InfoHub Logo

№22 نەگىزگى ورتا ءبىلىم بەرەتىن مەكتەپ - ينتەرناتى
حيميا جانە بيولوگيا پاندەرى ءمۇعالىمى
قابىلوۆا باقىت اسقاروۆنا

بيولوگيالىق بايگە - تارتىس
اننوتاسيا
سىنىپتان تىس "بيولوگيالىق بايگە - تارتىس" ءىس - شاراسى 7 سىنىپ وقۋشىلارىنا ۇسىنىلىپ وتىر. وقۋشىلارمەن ساباق ۋاقىتىنان تىس جۇرگىزىلەتىن كوپشىلىك جۇمىستاردىڭ ءبىرى – بيولوگيالىق ديداكتيكالىق ويىندار. ويىن ۇستىندە بالانىڭ دەنەسىمەن اقىل - ويى دامىپ، قابىلەتى مەن بەلسەندىلىگى ارتادى. وسى ءىس - شارا بارىسىندا ءداستۇرلى ەمەس ويىن تۇرلەرىن قولداندىم. وقۋشىلاردىڭ بيولوگيادان العان بىلىمدەرىن قورىتىندىلاپ، دەنساۋلىعىن شىڭداي وتىرىپ سالاۋاتتى ءومىر سالتىن ناسيحاتتاۋدى ماقسات قىلىپ قويدىم. وقۋشىلار بىرىگىپ توپپەن جۇمىس جاساۋ ارقىلى پانگە قىزىعۋشىلىق سەزىمى ويانادى.

"بيولوگيالىق بايگە - تارتىس" ءىس - شاراسى
7 سىنىپ
ماقساتى:
بىلىمدىلىك: وقۋ پروسەسىندە ءداستۇرلى ەمەس ويىن تۇرلەرىن قولدانىپ، وقۋشىلاردىڭ بيولوگيادان العان بىلىمدەرىن قورىتىندىلاپ بەكىتۋ، سالاۋاتتى ءومىر سالتىن ناسيحاتتاۋ، وقۋشىلاردىڭ دەنساۋلىعىن شىڭداۋ؛
دامىتۋ: وقۋشىلاردىڭ ويلانىپ، بىرىگىپ توپپەن جۇمىس ىستەۋ داعدىسىن، دۇنيەتانىمدىق كوزقاراسىن قالىپتاستىرۋ، پانگە قىزىعۋشىلىق سەزىمىن وياتۋ. جان - جاقتى تانىم پروسەستەرىن دامىتۋ؛
تاربيەلىك: ۇجىمدىق قارىم - قاتىناس، ىنتىماقتاستىق، بىرلىككە تاربيەلەۋ.
ءپانارالىق بايلانىس: دەنەشىنىقتىرۋ، سۋرەت
ءادىس - تاسىلدەر: ويىن تۇرىندە
رەسۋرستار: تاقتا، ماركەرلەر، ا3 فورماتىنداعى پاراقتار، ءتۇرلى – ءتۇستى ستيكەرلەر، پاراققا جازىلعان ماتىندەر، بەس ساۋساق ماكەتى، عالىمدار پورترەتتەرى، سۋرەتتەر، ماگنيتتەر، شەڭبەر، كەگل، سەكىرەتىن ءجىپ، قاپ، دوپ.

جۇمىس بارىسى:
I. ۇيىمداستىرۋ كەزەڭى
1. توپقا ءبولۋ: سۋرەت تاراتىلىپ، سول بويىنشا توپقا بولىنەدى.
ءمۇعالىم:
ءىس - شاراعا 7 سىنىپتىڭ بيولوگيا ءپانىن جاقسى مەڭگەرگەن "ەڭ - ەڭ - ەڭ"دەگەن وقۋشىلارى قاتىسىپ وتىر. كوماندا مۇشەلەرىنىڭ قانشالىقتى بيولوگيا ءپانى مەن ونىڭ زاڭدارىن بىلەتىنىن، كۇندەلىكتى ومىردە قانشالىقتى قولداناتىنىن بايقايمىز.
1 جۇرگىزۋشى:
ءبىلىم دەگەن بيىك شىڭ،
باقىتقا سەنى جەتكىزەر
ءبىلىم دەگەن اقىلشىڭ،
قيىندىقتان وتكىزەر - دەپ " بيولوگيالىق بايگە - تارتىس" ءىس - شاراسىنىڭ شارتتارىمەن تانىستىرامىن:
1." بيولوگيالىق بايگە - تارتىس" ءىس - شاراسى سپورت زالدا وتەدى.
2. بايگەگە 5 وقۋشىدان ەكى كوماندا قاتىسادى.
3. ءار ەستافەتا ۇپايمەن سانالادى
2 جۇرگىزۋشى
قاتال دا ادىلەتتى ءادىل قازىلار القاسىمەن تانىستىرامىز. ورتاعا 1كوماندا "مارجاندار " جانە 2 كوماندا "ۇلۋلار "شىعىپ وزدەرىن تانىستىرادى (2 ۇپاي)
1 ەستافەتا "دوپتى جەتەلەۋ"
"ىسقىرىق" بەلگىسىمەن ءاربىر كوماندا مۇشەسى دوپتى جەتەلەي وتىرىپ، بەلگىگە بارادى دا ماگنيتتى تاقتادا تاپسىرمانى ورىنداپ كەرى قايتادى. ەستافەتانى ءبىرىنشى اياقتاعان كوماندا جەڭىسكە جەتەدى. (تولىق جاۋاپقا 5 ۇپاي)
2 ەستافەتا "وتكەلدەن ءوتۋ"
1. كوماندانىڭ ءبىرىنشى مۇشەسى شاحمات رەتىمەن قويىلعان كەگل اراسىمەن ءبىر اياقپەن سەكىرىپ ءوتىپ، تاپسىرمانى ورىنداپ، كەگل اراسىمەن ءبىر اياقپەن سەكىرىپ ورنىنا قايتادى دا كوماندانىڭ كەلەسى مۇشەسىنە ەستافەتانى بەرەدى.
تاپسىرما: ءاربىر وقۋشىعا عىلىم سالالارىنا بايلانىستى تەرميندەر بەرىلەدى. ول تەرميندەرگە انىقتاما بەرىلۋى كەرەك. (تولىق جاۋاپقا 5 ۇپاي)