بولاشاققا قادام: جوعارعى وقۋ ورنىن تاڭداۋدا قالاي قاتەلەسپەۋگە بولادى؟
مەكتەپ ءبىتىرۋشى جاس تۇلەكتەر ءۇشىن الدىمەن ماماندىقتى، سودان سوڭ سول كاسىپتىڭ قىر-سىرىن مەڭگەرتەتىن جوعارعى وقۋ ورنىن تاڭداۋ — بولاشاققا جاسالعان ەڭ ماڭىزدى قادامداردىڭ ءبىرى. سەبەبى ءسىزدىڭ ءبىلىم الىپ جۇرگەن ورتاڭىز ءسىزدىڭ تۇلعا بولىپ جەتىلۋىڭىزگە تىكەلەي اسەر ەتەدى. بۇل جازبادا مەن ۋنيۆەرسيتەت تاڭداۋدا سىزگە كومەكتەسەتىن بىرنەشە كەڭەستەرمەن بولىسكىم كەلەدى.
وقۋ ورنىن تاڭداۋدا قاتەلەسپەۋ ءۇشىن:
1. ۋنيۆەرسيتەتتەر ۇسىنعان ءبىلىم بەرۋ باعدارلامالارىمەن تانىسىپ، ءوزىڭىزدىڭ قىزىعۋشىلىقتارىڭىزعا جانە مانساپتىق ماقساتتارىڭىزعا سايكەس كەلەتىنىنە كوز جەتكىزىڭىز.
2. ۋنيۆەرسيتەتتىڭ، ونىڭ كافەدرالارى مەن وقىتۋشىلارىنىڭ بەدەلى تۋرالى زەرتتەۋلەر جۇرگىزىڭىز.
3. ۋنيۆەرسيتەتتىڭ ورنالاسقان جەرىن قاراستىرىڭىز. ءوزىڭىزدى جايلى سەزىنەتىن جەردى شەشىپ، كليماتتى، مادەني ورتانى جانە قىزمەتتەردىڭ قولجەتىمدىلىگىن ەسكەرىڭىز.
4. وقۋ اقىسىن، قارجىلىق كومەك نەمەسە شاكىرتاقى الۋ مۇمكىندىكتەرىن باعالاڭىز.
5. جوعارعى وقۋ ورنىندا ءبىلىم بەرۋ قىزمەتتەرىن كورسەتۋ ءۇشىن قاجەتتى اككرەديتاسيالار مەن ليسەنزيالاردىڭ بولۋىنا نازار اۋدارىڭىز.
6. ۋنيۆەرسيتەت اتموسفەراسى مەن مادەنيەتىن ءتۇسىنۋ ءۇشىن كورپۋستارعا بارىڭىز جانە اشىق ەسىك كۇندەرىنە قاتىسىڭىز.
7. ءار ءتۇرلى سايتتاردان ستۋدەنتتەردىڭ ۋنيۆەرسيتەتتەر جايلى پىكىرلەرىن وقىڭىز. وسى ورايدا ءوزىم Joo.kz سايتىن ۇسىنعىم كەلەدى، بۇل سايتتا جوعارعى وقۋ ورىندارى تۋرالى پىكىرلەردى تابا الاسىز، سونداي-اق ۇبت باللىڭىزدى ەنگىزىپ قانداي ۋنيۆەرسيتەتتەرگە تۇسۋگە مۇمكىندىگىڭىز بار ەكەنىن بىلە الاسىز.
8. ستۋدەنتتەردىڭ بەلگىلى ءبىر ۋنيۆەرسيتەتتى اياقتاعاننان كەيىن ماماندىعى بويىنشا جۇمىسقا ورنالاسۋ ستاتيستيكاسىن، پراكتيكالىق تاجىريبەسىنىڭ بولۋىن زەرتتەڭىز.
9. ەگەر ءسىز باسقا قالادا وقۋدى جوسپارلاساڭىز، جاتاقحانالارداعى جاعداي قانشالىقتى جايلى ەكەنىن ءبىلۋدى ۇمىتپاڭىز، ويتكەنى جاتاقحانا الداعى جىلدارى ءسىزدىڭ ەكىنشى ۇيىڭىزگە اينالادى. ستۋدەنتتىڭ كەز كەلگەن جەردە ۇيىقتاپ، نە جەيتىن كەزدەرى وتكەندە قالدى دەگەن ءۇمىت بار.
10. ەل-جۇرتتىڭ ايتقانىنان نەمەسە جالعىز قالىپ قالۋدان قورقىپ دوستارىڭىزدىڭ ارتىنان ەرىپ ۋنيۆەرسيتەت تاڭداماڭىز. ىشكى قالاۋىڭىزدى ەسكەرىپ، ءسىزدىڭ بولاشاعىڭىزعا ۇلكەن مۇمكىندىكتەر ۇسىنا الاتىن ۋنيۆەرسيتەتتى تاڭداعانىڭىز ءجون.
قورىتىندىلاي كەلە، ۋنيۆەرسيتەتتى تاڭداۋ ءسىزدىڭ ءبىلىمىڭىز بەن بولاشاق مانسابىڭىزدى انىقتايتىن ماڭىزدى قادام ەكەنىن ايتقىم كەلەدى. ەڭ باستىسى ءوزىڭىزدىڭ جۇرەك قالاۋىڭىزدى تىڭداڭىز. ءومىرىڭىزدى قۇرۋ — ءوز قولىڭىزدا. ءبىلىم جولىندا ساتتىلىك!
بايسەركينا مادينا
You Might Also Like
-
ءال-فارابي اتىنداعى قازاق ۇلتتىق ۋنيۆەرسيتەتى – قازاقستانداعى ەڭ ءىرى جەتەكشى وقۋ ورىندارىنىڭ ءبىرى.
-
كۇز، قىس ايلارىندا دۇنيەگە كەلگەن بالالاردا ءجيى كەزدەسەتىن سارعىشتانۋدىڭ سەبەپتەرى نەدە؟
