InfoHub Logo

ەندى قوعامدىق ورىندا بەيادەپ ءسوز ايتقان بالالاردىڭ اتا-انالارى نەمەسە زاڭدى وكىلدەرى زاڭ الدىندا جاۋاپ بەرەدى. بۇل تۋرالى قىلمىستىق كودەكستىڭ 131-بابىنا جانە اكىمشىلىك قۇقىق بۇزۋشىلىق تۋرالى كودەكسكە سايكەس ناقتى جازىلعان.

جالپى العاندا، كوپشىلىك الدىندا ار-نامىستى قورلاۋ، اسىرەسە ادەپسىز تۇردە بالاعاتتاۋ — قىلمىستىق جاۋاپكەرشىلىككە اكەلۋى مۇمكىن. مۇنداي ارەكەتتەر ءۇشىن ەرەسەك ازاماتتار 100 ايلىق ەسەپتىك كورسەتكىشكە (اەك) دەيىن ايىپپۇل (393 200 تەڭگە) نەمەسە 120 ساعاتقا دەيىن قوعامدىق جۇمىسقا تارتىلۋى مۇمكىن.

ال قوعامدىق ورىندا جاي عانا بەيادەپ ءسوز ايتقاندار 20 اەك (78 640 تەڭگە) ايىپپۇل تولەيدى نەمەسە 5-تەن 15 تاۋلىككە دەيىن اكىمشىلىك قاماۋعا الىنادى. قايتالاپ جاسالسا — 30 تاۋلىككە دەيىن قامالادى.

كامەلەتكە تولماعاندارعا قاتىستى تالاپتار:

12 جاسقا دەيىن — تولىق جاۋاپكەرشىلىك اتا-انالاردا. ايىپپۇل 10-نان 15 اەك-كە دەيىن (39 320 – 58 980 تەڭگە)؛

14–16 جاس ارالىعى — اتا-انالار 7 اەك (27 524 تەڭگە) تولەيدى؛

16–18 جاس ارالىعى — ءجاسوسپىرىمنىڭ ءوزى جاۋاپ بەرەدى. ەگەر جۇمىس ىستەمەسە، اتا-اناسىنا 10 اەك (39 320 تەڭگە) ايىپپۇل سالىنادى.

الەۋمەتتىك جەلىدەگى بالاعاتتاۋ مەن بۋللينگكە قاتىستى دا جازا كۇشەيتىلدى — 200 اەك-كە دەيىن، ياعني 786 400 تەڭگەگە دەيىن ايىپپۇل كوزدەلگەن.

پوليسيا ءار جاعدايدى جەكە تەرگەپ، كۋاگەرلەردىڭ كورسەتۋلەرى، بەينە/اۋديو جازبالار مەن لينگۆيستيكالىق ساراپتامالاردى دالەل رەتىندە قولدانادى.