ءبىز كۆوتانىڭ بارلىق تۇرىنەن باس تارتامىز. ءقازىر مەملەكەتتىك قىزمەتشىلەر ءۇشىن، ينجەنەرلىك-تەحنيكالىق ماماندىقتار ءۇشىن كۆوتا بار. وسى كۆوتالار جويىلادى. ءبىر عانا جالپى كونكۋرس جانە ماقساتتى دايىندىق بولادى»، - دەدى رۇستەم بيعاري.
You Might Also Like
-
اقش-تا جاسالعان زەرتتەۋ ناتيجەسىندە پەسسيميستتەرگە قاراعاندا وپتيميستتەردىڭ ۇزاعىراق ءومىر سۇرەتىنى انىقتالدى. زەرتتەۋ دەرەكتەرى 1976 جىلدان باستاۋ الاتىن جانە 71173 ادامنىڭ ومىرىنە وپتيميزم مەن پەس...
-
ەلىمىزدىڭ ءىرى قوعام قايراتكەرى، حح عاسىر قازاق ادەبيەتىنىڭ كورنەكتى وكىلىنىڭ ءبىرى – عابيت ماحمۇت ۇلى مۇسىرەپوۆ. جازۋشىنىڭ شىعارماشىلىق جولى وتە باي، تۋىندىلارى ادەبيەت تەكتەرىن تولىق قامتىعان....
