InfoHub Logo

كۇندەلىكتى ساباق جوسپارى، گەوگرافيا 8 سىنىپ
تاقىرىپتار:
16 - ساباق. بيىك تاۋلى ولكەلەر
17 - ساباق. قازاقستاننىڭ پايدالى قازبالارى. جاناتىن پايدالى قازبالار.
18 - ساباق. رۋدالى جانە رۋداسىز پايدالى قازبالار
19 - ساباق. №3 ساراماندىق جۇمىس.
20 - ساباق. قايتالاۋ ساباعى

سىنىپ: 8
تاقىرىبى: بيىك تاۋلى ولكەلەر
بىلىمدىلىك. قازاقستان بيىك تاۋلى ولكەلەرى تۋرالى، بيىكتىك بەلدەۋلەر جانە تابيعات رەسۋرستارى تۋرالى بىلىمدەرىن قالىپتاستىرۋ.
دامىتۋشىلىق. ءارتۇرلى تاقىرىپتىق كارتالارمەن جۇمىس ىستەۋ داعدىلارىن قالىپتاستىرۋدى دامىتۋ. كارتا بويىنشا تاۋلارعا سيپاتتاما بەرۋ داعدىلارىن قالىپتاستىرۋدى ودان ءارى جالعاستىرۋ.
تاربيەلىك. وتانى تۋرالى بىلىمدەرىن تەرەڭدەتە كەلە، وتانسۇيگىشتىك قاسيەتىن ارتتىرۋ، گەوگرافيالىق مادەنيەتكە تارتۋ.
ساباق ءتۇرى: ارالاس ساباق
ساباقتى ۇيىمداستىرۋ فورماسى: ءفرونتالدى
ساباقتى جۇرگىزۋ ءادىس - تاسىلدەرى: سۇراق - جاۋاپ
قۇرال - جابدىقتار: قازاقستاننىڭ فيزيكالىق كارتاسى، تەكتونيكالىق جانە گەولوگيالىق كارتالار.
نەگىزگى ۇعىمدار: بيىكتىك بەلدەۋلىك، بيىك تاۋلار، تاۋ شىڭى، مۇزدىقتار، قازانشۇڭقىر، جاڭا تەكتونيكالىق قوزعالىستار.
نومەنكلاتۋرا: سولتۇستىك تيان - شان جوتاسى، جوڭعار الاتاۋى، ساۋىر، تارباعاتاي، التاي، شۋ، ىلە، زايسان قازانشۇڭقىرلارى، ىلە الاتاۋى، قىرعىز الاتاۋى، تالاس الاتاۋى، كەتمەن جوتاسى، كۇنگەي الاتاۋى، تەرىسكەي الاتاۋى.

ساباقتىڭ بارىسى:
1. ۇيىمداستىرۋ كەزەڭى وقۋشىلارمەن امانداسۋ. تۇگەندەۋ. ساباققا دايىندىعىن تەكسەرۋ. پسيحولوگيالىق دايىندىعىن تەكسەرۋ.
2. ءۇي تاپسىرماسىن تەكسەرۋ كەزەڭى. (10+1 - 2 مين)
داپتەرلەرىنەن كەستەلەرىن تەكسەرەدى. كەسكىن كارتالارىن تەكسەرەدى. وتكەن تاقىرىپ بويىنشا كەلەسى سۇراقتاردى قويادى:
1. قازاقستاننىڭ باتىسىندا قانداي ويپات، قىراتتار بار؟
2. الاسا تاۋلى ولكەلەرگە قاي تاۋلار جاتادى؟
3. جاڭا تاقىرىپقا كوشۋ كەزەڭى
كىرىسپە سۇراقتار قويىلادى:
1. قازاقستاننىڭ قانشا اۋماعىن بيىك تاۋلار الىپ جاتىر؟
2. بيىك تاۋلارعا بيىكتىگى قانشا مەتر بولاتىن تاۋلار جاتادى؟
3. ولار قازاقستاننىڭ قاي بولىگىن الىپ جاتىر؟ (كارتا بويىنشا انىقتاۋ)
4. تەكتونيكالىق كارتادان بيىك تاۋلاردىڭ قاي كەزەڭدەردە پايدا بولعانىن انىقتاڭدار.

3. جاڭا تاقىرىپتى مەڭگەرۋ كەزەڭى. الاسا تاۋلار مەن بيىك تاۋلاردى سالىستىرادى. بۇل جەردە نەگىزگى ماسەلە تاۋلاردىڭ قاي كەزەڭدە قالىپتاسقانىن سالىستىرا وتىرىپ، جەر بەدەرىنىڭ دامۋىندا تەكتونيكالىق قوزعالىستار مەن گەولوگيالىق ۋاقىتتىڭ ءرولىن اشىپ كورسەتۋ. قازاقستان اۋماعىنداعى بيىك تاۋلاردىڭ ەرەكشەلىگىن انىقتاۋ ءۇشىن مىناداي تاپسىرمالار بەرەدى:
1. بۇل تاۋلاردىڭ بارلىعى دەرلىك پالەوزوي قاتپارلىقتارىندا قالىپتاسقانىنا قاراماستان بيىك بولىپ كەلۋ سەبەبىن قالاي تۇسىندىرۋگە بولادى؟
2. بيىك تاۋلى ايماقتاردىڭ بۇگىنگى كۇنگە دەيىن قالىپتاسىپ، دامىپ جاتقاندىعىن قالاي دالەلدەۋگە بولادى؟
كەيىن ءمۇعالىم بيىك تاۋلى ايماقتارعا سيپاتتاما بەرۋدى باستايدى. سيپاتتاما بەرۋدە جەكە تاۋ جۇيەلەرىنە ولاردىڭ گەوگرافيالىق ورنى مەن بۇل تاۋ، تاۋ جۇيەسىنە جاتاتىن تاۋ جوتالارىنا جانە ەڭ بيىك نۇكتەلەرىنە توقتالادى.

4. جاڭا تاقىرىپتى بەكىتۋ
وقۋلىق ءماتىنىن جانە فيزيكالىق كارتانى پايدالانا وتىرىپ تاۋ جۇيەلەرىنە سيپاتتاما بەرۋ تاپسىرماسىن بەرەدى: 1) قانداي تاۋ جوتالارىنان تۇرادى؛ 2) ەڭ بيىك نۇكتەلەرى
5. ساباقتى قورىتىندىلاۋ
1. قازاقستان اۋماعىندا قانداي بيىك تاۋلار بار؟
2. ولار ەلىمىزدىڭ قاي بولىگىندە ورنالاسقان ەكەن؟
6. باعالاۋ كەزەڭى
ساباق بارىسىندا بەلسەندى قاتىسىپ وتىرعان جانە كارتامەن جۇمىس ىستەگەن وقۋشىلار باعالانادى.
7. ۇيگە تاپسىرما بەرۋ كەسكىن كارتاعا قازاقستاننىڭ بيىك تاۋلارىن ءتۇسىرۋ. تاپسىرمالارىن اياقتاماعان جاعدايدا ولاردى سوڭىنا دەيىن اياقتاۋ.