جاڭا جىلعا ارنالعان تىلەكتەر، قۇتتىقتاۋلار
جاڭا جىل! جاڭا كۇن! جاڭا ءومىر!
بۇل كۇن بولمىستاعى بوياۋدىڭ بارلىعىن ۇمىتتەن، قۋانىشتان، ماحابباتتان الىپ، اينالاعا نۇر بولىپ شاشىلىپ، ءار شاڭىراققا شۋاق بولىپ تارايدى. قاي-قايسىمىز بولساق تا وسى مەرەكەلىك كەشتەن كەلەسى جاڭا جىلعا دەيىن جۇرەگىمىزگە ەستە قالاتىنداي ءبىر سەزىمدى سەبەلەيمىز، ول سەزىم ءبىزدى كەلەسى جىلعا دەيىن ۇمىتپەن جەتەلەپ وتىرادى. جاڭا جىل ءاربىر شاڭىراققا قۇت، بەرەكە، ىرىس الىپ كەلسىن!
*** *** *** ***
قۇرمەتتى قاۋىم!
سىزدەردى جاڭا ____ جىلمەن شىن جۇرەكتەن قۇتتىقتايمىن!
جاڭا جىلدا جاعىمدى جاڭالىقتار مەن تەلەگەي تابىس مول بولسىن! ءاربىر يگى ىستەر مەن جاڭا باستامالارىڭىزعا ساتتىلىك سەرىك بولىپ، وتباسىڭىزعا باياندى باقىت پەن باق-بەرەكە كەلسىن!
جاڭا جىل مەرەكەلى، بەرەكەلى بولىپ، مەرەيىڭىز ۇستەم، بەدەلىڭىز بيىك، ابىرويىڭىز اسقاق بولۋىنا تىلەكتەسپىن!
ىزگى نيەتپەن، قانداس باۋىرلارىڭ!
جاڭا ____ جىلمەن ەڭ ىزگى قۇتتىقتاۋىمدى قابىل الىڭىزدار! كەلەر جىل سىزدەرگە قۋانىش، جاڭا ۇمىتىلماس اسەرلەر مەن ۇكىلى ۇمىتتەر سىيلاسىن! تىشقان جىلى ۇشقىر ارمان-قيالدارىڭىز بەن اق تىلەك-نيەتتەرىڭىز ورىندالاتىن جارقىن دا كوڭىلدى، تابىستى ءارى ماقساتتى جىل بولۋىن تىلەيمىن! ساتسىزدىكتەر وتكەننىڭ ەنشىسىندە قالىپ، وكپە-رەنىشتەر ۇمىتىلىپ، دوستىق پەن سۇيىسپەنشىلىك داۋىرىنە جول اشىلعاي. بارلىق باستامالاردىڭ باعى جانىپ، سۇيىكتى ءىسىڭىز قاناعات اكەلسىن، جاڭا بىلىمدەرگە، جاڭاشا تاجىريبەگە، بيىك كاسىپتىك بەلەستەر مەن اسقار اسۋلارعا جەتەلەسىن! الداعى جىل ءار ادامنىڭ جۇلدىزى جوعارىلاپ، ابىرويى ارتۋىنا مول مۇمكىندىكتەر تۋعىزىپ، ءومىرىمىزدى ءماندى وقيعالارعا، تاتۋلىق پەن جاسامپازدىققا تولتىرعاي! بارشامىزدىڭ تاسىمىز ورگە دومالاپ، وتباسىلىق باقىتقا كەنەلەيك، جان جىلىلىعىنا بولەنەيىك! جاڭا ____ جىل قۇتتى بولسىن! مەيىرىم ساۋلەسى مەن شاپاعات شۋاعى مولىنان بولعاي!
*** *** *** ***
ەسكى جىلدىڭ قايعى-مۇڭىن، وكپە-نازدىڭ بارلىعىن ارتقا تاستاپ، كىرىپ كەلە جاتقان جاڭا جىلدى كوتەرىڭكى كوڭىل-كۇيمەن، تازا، تىڭ ويلارمەن قارسى الۋ كەرەك. ءاربىر كىرگەن جاڭا جىلدىڭ ءوزىنىڭ دايىنداپ وتىرعان قۋانىشى، باقىتى، سىيى بولادى.
دوستار، ءبىز دە وكپە-نازىمىزدى، وكىنىش-مۇڭىمىزدى، قيىندىق سەزىنگەن ساتتەرىمىزدى ءبىر ءسات ەستەن شىعارىپ، ەسكى جىلعا قالدىرىپ، جاڭا جىل تابالدىرىعىن ماحابباتپەن، مەيىرىممەن اتتايىق، ءبىزدى الدا تەك قانا قۋانىش پەن باقىت كۇتىپ تۇر دەپ سەنەيىك. جاڭا جىلدا ۇيلەرىڭىز نۇرعا، قۇشاقتارىڭىز گۇلگە تولسىن!
You Might Also Like
-
ەلىمىز ەگەمەندىك الىپ، تاۋەلسىز مەملەكەت بولىپ قالىپتاسقانعا دەيىن قازاق حالقىنىڭ تۇرمىس-تىرشىلىگىندە، اتا-بابالارىمىزدان امانات بولىپ قالعان داستۇرلەرىمىز بەلگىلى ءبىر سەبەپتەرگە بايلانىستى كومەسكى...
-
وتباسىمىزدىڭ ەڭ كىشكەنتاي مۇشەسى — ءبۇلدىرشىنىم، سەنىڭ دە جاڭا جىلىڭ قۇتتى بولسىن! اپپاق قارداي كوڭىلى پاك بالاپانىما كەلەر جىل تەك جاقسىلىقتارىن سىيلاسىن. جايناعان جۇزىنەن كۇلكى كەتپەي، بالدا...
